Ебін тапса, есеп – қызық дүние

Ебін тапса, есеп – қызық дүние

Ел арасында «математика – қиын пән, кез келген бала есепті түсіне бермейді» деген жаңсақ пікір бар. Олай еместігін айтып түсіндіру де оңай емес. Себебі, расында, мектеп партасындағы барлық бала есепке жүйрік емес. Қазір тіпті есеп былай тұрсын, оқығанын мазмұндап, өз қиялымен көркемдеп түсәнгенін айтуға балалар кәдімгідей-ақ қиналатынын педагогикалық тәжірибеден өту кезінде байқадық. Енді не істеу керек?

Жас маман ретінде әлемдік тәжірибелерге сүйеніп, балалардың есепке жүйрік болуын, талпынысын арттыруды ертегі оқытып, батырлар жырын оқытып жүзеге асыруды көздеп отырмын. Жапондық ұстаздар математикаға қабілетсіз баланың ата-анасына ертегі оқытып, қиялдауға үйретуге кеңес береді екен. Қиялдап, көз алдына көк аспанды, қалықтай ұшқан қыран мен тұяғы тасты илей шапқан жүйріктерді елестетіп, олардың теңіз астынан аман шығып, иесімен сырласқан ғажайып көріністерінен шабыт алған баланың ми қыртыстарының ұйқыдағы бөлігі іске қосылып, есептеу қабілеттерінің де арта түсетін дәлелденәп отыр. Ендеше, математикаға деген махаббат ертегілер елінен бастау алатынын ескеріп, балаларды ұлттық құндылығымыздың бірі ертегі оқып, қиялдауға ерте жастан бейімдейік.

Дінислам Үміт Жүсіпәліқызы

Математика пәнінің мұғалімі,

педагог-тағылымдамашы