Дүниежүзі елдерінің рейтингісі мен индекстерінің сипаттамасы

Күні:24.04.2020.

§114-115. Дүниежүзі елдерінің рейтингісі мен индекстерінің сипаттамасы. Көрсеткіштердің жиынтығы бойынша анықталған дүниежүзі елдерінің рейтингісін графикалық түрде көрсету

Индикаторлар – әдетте өзгерістерді түсіндіру үшін қолдануға болмайтын бастапқы деректерден шығарылатын көрсеткіш.

Индекс – бірнеше басқа индикаторларға немесе деректерге негізделген агрегацияланған немесе өлшенген индикатор.

Индикатор неге қажет?

1. Индикатор сандық бағалау мен оңайлату арқылы қабылданатын шешімді негіздеу үшін пайдаланылады.

2. Индикатор өзгерістерді түсіндіруге көмектеседі.

3. Индикаторды пайдалану табиғатты пайдаланудағы кемшіліктерді анықтауға мүмкіндік береді.

4. Индикатор пайдаланушылардың әртүрлі санаты үшін ақпаратқа қол жеткізуді жеңілдетуге мүмкіндік береді.

5. Индикатор ғылыми-техникалық ақпарат алмасуды жеңілдетеді.

Индекстерді байланыстың себеп-салдары түсінікті болғанда пайдалану қолайлы. Әдетте индикатор қоршаған табиғи ортаның құбылыстарын немесе жай-күйін сипаттап, әрдайым көзден тыс жерде тұрған нәрселерді көрсетеді. Болашаққа қатысты ақпараттың маңыздылығы жоғары. Әзірленген индикатордың көптігі осы болашақ туралы ақпарат алуға мүмкіндік береді.
​Мысалы, болашаққа арналған іс-шараны жоспарлау кезінде біз ауа райы болжамына жүгінеміз: барометрге қарап, ауа қысымын білеміз, ол – болашақ ауа райы жағдайының индикаторы.

Адам әлеуетінің даму индексі (АӘДИ) – адамның даму деңгейін (халықтың өмір сүру деңгейін) өлшеуге және елді (өңірлерді) жалпыға танылған көрсеткіштердің жиынтығы бойынша салыстыруға мүмкіндік беретін интегралдық көрсеткіш.

Тапсырма:

Дүниежүзінің бай және кедей аймақтарының орналасуына баға бер.