Дөңгелек үстел: Сыбайлас жемқорлыққа қарсы күрес

Ы.Алтынсарин атындағы №159 гимназия

Күні:02.12.2021ж.

Тақырыбы: «Сыбайлас жемқорлыққа қарсы күрес!»

Мақсаты: Қоғамның әртүрлі орталарындағы сыбайлас жемқорлықтың алдын – алу, профилактикалық жұмыстарын насихаттау; сыбайлас жемқорлыққа қарсы күрес туралы заңдарды негізге ала отырып, құқықтық мағлұмат беру,білімдерді дағдыландыру; саяси өмірден хабардар жеке тұлғаны қалыптастыру, жеке тұлғалардың еркін сөйлеуіне, қоғамға деген өз ой - пікірлерімен санасуға жағдай жасау, ҚР-на адал қызмет етуге, Ата заңды құрметтеуге, адамгершілікке тәрбиелеу.

Көрнекілігі: Тақырыптық презентация, бейнеролик.

Түрі: Дөңгелек үстел

Дөңгелек үстелдің барысы:

1. Ұйымдастыру кезеңі

2. Әңгіме сұхбат

3. Қорытынды

Қатысушылар: 1.Мектеп әкімшілігі

2. Хавалаш Айнұр

3. Алдыбекова Малика

4. Алдаберген Салтанат

5. Сұлтанғазы Бекарыс

6. Рамазанова Арайлым

7. Бертаева Мақпал

8.Тоқтамұрат Айгерім

Жоспары:

І. Ұйымдастыру кезеңі:

1. Сәлеметсіздер ме, құрметті ұстаздар. Бүгінгі біздің «Сыбайлас жемқорлыққа қарсы күрес» атты дөңгелек үстелімізді бастауға рұқсат етіңіздер!!! (Слайд №1)

2: Бүгінгі біздің сіздердің бастарыңызды қосып, дөңгелек үстел өткізудегі мақсатымыз Қоғамның әртүрлі орталарындағы сыбайлас жемқорлықтың алдын – алу, профилактикалық жұмыстарын насихаттау; сыбайлас жемқорлыққа қарсы күрес туралы заңдарды негізге ала отырып, құқықтық мағлұмат беру, еркін сөйлеп, пікір алмасып, ойымызды бүкпесіз жеткізу. (Слайд №2)

1: Сыбайлас жемқорлықпен күресу Қазақстанның бүгінгі күнгі күрделі мәселесі болып отыр. Үлкен әлеуметтік қасірет болып табылатын ол саяси даму тұрғысынан бір-біріне ұқсамайтын  әлемдегі  барлық  елдердің  қай-қайсысын  да  қатты  алаңдататыны  анық. (Слайд №3)

2: Сыбайлас жемқорлық - бұл ғаламдық мәселе, одан әлемнің бірде-бір мемлекеті, бірде-бір саяси жүйе, бірде-бір саяси тәртіп қорғалған емес. Сондықтан, бұл індетке    бірлесе қарсы тұруымыз керек.    Н.Ә.Назарбаев. (Слайд №4)

1: «Сыбайлас жемқорлық» деген не? (Слайд №4)

“Сыбайлас-жемқорлық” деген сөзге этимологиялық тұрғыда анықтама берсек, “Сыбайлас-жемқорлық” деген “параға сатып алу”, “пара” ретінде, "corruptio" деген латын сөзін алып, анықтауға мүмкіндік береді. Рим құқығында сондай-ақ, "corrumpire" түсінік болған, ол жалпы сөзбен айтқанда “сындыру, бүлдіру, бұзу, зақымдау, жалғандау, параға сатып алу” деген түсінік берген де, құқыққа қарсы іс-әрекетті білдірген. Орыс тілінің түсіндірме сөздігі сыбайлас-жемқорлықты пара беріп сатып алу, лауазымды адамдардың, саяси қайраткерлердің сатқындығы ретінде сипаттайды.

2:Тақырыбымызды тереңірек түсініп, мәнін ашу үшін бейнероликке назар аударайық.

ІІ. Бейнеролик