Бөлім:

Мультимедиа (ортақ тақырыбы: «Дені саудың жаны сау»)

Педагогтің аты-жөні

Г.Бейсеева

Күні:

 29.01.2025 ж

Сынып:2^в,г

Қатысушылар саны:

Қатыспағандар саны:

Сабақтың тақырыбы

Дыбыс жазу

Оқу бағдарламасына сәйкес оқыту мақсаттары

2.2.4.2 дыбыстық файлдарды өңдеу;

Сабақтың мақсаты

Компьютерде дыбыс жазбаларын жазу программаларымен танысады.

Құндылық: заң және тәртіп

қоғамдағы қорғау мен қауіпсіздікті қамтамасыз етудегі заң мен тәртіптің маңыздылығын білу.

Сабақтың кезеңі/уақыты

Педагогтің іс- əрекеті

Оқушының іс- əрекеті

Бағалау

Ресурстар

Сабақтың барысы

7 мин

Сəлемдесу, оқушыларды түгендеу.

І. Қызығушылықты ояту. «Арқаға сурет салу» ойыны

Бұл ойында барлық əрекетті үнсіз орындау керек. Оқушылар екі топқа бөлініп, бірінің артынан екіншісі тұрып, сап түзейді. Мұғалім ең артында тұрған оқушыларға бір заттың атауы жазылған қағаз ұсынады (мəселен, алма, алмұрт, жүзім, гүл, кітап, ағаш, автомəшине т.б.). Тапсырма: соңында тұрған оқушы үндемей, алдында тұрған оқушының арқасына əлгі заттың суретін саусағымен салады. Арқасына сурет салынған оқушы алдында тұрғанның арқасына өзінің арқасына салынған заттың суретін салады. Суреттер салынып біткеннен кейін, мұғалім соңғы оқушыдан арқасына салынған заттың атын сұрап, оны қағазда жазылғанмен салыстырады. /Бұл ойынды ойнату арқылы сыныпта психологиялық жағымды көңіл

күй орнығады. Оқушылар сабаққа көтеріңкі көңіл күймен белсене қатысуына септігін тигізеді/.

«Миға шабуыл» əдісі

Мұғалім өткен сабақ пен жаңа сабақты ұштастыру мақсатында оқушыларға сұрақтар қояды. Оқушылар ұжымдық үлгіде жалпылама жауап береді. Егер сұраққа жауап дұрыс айтылмаса, мұғалім дұрыс жауапқа бағыттап дұрыс

жауабын табуға көмектеседі.

– Қандай тақырыптағы əуендерді тыңдауды ұнатасың?

• Дыбыстық құрылғыларды даму кезеңіне қарай əңгімеле (1-сурет).

Дыбыс жазбасын қандай құрылғылар көмегімен тыңдап, сақтайсың? (2-сурет)

Мұғалім белсенділік танытқан оқушыларды

«Отшашу» əдісі бойынша бағалайды.

Жаңа сабаққа дайындық

Жаңа сабаққа дайындық ретінде «Сұрақ-жауап» əдісін қолданып, талқылау жұмысын жүргізу. Қандай да болмасын ақпарат (мəлімет, проблема, сұрақ) туралы бар білгендерін жазбаша немесе ауызша жеткізеді.

Ұжымдық талқылауда оқушыға сұрақ қою, проблеманы зерттеу арқылы ой-өрісін дамытады, ойын еркін жеткізеді. Пікірлерін еркін айтып, ешқандай сынға ұшырамауы керек. Қағазға түсіруге де, ауызша талқылау жұмысын жүргізуге де болады.

Оқушылар сұрақтарға жауап беріп, өзара ұжымдық талқылау жасағаннан кейін, мұғалім интерактивті тақтадан сабақтың тақырыбы, мақсаты, бағалау

критерийлерімен таныстырады.

Сабақтың ортасы (31 мин.)

ІІ. Мағынаны ашу (білімді өзектендіру үшін).

(Ұ) Оқулықпен жұмыс. «Түртіп алу» əдісі

Оқулықтағы «Жаңа білім» айдарындағы ақпаратты оқып, берілген термин сөздер мен негізгі ұғымдармен танысады.

Интерактивті тақта

(МК, Ө) Практикалық жұмыс

Компьютерде WaveRad программасын іске қос. Келесі командаларды ретімен орында:

1. Жазу батырмасын бас.

2. Микрофонға «Мен 2-сыныпта оқимын. «Цифрлық сауаттылық» пəні маған ұнайды» деген сөйлемді оқы.

3. Stop (Тоқтату) батырмасын басып, дыбыс жазуды тоқтат.

4. Дыбыстық жазбаны файлға Дыбыс.wav атауымен сақта. Ол үшін Файл – Қалай сақтаймыз (Сохранить как...)

командаларын орында.

Интерактивті тақта

(Т) «Бірлескен жұмыс дағдысын қалыптастыру» əдісі Сыныптастарды бағалау оқушылардан бірлесе жұмыс істеуді талап етеді. Əрине, ОҮБ-нің өзі бірлескен жұмысты білдіреді, сондықтан бірлескен жұмыс дағдысын айқын жəне анық қалыптастыру қажет. Ол үшін топпен бірлесе төмендегі тапсырманы

орындау тапсырылады.

1- тапсырма.

Денсаулық туралы 3 мақал таңдаңдар. Осы мақалдарды оқытып, олардың дыбыстық жазба файлдарын сақтау алгоритмін жасаңдар.

Дескриптор:

• Денсаулық жайлы 3 мақал таңдайды.

• Осы мақалдарды оқытып, олардың дыбыстық жазба файлдарын сақтау алгоритмін жасайды.

Оқушылар бірін-бірі

«Отшашу» əдісі бойынша бағалайды.

Интерактивті тақта

(Ж) «Суреттер

сөйлейді» əдісі Интерактивті тақтадан төрт түрлі сурет көрсетіледі. Оқушылар суретке қарап жұмыс жасайды.

2-тапсырма Суретпен жұмыс. Заманауи цифрлық құрылғыларды пайдаланып, көпшілік ортада əн тыңдаудың ережесі мен гигиеналық

талаптарын құрастырыңдар.

Дескриптор

• Жұптасып тапсырманы талқылайды.

• Өз ойларын бір-біріне айтады.

Берілген суреттерден əңгіме құрастырады

Жұптағы

оқушылар бір- бірін тапсырма орындау деңгейіне байланысты

«От шашу» əдісі бойынша бағалайды.

Интерактивті тақта

(Ө) «Еркін микрофон» əдісі Оқушылар өз еркімен, қалағанынша микрофон тізгінін алып, 3-тапсырма бойынша өз ойын, пікірін айтады.

3-тапсырма

–Отбасымен бірге отырғанда, қандай əн мен əуендерді тыңдағанды ұнатасыңдар?

Дескриптор

• Əрбір оқушы өз отбасындағы ұнатып тыңдайтын əн мен əуендері туралы əңгімелейді.

Оқушылар өзін- өзі «Отшашу» əдісі бойынша бағалайды.

Сабақтың соңы (7 мин.)

Сабақты бекіту. Рефлексия

ІІІ. Ой толғаныс.

Оқушылар төменде берілген сұрақтарға жауап беру арқылы сабаққа қорытынды жасайды.

–Дыбысты не үшін жазып, сақтаймыз?

–Жақсы əн мен əуендердің адамға қандай пайдасы бар?

(Ө) «Үш пікір» əдісі

Ортаға өтілген тақырыпты параққа жазып тастайды. Сол тақырып төңірегінде əр оқушының 3 пікір айтуына мүмкіндігі бар. Ол үшін қолдарына 3 таяқша (шпажка т.б. майда заттар) беріледі. Пікірлерін айтқан сайын қолдарындағы заттарын ортадағы қорапқа тастап отырады. Бұл əдіс сыныптағы оқушылардың бəрі тең дəрежеде пікір білдіруіне мүмкіндік жасайды.

Мақсаты: оқушы алған білімін саралай білуге дағдыланады.

Тиімділігі: тақырып бойынша оқушылардың пікірін анықтайды; жинақталған деректердің құнды болуын қадағалайды.

Мұғалім белсенділік танытқан оқушыларды «Отшашу» əдісі арқылы бағалайды.