«Достық татулықтан басталады»

Өзін – өзі тану сабағы

Сабақтың тақырыбы: «Достық татулықтан басталады»

Сабақтың мақсаты:

Достық және достар туралы түсініктерін кеңейту, өзінің және өзгелердің іс – қылықтарына баға беруге үйрету, айналадағы адамдармен достық қатынасқа тәрбиелу. Есте сақтау қабілеттерін дамыту.

Сабақтың әдіс – тәсілдері: ойын, жаттығу, түсіндіру, сахналау.

Құрал – жабдықтар: Өзін – өзі тану оқулығы, сахналауға керекті заттар.

- Сәлеметсіңдер ме, балалар! Бүгін біздің сабағымызға қонақтар келді. Бүгін қандай керемет күн. Бұл күнді жақсы, қуанышты көңіл күймен өткізу үшін сендерді «Достық татулықтан басталады» атты ашық сабағымыздың
«Шаттық шеңберіне» шақырамын.
- Балалар біз барлығымыз шеңберге тұрдық, біздің шеңберіміз қандай тамаша! Бізді достық пен сүйіспеншілікке шақыратындай.
Армысың досым,
Кел, маған қосыл (қолымен шақырады).
Алақанға салып алақан,
Шеңберге бірге тұрайық (қолдарынан ұстайды).
Жер шарындай айналып,
Әлемге жарық ұқсайық (айналады).
Қолымызды көтеріп,
Күннің нұрын алайық (қолдарын көкке созады).
Ортамызда күн нұры,
Құшаққа оны алайық (құшақтасады).
- Балалар, «Достық татулықтан басталады» сабағымызды бастаймыз.

Тыныштық сәті: (музыка әуенімен тыныштық сәтін өткізу).

- Балалар, бүгін біз «Татулық» ертегі әлеміне татулық жолымен барамыз.

Осы ертегі әлеміне менің сұрағыма жауап бергендер ғана кіре алады. Ал менің сұрағым осындай:

- Сендер достық дегенді қалай түсінесіңдер?
- Ал тату досы бар адам – ең бақытты адам – дегенді қалай түсінесіңдер?
- Қандай достарды тату достар деп айтамыз?

- Ал татулық дегеніміз не?
(Балалардың жауаптарын тыңдау)

«Сәулетті үйшік» ертегісін сахналау.

Дәйексөз: «Татулық достық кепілі» мағынасын ашып балаларға түсіндіру.

Татулық – адамдар арасындағы ерекше қарым – қатынас.

Татулық – нағыз достарға тән қасиет. Татулық бар жерде достық та бар. Бір – бірімен тату болған жандар дос бола алады.