«Береке» жалпы орта мектебі» коммуналдық мемлекеттік мекемесі
Тақырыбы:
Сынып жетекшісі: Г. Керимбекова
2017-2018 оқу жылы
Бекітемін: Мектеп директоры: Н.Орынбекова 07.02.18 ж. Дос және достықМақсаты:Достық туралы жақсы пікір қалыптастыру, оқушылар арасында жағымды қарым-қатынас орнату.Көрнекіліктер:Дос туралы мақал-мәтелдер, ДОСТЫҚ сөзі.Барысы: І. Шаттық шеңберіне жиналайық.Армысың досым,Кел, маған қосыл.Алақанға салып алақан,Шеңберге бірге тұрайықЖер шарын айналып,Әлемге жарық ұқсайық.Қолымызды көтеріп,Күннің нұрын алайық.Ортамызда күн нұры,Құшаққа оны алайық.
ІІ. Тыныштық сәті.Балалар денелерің түзу, бастарыңды жоғары көтеріп, ыңғайланып отырыңдар. Көзімізді жұмамыз, ауаны терең жұтып, еркін тыныстаңдар, айналадағы барлық тіршілік иесі сендерді аялап, қоршап, қамқорлап жатыр. Ал енді, тұла бойларың жақсылыққа, махаббатқа толды деп есептеймін.ІІІ. Балалар, сендер достық, татулық дегенді қалай түсінесіңдер?Достарыңды ренжітіп алсаңдар, қалай татуласар едіңдер? (пікірлерін талдау).Өз досың туралы айтып берші.Сендерге жалғыз ойнаған және серуендеген ұнай ма?Дұрыс айтасыңдар. Жалғыз ойнасақ, серуендесек, жалғыз тамақтансақ, көңілсіз екен. Сондықтан біз жалғыз қалмау үшін дос, жолдас керек екен. Достық – адамдардың бір-біріне деген адалдығы, өзара сыйластығы, сүйіспеншілігі, жанашырлығы, қамқоршылығының белгісі.Олай болса, балалар, бүгінгі сабағымыз «Достық» туралы болмақ.Достықтың 2 түрі болады екен:Біріншісі – адал достық, екіншісі – айнымалы, алдамшы достық.Біздер сол екі достықтың қайсысын таңдаймыз? Олай болса бір-бірімізге адал дос болайық.
1-оқушы:Екі деген - екі дос,Бірін-бірі сыйлайтын.Артық, кемді етпей сөзБірін-бірі сыйлайтын.
2-оқушы:Досыңа бол адал жан,Бірдей бөліс сынақты.Бір нүктеге қадалғанЕкі көзің сияқты.
3-оқушы:Балдырған баламыз,Досты көп табамыз.Қашанда қайда деп,Достар бір-біріне сенімді боламыз.
4-оқушы:Достар бірге жүреміз,Бірге ойнаймыз, күлеміз.Бірге балық аулаймыз,Міне, біздер қандаймыз.
5-оқушы:Адал дос барлық жерде керек екен,Өмірде достық деген бөлек екен.Жақсы дос жадыратса жан дүниеңді,Жаман достан жамандық келеді екен.IV. Ойын «Ренжістік, достастық».Менің өтінішім бойынша «Ренжістік» дегенде бір-бірлеріңе қарама-қарсы тұрасыңдар да саусақтарыңды безейсіңдер. «Тоқта» дегенде бір-бірлеріңе арқаларыңмен бұрыласыңдар. «Достастық» дегенде қол алысып, күлімдеп, досыңа жақсы тілек айтасыңдар.Сендерге ойын ұнады ма?Татуласу ше?Татуласқанда қандай көңіл-күйде болдыңдар? (қуанышты, көңілді, бақытты).Ренжіскенде ше? (уайым, қайғы, көңілсіздік).Бұдан қандай қорытындыға келеміз? Өмірімізде бақытты, қуанышты сәттер көп болу үшін бір-бірімізбен достықта, татулықта болғанға не жетсін.V. Жағдаяттар 1-жағдаят. Сенің жаңа досың бұрын ғы досыңды тастауыңды, өзімен ғана дос болғаныңды қалайды. Сенің ой-пікірің.2-жағдаят. Жақын досың сенің жақсы көретін киіміңді үтікке күйдіріп алды. Қандай шешім қабылдар едің?3-жағдаят. Досың сенің үйіңе қонаққа келді. Оған саған ағаң сыйлаған әдемі сувенир ұнады. Қайта-қайта сувенирді қызықтаумен болды. Сенің іс-әрекетің. Қимас досың сұраса бересің бе?4.-жағдаят. Саған досың өкпелі, неге екенін білмейсің. 2 күн болды, ол сені көрсе үндемей қашқақтайды. Сенің іс-әрекетің.VI. Достық деген өмірде ең керегі,Достық болып дүние дөңгеледі.Өзендегі толқындар дос боп ақты,Қанатымыздай жүгіріп кеудедегі.Адам үшін ата-анадан кейінгі ең жақын – абзал дос. «Доссыз өмір – тұссыз ас». Дос – сенімді серік. Достық барлық жерде бар, ол ешқашан мезі қылмайды. Достық – өмірдің ең зор қуаныштарының бірі, онан да зор қуаныш – сырыңды айтатын адамның болуы. Достасу, серік табу адамның бақытына бақыт қосады. « Бес саусақ әдісі» VIІ. «Тақтаға қағылған шеге».Мінезі нашарлау, бұзақы бір бала болыпты. Күндердің күнінде әкесі оған бір дорба шеге беріп: «Жолдастарыңмен әрбір керіскен, төбелескен кезіңде тақтайға 1 шегеден қағып отыр» - депті. Бала бірінші күні 10 шеге, одан кейінгі күндері өзін тежей жүріп аз шеге қағуға тырысыпты. Әйтеуір бір күні шеге қақпайтын күнге жетіпті. Әкесіне барып айтқанда, ол баласының шеге қаққан тақтайына қарап: «Бүгіннен бастап керіспеген, төбелеспеген әрбір күніңде бір шегеден суырып отыр» - депті. Бірнеше күн өткен соң шеге қалмапты. Әкесі: «Балам, тақтайға дұрыстап қарашы, көптеген тесіктер пайда болыпты, енді тақтай бұрынғыдай біртегіс болмайды» - депті. Сонда төбелескен, керіскен кезде достар бір-біріне былапыт жаман сөздер айтады, әр жаман сөз жанға бір жарақат салады. Соңынан 1000 рет кешірім сұрасаң да ол тесіктер бітелмейді. Осыны ешуақытта естеріңнен шығармаңдар.Әңгімеден нені ұқтыңдар? Достық сөзін талдауД – дүниедегіО – озық ойлыС – сабырлыТ – тұрақтыЫ – ыстықҚ – қарым-қатынасVIІІ. «Досымның жүрегі» ойыны.Жүрекшені жақын отырған көршісіне жақсы қасиетін айтып жүрегіне жапсыру арқылы сабақты қорытындылау.Достық деген таусылмайтын қазына,Көктемде де солып қалар гүл емес.Қарамайды ол сыйдың көп пен азынаНағыз достар тіпті сый да тілемес.
Достарымыз көп болсын, тату-тәтті болайық!
ҚР Білім және Ғылым министірлігінің стандартымен жасалған
12 Сәуір 2018
602
0 рет жүктелген
