"Ел тірегі-Елбасы"

4-сынып оқушысы

Серік Бауыржан Жасұланұлы

«Ел тірегі-Елбасы»

Мен осы жазба жұмысымды елімнің амандығынан, Елбасымыздың елімізге деген еңбегінен бастағым келіп отыр. Біз кішкентай болсақ та, ата-бабамыз бізге ұлан-байтақ жерімізді мұра етіп қалдырғанын білеміз.

Елім, Отаным деген қасиетті сөз. Әр адамның өз ауылынан, өз өлкесінен басталады. Сыныбымызда өткізілген әрбір тәрбие сағаттарының тәрбиелік мәні зор. Ұстазымыз бізге егемен еліміздің осы күнге жету үшін апа-ағаларымыздың көп еңбек еткенін айтқан болатын.

Отанымыз Қазақстан халқы өзінің тұңғыш Президентін 1991жылы 1желтоқсанда сайлады. Н.Ә.Назарбаев 1940жылы 6-шілдеде Алматы облысы, Қаскелең ауданы, Шамалған ауылында дүниеге келген. Балалық шағы таршылық, қиындау жағдайында өтті. Мал бағып, бау-бақша өсіріп, оны сатып, отбасына көмектесіп, керек заттарын алып жүрген. Мектепте жақсы оқып, жақсы білім алып, ұстаздар көңілінен шыға білген. Ата-анасын қатты жақсы көріп, қатты құрметтеген.

Мектепті бітірген соң Қарағанды металлургия комбинатының құрылысына аттанады. Кейін шойын кұюшы болып жұмыс істейді. Жақсы еңбегінің арқасында инженер дәрежесіне дейін көтеріледі. Оның басшылық қызметі 44жасында басталады. Сол еңбегінің арқасында өмір жолы айқын болды. Өз Отанын сүйетін патриот, ержүректіліктің арқасында біз осы күнге жеттік. Біз отбасымызбен теледидар көреміз. Сонда мен Нұрсұлтан Әбішұлының ән айтатын қабілеті бар екенін байқадым. Әнді жақсы айтады екен.

Осындай қарапайым елбасының арқасында біз егеменді ел болдық. Егемендігімізді білдіретін өзіміздің мемлекеттік рәміздеріміз Елтаңба, Ту, Әнұранымыз 1992 жылы 4-маусымда қабылданды. Сонымен қатар 1997жылы бұрынғы астанамыз басшы органдары қазіргі астанамыз Нұр-Сұлтанға көшіп келді. Осылай біздің Қазақстанның жарқын болашағы басталды. Қорытындыда алғашқы Президентім туралы айта отырып, бізге осындай өмір сыйлаған, болашаққа алтын көпір салып берген Тұңғыш Президентіме мың алғыс дегім келеді. Елбасымыздың салып берген сара жолымен жүру біз үшін үлкен мәртебе.