Ёё дыбысы мен әрпі

Сабақтың тақырыбы: Ё ё дыбысы және әрпі.
Сабақтың мақсаты:

1.Білімділік: Балаларды Ё ё дыбысы және әрпімен таныстыру. Ұсынылған әрбір сөзге дыбыстық талдау жасай білуге үйрету.
2. Дамытушылық: Балалардың ойлау, есте сақтау қабілетін дамыту.
3. Тәрбиелік: Еңбексүйгіштікке, ұқыптылыққа тәрбиелеу.

Әдісі: Түсіндіру, жұмбақ шешу, сөз сөйлем құрау.
Көрнекілігі: Суреттер, әріп таңбасы, кеспе әріптер т. б.
Сабақтың жоспары:

І. Ұйымдастыру.
Балалардың назарын сабаққа аудару.

1. Оқушыларды 4 топқа бөлу:

Алғырлар, Білгірлер, Ойшылдар, Тапқырлар.
2. Өтілген әріптерді еске түсіру.
3. Өткен Э дыбысын еске түсіру, қайталау. Сөздерді оқыту.
- Психологиялық дайындық:

Біздер тату баламыз,

Өсіп алға барамыз.

Әріптермен танысып,

Біз білімді боламыз!

ІІ. Жаңа сабақ.

1. «Ойлан, тап» ойыны
а) Жұмбақ шешу.
Қысы – жазы бүр түсте.
Ол не?
- Шырша
- Шырша сөзін орысша қалай айтамыз?
- Ёлка
- Ёлка деген сөзде бірінші қандай дыбыс естіледі?
- Ё дыбысы. (Хормен айту)
- Ё дыбысы және әрпі туралы мағлұмат беру.

«Ё» дейтін күштіге

Берілмеген босқа атақ.

Қоясың үстіне

Құп-құрттай қос ноқат.
- Ё дыбысы дауысты дыбыс. Ол екі дыбыстан жасалған (й+о), орыс тілінен енген сөздерде кездеседі.
Мысалы: Монтёр, шахтёр, актёр, т. б.
- Монтёр, шахтёр, щётка сөздеріне дыбыстық талдау жасату.
Монтёр сөзі 2 буыннан тұрады. Мон – тёр 7 дыбыс, ё екі (й+о) дыбыстан тұрады, бұл сөзде 6 әріп бар.

Шахтёр сөзі 2 буыннан тұрады. Шах – тёр 7 дыбыс, ё екі (й+о) дыбыстан тұрады, бұл сөзде 6 әріп бар.

Щётка сөзі 2 буыннан тұрады. Щёт – ка 6 дыбыс, ё екі (й+о) дыбыстан тұрады, бұл сөзде 5 әріп бар.

2. Сергіту сәті.
Мынау – менің жүрегім,
Бәрі осыдан басталған.
Мынау – басым ақылды,
Бәрін осы басқарған.
Мынау – менің оң қолым,
Мынау – менің сол қолым,
Барлық істі атқарған.

3. Дәптермен жұмыс.
а) Сөздік жұмысы.
Шахтёр, монтёр сөздерінің мағынасын түсіндіру. Осы сөздерге талдау жасату.

Шахтёр – құрметті мамандық. Ол шахтада жұмыс істейді, көмір өндіреді.

Монтёр – электр тогын жөндейтін адам.

4. Жазу жұмысы.
Ё ё әрпін бастырып жазу.

Дәптерге түсіру.

5. «Сөйлем құра» тапсырмасын орындату.
Мысалы: Машинаны шофёр жүргізеді. т. б.


6. «Мен бастаймын, сен аяқта» ойыны.
Шарты: «Мен шахтер деймін, Балалар «Шахтер көмір қазады, «Элеватор», «Элеватор астық сақтайтын ғимарат деп жауап береді.»
7. «Кім зейінді» ойыны.
- Балалар мен сендерге Щетка өлеңін оқып беремін. Сендер зейін қойып тыңдаңдар.
Аяқ щётка әкемде

Киім щётка орнында
Тіс щёткамды іздесем,

Қарындасым алыпты,

Көк бояуға малыпты.
- Өлең не туралы?
- Өлеңде бүгінгі өткен дыбысымыз бар ма?

8. Қорытындылау.
- Біз бүгінгі қандай әріппен таныстық?
- Ё ё дыбысы қандай дыбыс?
- Сабаққа қатысып белсенділік көрсетіп отырған балаларды мадақтау.