"Егемен елім-ай!"

Сабақтың тақырыбы: Егемен елім-ай!

Сабақтың мақсаты:

А) Білімділік: Өлеңді мәнерлеп оқу, сұрақтарға жауап беру. Өлең арқылы жаңа сөздер. Сөйлем құрау. Сөздерге фонетикалық талдау және сөз құрамына талдай білу.

Ә) Дамытушылық: Мәнерлеп оқи білуге дағдыландыру және жазу, талдау машықтарын қалыптастыру, сөздік қорын, сөз байлығын дамыту;

Б) Тәрбиелік: Өз елін сүюге, табиғатын қорғауға шақыру және жүйелі сөйлей білуге тәрбиелеу.

Сабақтың түрі: жаңа сабақ

Сабақтың әдіс-тәсілдері: Сұрақ-жауап, топтық жұмыс, әңгімелесу.

Сабақ көрнекіліктері: Сызба, үлестірмелі тапсырма,

Сабақтың жабдықтары: интерактивті тақта, компьютер.

САБАҚТЫҢ БАРЫСЫ

І. Ұйымдастыру кезеңі.

• Оқушыларды түгендеу;

• Оқу-құралдарын алу

• Сабақтың тақырыбы мен мақсатын таныстыру.

Бүгінгі сабағымыздың мақсаты Егемен елім-ай! өлеңін мәнерлеп оқу, сұрақтарға жауап беру және өткен жылдары алған білімдерін еске түсіру. Сөздерге фонетикалық талдау және сөз құрамына талдау жұмыстарын қайталау.

ІІ. Тіл дамыту.

• Жазғы демалыста қалай демалдыңдар?

• Қайда бардыңдар? (әр оқушының жауабын тыңдау)

• Оқуға деген көңіл-күйлерің қалай?

ІІІ. Жаңа сабақ. Б.Батырбекқызының «Егемен елім-ай!» өлеңі.

1. Сөздікпен жұмыс.

Ежелгі – древний

Ежелден – испокон веков

Дарыған – присущий

Жаңғырып – обновленный

Ж аны бай – богат душой

Мейірбан – доброжелательный сөз тіркестерін, олардан сөйлем құрау

Қонақжай – гостеприимный

А) Жаңа сөздердің, сөз тіркестерінің мағыналарын түсіндіру, аудару.

Ә) Дұрыс айтуға дағдыландыру;

• Мұғалімнің мәнерлеп оқуы;

• Оқушылардың дауыстап қайталауы;

• Оқушылар тізбектеп оқуы;

Б) Кітаппен жұмыс.

• Мұғалімнің оқуы;

• Оқушылар өлеңді кезектесіп мәнерлеп, түсініп оқу;

• өлең бойынша сұрақ – жауап;

1. Қазақ қандай ел?

2. Асқар тау, шалқар көл кімдердің мекені?

3. Қазақ жері кімнің мекені?

• өлеңнің мазмұнын айту.

• 6-беттегі сөздерді түсініп оқу, аудару.

Г) Жазбаша жұмыс.

1) 5-бет, 2-тапсырма. Берілген сөздерді пайдаланып, сөйлем құрау. Асты сызылған сөздерге фонетикалық талдау жасау.

Мейірбан, мәңгілік, жаңғырып, өр мінез.

2) 6-бет, 5-тапсырма. Сөз құрамына қарай талдау.

Үлгі: Баба- түбір сөз, зат есім;

лар- көптік жалғау.

ІV. Бекіту. Диалогты мәнерлеп оқу.

V. Үй тапсырмасын беру. Өлеңді жаттау. Сөздер. 6-бет, 6-тапсырма. Синонимдерін жазу.

VІ. Қорытынды. Не білдік? Не істедік?

VІІ. Бағалау.