Дос таңдау – өмірлік шешім

Адамның өміріндегі ең маңызды шешімдердің бірі – кіммен дос болатынын таңдау. Достық – жай ғана уақыт өткізу емес, ол адамның мінезіне, ойлауына, тіпті тағдырына да әсер ететін құндылық.

Нағыз дос – қиын сәтте қолдау білдіретін, жетістігіңе шын қуана білетін, өзіңді қандай күйде болсаң да қабылдайтын жан. Дос таңдауда оның сенімділігіне, адалдығына, құндылықтарыңның ұқсастығына мән беру керек. Тек ортақ қызығушылықтар ғана емес, өмірге деген көзқарастарың да үйлессе, ондай достық берік әрі ұзақ мерзімді болады.

Достық – екі жаққа да пайда әкелуі тиіс. Егер бір қарым-қатынастан тек бір адам ғана қолдау тауып, екіншісі үнемі құрбандыққа бара берсе, ондай достықтың болашағы бұлыңғыр. Сондықтан достықта тепе-теңдік сақтау маңызды.

Өмірлік жолыңдағы серіктеріңді дұрыс таңдау – өз болашағыңды жарқын етудің бір қадамы. Өйткені «кіммен жүрсең – сол сияқты боласың» деген сөз бекер айтылмаған.

Зинекен Диана