Ел жүрегі - Астана

Тақырыбы: Ел жүрегі - Астана! (Астананың 20 жылдығына арналған кеш)

Жүргізуші: Армысыздар құрметті қонақтар, ұстаздар, оқушылар! Біз бүгін мемлекетіміздің символы, асқақ абыройымыздың айғағы болған Астанамыздың мерейлі тойына жиналып отырмыз. Астананың 20 жылдығы – ел өміріндегі аса ірі тарихи оқиға, Қазақстан халқының мерейлі мерекесі. Бүгінгі «Ел жүрегі - Астана!» атты мерекелік кешімізге қош келдіңіздер.
Біз ғасырлар тоғысқанда тәуелсіз жаңа мемлекет орнатып, байтақ еліміздің дәл ортасынан бас қаламыз – Астананы салдық. Бүгінде әлемдік қауымдастық үшін Қазақстан мен Астана атаулары егіз ұғымға айналып кетті. Біздер, қазақстандықтар, Астананы асқақтату арқылы дүние жүзінде өзімізді –келешегі кемел, әлеуеті қуатты мемлекет екенімізді таныттық.
Кешіміздің ашылу салтанаты құрметіне ҚР-ның мемлекеттік әнұраны орындалсын!

Әнұран

Жүргізуші:

Сән-салтанат айналам бүгіндегі,
Мақтанышым - жүректің түбіндегі!
Ұлы дала ұлағат тұтып келіп
«Астанам!»- деп ардақтап жүгінеді.

«Астана» әнімен Сейтонова Ақбота

Жүргізуші:

Қабыл боп ата-баба, ел тілегі,
Биіктен нұры шалқып Күн күледі.
Қан беріп халқымыздың тамырына,
Астана – соғып тұрған нұр жүрегі!

«Қазақ» биімен бастауыш сынып оқушылары

«Астана» әнімен Сейтонова Шаһзода мен Құрманғазы Әлижан

Жүргізуші:

Есілдің ақ тұмасы ағылады,
Тамшылар күміс сырға тағынады.
Кереге, уығынан кие қонған,
Астана – елдің алтын Шаңырағы!

Астана туралы жыр шумақтарына кезек берейік. (Дилназ, Қыдырәлі,Мерқай Көзайым)
«Туған жер» әнімен Темірболатов Дәурен

Жүргізуші:
Көк ту ұстап ұлы ғасыр көшінде,
Құйылғандай мұхит суы Есілге
Қазақ елін кең әлемге танытып,
Астана тұр Сарыарқаның төсінде.

«Тәуелсіз қазақ қызымын» Хайруллина Сабина

«Алға, Қазақстан» биімен «Жасұлан» ұйымы

1 жүргізуші:

-Туған жер алтын бесік, асыл анам,

Ауаңмен, ақ сүтімен асыраған.

Мен дағы ұлың едім өзің тектес

Алысқа несібесі шашыраған

Ән «Туған жер» Таңатар Айкөркем

«Қазақ» биімен 5-6 сынып оқушылары

Жүргізуші:

Атты бүгін –азаттықтың ақ таңы,

20 жыл Тәуелсіздік таңы атқалы.

Елі текті, киелі, қасиетті

Құтты болсын ата-баба арманы

«Қазақпын» әнімен Сейтонова Ақбота

 Жүргізуші:

Астанам - бағы биік асқарымсың, 
Астанам – мәнгі жарық аспанымсың,
Астанам пейіш қалам,ел арманы, 
Астанам – қайда жүрсем мақтанышым. 
Астанам шапағаттың шуағындай, 
Астанам махабаттың тұрағындай, 
Астанам – періштелер мекенісің 
Астанам махабаттың тұрағындай. 

«Елімнің жүрегі-Астана» Табылдиева Ақтоты

Хор «Мәртебелі Ел» 5-6 сынып оқушылары

Жүргізуші: Астана таңғажайып қарқынмен түлеп, аты әлемге танытып, Еуразия кеңістігінің жаңа үлгіде салынған әсем шаһарларының біріне айналып үлгерді.

Күннен күнге көркейіп, сәні мен салтанаты жарасқан Астанамыздың 20 жылдығы құтты болсын дей отырып, кешімізді аяқтаймыз.