Дос жүрегі - шарайна 8 сынып

\8 сынып.

Өзін – өзі тану сабағы

Тақырыбы: Дос жүрегі - шарайна.

Мақсаты:

-достар арасындағы рухани жақындықтың мәнін ұғындыру;

-айнала қоршаған ортаға тілеулес, ізгі ниеттерін дамыту;

-жауапкершілікке, сезімталдыққа тәрбиелеу;

Көрнекі құралдар:Үнтаспа, слайд.

Сабақ барысы:

1.Ұйымдастыру кезеңі.

2.Жаңа сабақ.

1.Шаттық шеңбері:

«Достарым» әні орындалады.

Осы әнде не туралы айтылған? Ендеше біздің бүгінгі өтетін тақырыбымыз: «Дос жүрегі - шарайна». Дәптерімізді ашып, бүгінгі күнді және тақырыпты жазып қояйық.

Дәптерлерін ашып, күнді, тақырыпты жазып қояды. (4мин)

2.Әңгімелесу:

• Достық деген не? Оны қалай түсінесіңдер?

• Достың көп болуы мүмкін бе?

• Өз достарың жайлы не айта аласыңдар? (2мин)

3.Жаңа ақпарат (Слайдтан оқылады) (1мин)

4.Мәтінмен жұмыс:

«Екі дос» атты аңыз әңгіме оқылады.

• Аңыз әңгіменің идеясы неде?

• Достардың бір – біріне деген адал ниеті мен достығын қалай бағалар едіңдер? (3мин) 10мин

5.Дәйексөз:

• «Достық негізі талғамның,

көзқарастың толық үндесуінен туады» Цицерон (1мин)

6.Жағдаяттарды талдау:

(әр топқа 1 жағдаяттан беремін) (1мин ойлануға, 2мин жариялауға)

7. «Іздегенде табылатын қасыңнан» тақырыбына эссе жазу. (5мин. жазуға, 5мин. жариялауға) 24мин

8.Ә.Ахметовтың «Дос жүрегі» атты өлеңі оқылады.

• «Абайла, бауырым, абайла» деп автор кімнен сақтандырады?

• Дос жүрегі нелерге теңеліп суреттелген? (2мин)

9.Сахналау: (Теледидарға назар аударайық Әйтімбет шешеннің айтқаны оқылады) (1мин)

Ендеше қазір 2 топ Адал достықпен, амал достықты сахналап көріңдер дайындыққа 2 мин уақыт. (4мин) 31мин

10.Шығармашылық жұмыс: «Дос жүрегі - шарайна» тақырыбына (Постер жасау) (5мин жасауға, 2мин қорғауға) 38мин

11. Екі жұлдыз, бір тілек. (1мин)

12. Жүректен жүрекке: Күн жасау.

Әр оқушыға қағаздан жасалған күннің шуақтары беріледі, сол шуақтың ішіне досына өз тілектерін жазып, тақтада ілініп тұрған күнге жапсырады. (классикалық әуен қосылып тұрады.) (5мин)

Осы күндей достарыңның ортасында жарқырап жүрулеріне тілектеспін.

13.Үй тапырмасы:

«Достық» жайлы 1 шумақ өлең шығарып келу. (1мин)

1 жағдаят

Сарман қанша әуреленсе де, есепті шығара алмай қойды.Мектепке келе сала көршісі Зейнептің дәптерін сұрап, одан көшіріп алды.Алғашқыларын көшіріп алып, келесі есепке келгенде Зейнептің қатесін байқап қалды.Бірақ, Сарман өз дәптеріне есептің шешуін дұрыстап жазды. Алайда, ол бұл туралы Зейнепке айтқан жоқ.

2 жағдаят

Сыныптас қыздар мереке қарсаңында би кешіне баратын болды. Олар кешке киетін көйлектері жайлы жарыса айта бастады. Айша ғана үнсіз қалды. Би кешіне асыға жеткен қыздар Айшаның жоқ екенін байқады....