Достық – асыл қасиет

«Сағакүрес негізгі орта мектебі»

коммуналдық мемлекеттік

мекемесінің 2-сынып оқушысы

Төлеухан Айзере

Шығарма

Достық

Достық адамдар арасындағы асыл қасиеттердің бірі. Достық бір-біріне сенетін адал, бір-біріне қиналған сәттерінде қол ұшын беретін адамдар деп түсінемін. Достардың мінездері әртүрлі болуы мүмкін. Мысалы, біреуі қызба мінезді болса, екіншісі сабырлы, тағы бірі тұйық болуы мүмкін. Бірақ сондай түрлі мінездер достыққа кедергі бола алмайды. Апамның айтуынша достықтың адал достық пен арам достық деген түрлері болады екен. Адал дос қуанышта да қиналған сәтіңде де жаныңнан табылса, арам дос көлеңке іспетті қиындық басыңа түссе жоқ болады екен. Қазақ халқы достыққа үлкен мән берген халық. Үлкендердің айтуынша досына қарап сенің қандай адам екеніңді білуге болады. Достық туралы мақал-мәтелдер де көп. «Досы көпті жау алмайды, ақылы көпті дау алмайды», «Жүз теңгең болғанша, жүз досың болсын », «Дос жылатып, дұшпан күлдіріп айтады». Адам баласы өмірінде дұрыс дос таңдай білу керек екен. Анам үнемі достыққа адал бол деп үйретеді. Досың адал болса, қиындықты бірге еңсересің. Достық туралы тек анам ғана емес ұстазым да көп айтады. Мектептегі ұстаздар да жақсы дос болудың сырын үйретеді. Кейбір балалар бір-бірінің үстіндегі киіміне қарай, болмаса жақсы оқушы мен жаман оқушы болып бөлінеді. Мен олай ойламаймын. Нағыз достық киіммен, байлықпен, болмаса басқа нәрсемен өлшенбеуі керек. Дос болу баланы шынайылыққа тәрбиелейді дейді ұстазым. Әзірше біз үшін дос бірге ойнаған, бірге оқыған балалар. Кейін ол жас өскен сайын, достықта ұлғайып, сыйластық пен адалдық тереңдей түсетін сияқты. Адал достарымыз көп болса екен.