ЕББҚ оқушылардың ата-аналарын қолдау

ЕББҚ оқушылардың ата-аналарын психологиялық қолдау – табысты дамудың негізі

Автор: Кулмырзаева Акбота
Лауазымы: педагог-психолог
Мекеме: Б.Шалғынбаев №217 IT мектеп-лицейі
Қала: Қызылорда

Аннотация

Бұл мақалада ерекше білім беру қажеттіліктері бар (ЕББҚ) оқушылардың ата-аналарын психологиялық қолдаудың маңыздылығы қарастырылады. Ата-аналарға көрсетілетін негізгі қолдау түрлері мен олардың баланың дамуына әсері сипатталады.

Түйін сөздер: ЕББҚ, психологиялық қолдау, ата-ана, инклюзивті білім, бала дамуы

Кіріспе

Қазіргі білім беру жүйесінде ерекше білім беру қажеттіліктері бар (ЕББҚ) оқушыларды қолдау өзекті бағыттардың бірі болып табылады. Мұндай оқушылардың табысты дамуы тек мектеп пен мамандардың жұмысына ғана емес, сонымен қатар ата-ананың психологиялық жағдайына тікелей байланысты.

Негізгі бөлім

ЕББҚ баланы тәрбиелеу барысында ата-аналар түрлі эмоционалдық қиындықтарға кездеседі. Олар баласының ерекшелігін қабылдауда қиналып, алаңдаушылық, қорқыныш, сенімсіздік сияқты сезімдерді бастан кешіреді. Бұл – қалыпты жағдай.

Психологтың негізгі міндеті – ата-аналарға қолдау көрсету, олардың баласына деген көзқарасын оң бағытқа өзгерту және баланың мүмкіндіктерін көруге көмектесу.

Ата-аналарды қолдау келесі бағыттар бойынша жүзеге асырылады:

• Ақпараттық қолдау – баланың даму ерекшеліктері туралы нақты мәлімет беру;

• Эмоционалдық қолдау – ата-ананың ішкі күйзелісін жеңілдету;

• Практикалық қолдау – баламен жұмыс жасау әдістерін ұсыну;

• Әлеуметтік қолдау – ата-аналар арасында байланыс орнату, тәжірибе алмасу.

ЕББҚ оқушының дамуы – үздіксіз процесс. Бұл үдерісте ата-ана, мұғалім және психологтың бірлескен жұмысы маңызды рөл атқарады.

Қорытынды

Қорытындылай келе, ерекше білім беру қажеттіліктері бар баланы тәрбиелеу – үлкен жауапкершілік пен шыдамдылықты талап етеді. Ата-анаға көрсетілген психологиялық қолдау – баланың табысты дамуы мен әлеуметтенуінің басты кепілі болып табылады.

Пайдаланылған әдебиеттер

1. ҚР «Білім туралы» Заңы

2. Инклюзивті білім беру бойынша әдістемелік нұсқаулықтар

3. Психология негіздері (оқу құралдары)