Күні

11.02.2026 жыл

Мұғалімнің есімі:

Саткулова А.К.,Төлендиева Ф.К.

Сынып 7, 9

Қатысушылар саны:

Қатыспағандар саны:

Тәрбие сағатының тақырыбы:

“Достық қолын ұсын”

Сабақтың мақсаты:

Оқушыларға «достық» ұғымының маңыздылығын түсіндіру, бір-бірімен қолдау көрсетуге,адал, достық қарым- қатынаста болуға баулу,

Құндылықтарды дарыту

Достық,мейірімділік,сыйластық,адалдық,ынтымақтастық,жауапкершілік.Жеке және командамен жұмыс істей білу.

Сабақтың барысы

Сабақтың кезеңі/ уақыт

Мұғалім әрекеті

Оқушы әрекеті

Ресурс

Сабақ басы

(5мин)

Ұйымдастыру кезеңі

-Оқушылармен амандасу, сабаққа қатысымын тексеру.Психологиялық ахуал қалыптастыру.

“Жүректен-жүрекке” әдісі арқылы оқушылар бір біріне жылы лебіздерін білдіреді.

Сәлеметсіздерме,  құрметті оқушылар! Бүгінгі тәрбие сағатымыздың тақырыбы: « Достық қолын ұсын» деп аталады.Жалпы дос дегеніміз не, қалай дос болу керек екені бәрімізге белгілі , бірақ та кейбіреулер , шындығында дос деген сөздің мәніне жетпейді!
   М.Мақатаевтың «Дос» туралы өлеңінің бір  шумағын  сендерге оқып беруге рұқсат етіндер:

Досым саған сенемін, сеніп өтем!
Жолы бөтен демеймін, жөнібөтен
Достық деген – адамның көрігі екен
Достық деген – ақылдың серігі екен .

Оқушылар шеңберге тұрып,бір-біріне жылы лебіздерін білдіріп,бүгінгі күндеріне сәттілік тілейді.

Негізгі бөлім

(3мин)

ақпарат

(7мин)

“Тобыңды тап”

Оқушылар бір-бірден қораптағы қағаздар арқылы 3 топқа бөлінеді.

1-топ Бірлік

2-топ Татулық

3-топ Сыйластық

Кіріспе

Тақырыпты ашу сұрақтары.

Тақырыпты жағдаятпен ашып алу

1.Дос,достық дегенді қалай түсінеміз?

2.Достық шынайы сезім бе,әлде жай ұғым ба?

3.Дос қандай болу керек?

4.Достық жасқа байланысты ма?

5.Қыз бала мен ұл баланың арасында достық бола ма?

Достық әдеп, сыйласым

Дос өмірлік қимасым.

Дос арыңдай қымбатты,

Достық сезім тым- тәтті- дегендей, бүгінгі «Достық қолын ұсын» тақырыбындағы тәрбие сағатымызды бастаймыз.

. Достық дегенді қалай түсінеміз Мұғалім:

-Ал енді достықты бір нәрсеге теңеп көрейікші. Сосын сол бойынша түсіндірейік.

Мысалы:Достық-адамдар арасындағы байланыс.

-Дос деген кім?

Шарты: Бір сөйлеммен айту. Сыр бөлісетін адам.

                                 Мені өте жақсы түсінетін адам.Сенімді адам.

Достықтың негізі- достардың өмірге көзқарастары мен түсініктерінің ұқсастығы, бірлігі.

Қане кім дос туралы өлең, не қара сөз біледі?

Мұғалім:

-Дұрыс айтасыңдар,балалар.Достық-аспандағы жарық жұлдыз,теңіздегі гауһар тас.Жұлдызды да,гауһар тасты да ешкім кірлете алмайды.Достық адамды асқақтатады.

Нағыз достық адамға шабыт беріп отырады.Олар бір-бірініің қуанышында да.сәтсіздігінде де ортақтасып отырады.

Жалған достықтың-ғұмыры қысқа болады.Олар бір-біріне шынайы болмайды.Бір-бірінің кемшіліктерін түземейді.

Ертеректе ел ішінде Әйтімбет деген сөзге шешен кісі болыпты.Бірде замандастары шешеннен:

-Достық нешеу?-деп сұрапты.

Әйтімбет:

-Достықтың 2түрі болады. Бірі-адал достық,екіншісі-амал достық,-дейді.

-Дұрыс –ақ енді оларды қалай ажырата аламыз?

Шешен:

— Адал достық-өмірлік нұсқа,амал достықтың өрісі қысқа-деп жауап беріпті.

Осыны қалай түсінесіңдер?

/Оқушыларды тыңдау/

ІV. Дос қандай болу керек?
Олай болса балалар «ДОС» күншуағын құрастырайық.
Қағазға «дос»күншуағын сөзін жазу
Адал ,жомарт, адамгершілігі ,мол, қарапайым, мейірімді ,Дос кешірімді ,төзімді ,ақылды ,сабырлы ,салмақты ,кек сақтамау, ашықтық, бүкпесіздік

Оқушылар қораптан қағазды алып ішінде жазылған санға сәйкес топқа бөлінеді.

Тақырып бойынша өз ойларын білдіреді.

Сыр бөлісетін адам
Мені өте жақсы түсінетін адам
Көмекке әрдайым дайын адам
Қандай жағдай болмасын бірге болатын адам Сенімді адам

Flippety.net

Көрнекіліктер

Тапсырмалар

(18 мин)

1-тапсырма.

Топтық жұмыс.

Достықты бірнәрсеге теңеп көрейікші.Теңеген затымыздың суретін салайық.Сосын сол бойынша түсіндірейік.

Мысалы:Достық-адамдар арасындағы байланыс.

-Дос деген кім?

2-тапсырма.

Достық-татулық белгісі

“Мақалды жалғастыр”

1-топқа

1.Доc-ажарың,_____жолдас-базарың.

2.Дәмді болса - достық қымбат, ________Мәнді болса - жастық қымбат

3.Дос жылатып айтады,_______Дұшпан күлдіріп айтады.

4.Жаман жолдастан,_________Жақсы дұшпан артық

5. Жақсымен жолдас болсаң – жетерсің мұратқа.______Жаманмен жолдас болсаң - қаларсың ұятқа.

2-топқа

1.Досыңа өтірік айтпа,_____Дұшпаныңа сырыңды айтпа

2.Досы көпті жау алмайды,______Ақылы көпті дау алмайды.

3.Дос табылса ас табылмайды,_____Ас табылса дос табылмайды.

4. Досы көппен сыйлас,______Досы азбен сырлас

5. Жолдасы көптің______ олжасы көп.

3-топқа

1. Біреу жаныңа жолдас,______Біреу малыңа жолдас.

2. Досыңды мақтағаның______өзіңді жақтағаның

3. Жаман туғаның болғанша,______Жақсы жолдасың болсын.

4. Ағаш тамырымен,______Адам досымен мықты

5. Айырылмас досыңа________қайырылмас сөз айтпа.

3-тапсырма.

«Досқа мінездеме»

Оқушылар сынып ішінде кез-келген оқушыға мінездеме жазып,ортаға келіп оқиды.Қалған оқушылар жасырып тұрған оқушыны табады.

«Менездеме беру» тренингі
Қазір мен сіздерге 5 саусақты беремін. Әр саусақта өзіңіздің қолыңыздағы жазылған есімді балаға бір-біріне көрсетпей мінездеме жазыңдар.
Тірек сөздер:
Адал Арам
Жомарт Өз қамын ойлайтын
Адамгершілігі мол Кекшіл
Қарапайым Сөзге түсінбейтін
Мейірімді Жалқау
Кешірімді Тәккапар
Төзімді Қатал
Ақылды Мейірімсіз
Сабырлы Сараң
Салмақты Қызғаншақ
Кек сақтамайтын Тұйық
Ашық
Бүкпесіздік
«Бес саусақ бірікпей ине қолға ілікпейді» дегендей бәріміз жұмылып бірауыздан алдымыздағы жүкті көтере білейік.
Татулық достар арасындағы ең тамаша қасиет. Тату балалар бір – бірін ренжітпейді, тату-тәтті ойнайды, ойыншықтарымен, тәттілерімен бөліседі. Сондақтан да достық - татулықтан басталады делінеді.

4-тапсырма.

“Кейс стади”әдісі

1. Қанат конькиін аулаға қалдырды да, өзі тамағын ішуге үйге кетті. Тамағын ішіп отырып ол конькиін Маралдың теуіп жүргенін көрді. Қанат ашуланып, аулаға жүгіріп шықты. «Қазір оның сазайын тартқызамын, біреудің затын сұрамай алушы болмасын» деп ойлады. Ашулы күйінде жетіп барды, тіпті жұдырығын да түйіп алған. Ал Марал оны көрді де, «Танысып қой, Айдар, бұл менің ең жақсы досым Қанат» деді. Қанат ұялып қалды. Қанат неліктен ұялды?

2. Қаңтардың қара суығы. Айбек екі шелекті қолына алып, өзеннен су алып келіп, қорадағы қойларды суаруға бет алды. Шелегін суға толтырып, қораға кіре берісте Айбектің аяғы тайып, құлап түсті. Су үстіне төгілді. Орнынан әрең қозғалып, үйге кірді... Айбектің тобығы шығып кетіп ауруханада көп жатты...

- Сендер Айбектің досы болсаңдар не істер едіңдер?

3. Құрбылары Жанарға балмұздақ берген-ді.Жанар кетті

алға тез,Алды-артына қарамай,«Рахмет» - деп, жалғыз

сөз Айтуға да жарамай! Сендер қалай ойлайсыңдар,

осыдан кейін балалар Жанармен дос бола ма?

Балалар бір-бірімізге ренжіген сәттерде, кейде біз өте асығып жүріп бір-бірімізді түсінбей қаламыз, ізгі сөздерді айтуға үлгермей қаламыз. уақыт өткен соң түсініп, өкініп жататын кездеріміз де болады. Одан досымызды ренжітіп аламыз. Жанар «рахмет» деген сөзді, Сырым «кешір» деген сөзді айта алмады. Нағыз достар бір-бірінің көңіліне қарап, ренжітпейді, кешірімшіл болады. Достар қиын сәттерде көмекке келеді, татулықты қадір тұтады.

Оқушылар бірігіп постер қорғайды.

Топтар біріге отырып,өздеріне берілген мақалдың жалғасын табу керек.

Сынып оқушылары бір-біріне мінездеме беріп,жақсы қасиеттерін жазады.

Оқушылар жағдаяттық тапсырманы топ ішінде талдап,өзіндік ой-пікірлерін айтады.

Wordwall.net

Карточкалар

Соңы (5 мин)

Рефлексия. Қорытындылау

“Жеміс ағашы”

Мұғалім сөзі: Ал балалар, мен сіздерге аңыз- әңгіме айтып берейін:

– Ертеде бір ақылды қария болыпты. Бір күні ақылды қарияға бір жігіт келіп: 
– Ақсақал, мен қандай жігітпін? Сынаңызшы, – депті. Қарт жігітке: 
– Жолдасыңды көрсет, сонан соң айтамын, – депті. Жігіт жолдасын қартқа жіберіпті. Қарт жігіттің жолдасымен ұзақ сөйлесіп, ақырында жігіттің өзін шықырыпты. Жігіт келген соң, қарт: 
– Шырағым, жаман жігіт емессің, – депті. 
– Қалайша олай дейсіз? Мені бұрын көрген жоқсыз ғой? – депті жігіт. Қарт күліп: 
– «Жігіті жолдасына қарап бағала», – депт қарті.

 Осындай жолдастық, достық қарым-қатынастардың арасындағы ең бағалысының бірі – адалдық. «Адамдар бір-біріне адал, қалтқысыз сеніп, ортақ көзқараста болса ғана достықтары берік болады. Достық – өзара жауапкершілік пен қамқорлықтың, рухани жақындықтың белгісі». 

– Бүгінгі біздің еліміз бейбітшілік пен тату өмір сүруіміз міндетіміз.

«Шекараны таспен емес, доспен қоршау керек» деген аталы сөзі бар.

– Сынып сағатымызды қорытындылай келе «Достарым» әнін бірге айтайық.

Қорытындылау

Стикерлер