«Жамбыл облысы әкімдігінің білім басқармасы

Тараз қаласының білім бөлімінің №38 «Толағай» бөбекжай-бақшасы» МКҚК

«Егіс алқабында!»

№15 «Тұлпар» ересек тобы

Тәрбиеші:М.Джаксылыкова

2023жыл

Тақырыбы: «Егіс алқабында!» Мақсаты: Балалардың егіс алқабы жайлы түсінік беру. Егіс алқабын суреттен көргендері бойынша сұрақтарға толық жауап беруге үйрету. Ел байлығы — астықтың дастарханға нан болып қалай келетінін түсіндіру арқылы, үлкендердің еңбегін құрметтеп бағалай білуге үйрету. Ауладағы өсімдіктер мен шөптерге күтім жасауда қарапайым тапсырмаларды орындау.

Ұлдар биі: «Қырманға кел қалқатай»

Шаттық шеңбер:

Біздің топтың ұл-қыздары,

Тату-тәтті ойнайды.

Әлемдегі бар адамға,

Жақсылық сыйлайды

Үлкенге де сіз,

Кішіге де сіз,

Барша жұртты құрметтеп,

Бас иеміз біз!

Тәрбиеші: Балалар мен сендерге бір сұрақ қойғым келіп тұр. Сендер мұқият тыңдап сұраққа жауап беріңдерші, жарайма?

Астық пісіп, орақ түсіп,

Қырман дәнге толады.

Балаларым айтыңдаршы,

Бұл қай кезде болады?

Балалар:Күзде.

Тәрбиеші: Күзде ауа райы қандай болады?

Балалар: Күн суытады, жел тұрады, жаңбыр жауады.

Тәрбиеші: Балалар жеміс-жидектер, егіс алқаптарын біз қай кезде жинаймыз?

Балалар: Күз мезгілінде.

Тәрбиеші:Дұрыс айтасыңдар. Мен сендерге бүгін егіс алқабы туралы қысқаша түсіндіріп өтейін. (Балаларды алқаптың қасына тұрғызу)

Көк майсалы көрікті,

Алқаптағы бұл егін.

Бұл күндері киіпті,

Сары жібек көйлегін.

Жайдарлы күз, жарқын күз,

Аяулы күз,алтын күз.

Дәнге толы ел дала,

Дариядай шалқар күз.

Тәрбиеші: Балалар мына суреттен не көріп тұрсыңдар?

Балалар: Трактормен егінді орып жатыр.

Тәрбиеші: Мына суретте трактормен жер жыртып тегістеп егін егіп жатыр. Егіндерді көктемде егеді. Адамдар егінді суарып, арам шөптен тазалайды. Сөйтіп егін жайқалып жап-жасыл болады. Егін күзде піседі, сап-сары болып піскен егінді комбайнмен комбайншылар орады. Сонан соң дәнін сабағынан ажыратып бидай алынып машинаға басылады. Көліктермен қырманға апарып тазаланып диірменнен өткізіп ұн жасалынып наубайханаға апарылады, ұннан қамыр иленіп нан пісіріледі.

Ойын: «Ғажайып дәндер»

Мақсаты: Дайын суретті қиынды сары түсті қағазбен жабыстыру.

Дидактикалық ойын: «Керекті көкөністерді қой»

Мақсаты:Бос тұрған тор көздерге керекті көкөністерді қою.

Қимылды ойын: «Кім жылдам!»

Мақсаты: Қойылған кедергілерден аттап өтіп, тұрған көкөністердің орнын ауыстырып қою.

Қимылды ойын:«Көңілді сырғанақ»

Мақсаты: Балалар көпіршіктерден сырғанап өтіп қоңырауды басады.

Тәрбиеші:Балалар нан туралы қандай нақыл сөздер білесіңдер?

Балалар: Нан болса- ойнап-күлеміз,

Нан болса- еркін жүреміз.

Ас атасы-нан

Нан-қасиет

Нан-береке

Нан- мереке

Нан-береке бастауы

Нан-күш-қуат көзі

Нан – дастарханға сән

Арпа,бидай –ас екен,

Алтын,күміс-тас екен.