Достығымыз жарасқан

1 – мамыр Қазақстан халықтар 2019ж

Көкшетау қаласы №4 Еркемай балабақшасы:

Тәрбиеші: Иманбаева Айгуль Бегайдаровна

Мерекелік ертеңгілік

«Достығымыз жарасқан»

Ортанғы №10 «Өнер тобы»

 Мақсаты: 1-Мамыр Қазақстан халықтарының бірлігі күні екенін балаларға айтып ұғындыру. Балаларды татулыққа, достыққа, елін, жерін сүйе білуге үйрету.Басқа ұлт өкілдерімен таныстырып олармен тату, достық қарым-қатынаста болуға тәрбиелеу.

Көрнекілігі: Әсем безендірілген зал, мерекелік шарлар,

ұлттық киімдер мен жалаушалар.

Жүргізуші: Қайырлы күн құрметті қонақтар, құрметті ұстаздар!

Қазақстан Республикасының мекендеген ұлттармен ұлыстар достығы және бірлігіне арналған «Достығымыз жарасқан» тақырыбындағы мерекелік ертеңгілігімізге қош келдіңіздер!

Қазақ халқы - халқы жомарт, даласы дархан, орманы қарқан, таулары қалқан, болған ақ бесік ата мекені бар, сол мекенде жусанның жұпар иісін иіскеген, өздігінен ешкімге тиіспеген елміз.

Тілі бөлек болғанменен тілегі бір,

Ұлы достық мәпелеген жүрегі гүл.

Қазақстан барлық ұлтқа шаңырақ,

Шайқалмастан шаттығымыз тіреп тұр.

Ұлтаралық татулық арқасында бүгінде ел тыныш, жұрт аман. Осы берекеміз бұзылмағай. Қазақстанда тұратын барша ұлт арасындағы айнымас достығымыз мәңгілік болғай- дей отыра ортамызға

Қазақ халқының өкілдерін қошеметпен шақырайық.

-Бейбітшілік жасасын, ынтымақтастық жасасын! -Ура- ура- ура!

Келесі кезекте Орыс халқының өкілдерін қошеметпен ортаға шақырайық.

-Қазақстан халықтарының бірлігі жасасын! -Ура-ура-ура!

Ендігі кезекте өзбек ұлтының өкілдерін қошеметтеп ортаға шақырамыз.

-Ынтымағы жарасқан Қазақ елі жасасын! -Ура-ура-ура!

Келесі кезекте грузин ұлтының өкілдерін қошеметтеп ортаға шақырамыз.

1-Мамыр ынтымақ,бірлік күні жасасын! Ура-ура-ура!

Ендігі кезекті ұлттар достығы жайлы ертеңгілігімізді ашып беру үшін балабақшамыздың меңгерушісі:Маженова Жопар Кадыровна сөз береміз.

Хор «Дос болайық бәріміз»

Шұғыла. Жан біткендей жас тауға,

Шуақ ойнап арайлы.

Күн күлімдеп аспанда,

Мамыр әні тарайды.

Альзим: Қазақ елі қашаннанда жыр елі,

Тарихында тұлғалар көп киелі.

Қазақстан аясында бұрыннан,

Бірнеше ұлт өмір сүріп келеді.

Медина: Жайдары жаз түрге еніп,

Жадыратты жанымды.

Жер дүние тербеліп,

Дала, қала құлпырды.

Адлет: Ортақ жұтар ауамыз,

Ортақ жарық күніміз.

Достық туған анамыз,

Жердің қызы, ұлымыз.

Медина: Мамырдың бірі, достықтың күні,

Ән салып, билеген халықтың үні.

Тұтасып, тойлаған ұлттар,

Керемет мереке мамырдың бірі.

Нурсултан: Қырғыз, қазақ, өзбектер,

Монгол, ұйғыр, дүнгендер,

Армиян, тәжік, грузин,

Орыс пенен украин,

Терезесі тең жатыр.

Айша: Бір шаңырақ астында

Тату тәтті тұрамыз.

Бірге ішеміз асты да,

Бірге сайран құрамыз.

Хор: «Бақытты баламыз»

Би: «Грузин биі» (Арина,Мерей,Ева,Ямур)

Амир: Күте тұғын асыға әр күнін біз,

Арналатын ең тәтті ән- жырымыз.

Мерекелі мерейлі айдың басы,

Құтты болсын бірінші мамырымыз!

Антон: Болсын жермен су да ортақ,

Болсын біздің ту да ортақ.

Ақпыз, қара, сарымыз,

Ағайынбыз бәріміз.

Б.Адлет: Енді бүгін қарасам,

Айналам бақыт кең жатыр,

Бірімен- бірі туысқан,

Қол ұстасқан ел жатыр.

Биназир: Сары, ақпыз, қарамыз,

Бәрімізде баламыз.

Бір отанда тұрамыз,

Біз мектепке барамыз

Айсултан: Достығымыз жарасқан,

Ақпыз, қара, сарымыз.

Қара жер мен көк аспан,

Ортақ дала, тауымыз.

Арина: Бір-бірімен тату тәтті тұрады,

Бәрінің де Қазақстан тұрағы.

Туған жерге тебіренген сәттерде,

Ағылады өлең жырдың бұлағы.

Ерман: Достар тату-тәттіміз,

Болса қолда тәттіміз.

Біз бөлісіп жатамыз,

Бәріміз дәм татамыз.

Хор: «Достық жыры»

Би: «Өзбек биі» (Айша,Медина,Биназир,Адия)

Айша: Ынтымағы жарасқан береке күн,

Арналатын ең тәтті ән- жырымыз.

Татулық, достығың арта берсін,

Құтты болсын бүгінгі мереке күн.

Кирил: Достықты үлгі санаған,

Бір үйде біз тұрамыз.

Қалған ата-бабадан,

Бірлік асыл мұрамыз

.

Ева: Ортақ болып ісіміз,

Еңбек десе тынбаймыз.

Үлкен сыйлап кішіміз,

Аға ақылын тыңдаймыз.

Айым: Достық- шырағымыз,

Достық-ұранымыз,

Достық-туымыз,

Достық әніміз.

Айзере: Дос болып түрлі халықтар,

Жасайтұғын ғасырмын.

Бақытшымын әлемге

Ұмытылмас асылсын

.

Ямур: Бейбітшілік ұраны,

Жарқыраған алтын күн.

Ән қанатты қыраны,

Еркіндігі халқымның.

Хор: «Достық»

Би: «Орыс биі» «қыздар»

Медина: Достықты үлгі санаған,

Бір үйде біз тұрамыз.

Қалған ата бабадан,

Бірлік асыл мұрамыз.

Саид:Біз балдырған тең басқан,

Дос құшағын кеңге ашқан.

Тілегіміз әділдік,

Ашық болсын кең аспан.

Адия: Әрқашан дос біргеміз,

Ажырамас іргеміз,

Ілгері жүріңдер,

Би: «Қаражорға» Ұлдар

Жүргізуші: Ағайын, туған бар адам,

Адалдық үшін жаралған.

Бар қымбат туыстық,

Баянды болсын тыныштық!

Хор: «Әрқашан күн сөнбесін!»

1-Мамыр мерекесі дүние жүзіндегі халықтардың достығы мен бірлігін атау күні. Біздің мемлекет бейбітшілікті жақтаушы, достықты жырлаушы, тыныштықты сақтаушы ел. Елімізде әр түрлі ұлттар тату- тәтті өмір сүруде. «Бірлігі жоқ ел тозады, бірлігі күшті ел озады» -деген халық мақалы біздің елге айтылғандай.

Осымен «Балдырған» ортаңғы тобының «Достығымыз жарасқан» тақырыбындағы мерекелік ертеңгілігіміз аяқталды. Көріп тамашалағандарыңызға көп рахмет.