Елбасы – ел мақтанышыЭССЕ «Қазақстан! Жері киелі, халқы дана, дара туған, парасатты, нар тұлғалы-Елбасы. Ауыр әрі абыройлы асудан халқын біріктіріп, дүниедегі қабырғалы елдердің қатарына қосты»-деп, үйдегі аталарымның аузынан түспейтін, еліне тыныштық сыйлап, көп ұлтты халқын туысқандай тату ұстаған, бірлікке шақырған, халқына бейбіт өмір сыйлаған,балаларын бақытты еткен Елбасымызды асқан бір патриоттық сезіммен, мақтанышпен жазып отырмын. Өйткені менің туған жерім-Қазақстан. Аталарым өсіп-өнген, әке-шешем, бауырларым дүниеге келген. Мен 6-сынып оқушысы, атым-Чингз, түріктің баласымын, сабақты жақсы оқимын. Мен бақыттымын, осындай киелі жерде дүниеге келдім. Біздің мектебіміз орыс тілді, сыныбымыз көп ұлтты: қазақ, орыс, кәріс, түрік, күрд, азербайджан, қытай, молдаван, барлығы 20 оқушы тату-тәтті білім алып жатырмыз. Аптасына 5 рет қазақ тілі сабағы жүреді. Мемлекеттік тіл-қазақ тілінде сөйлейміз. Қазақтың ұлы ақын-жазушыларының еңбектерін сүйіп оқимыз. Ұлттық ерекшелігімізге қарамастан арамызда сенім, келісім мен өзара түсіністік қалыптасқан. Біздің дәстүрлеріміздің дамуына қажетті барлық жағдай жасалған. Достарым көп. Барлық мерекелерді бірге тойлаймыз. Мектепте өтетін барлық іс-шараларға белсенді қатысамыз. Қазақ, орыс, ағылшын тілдерінде мәнерлеп өлең оқимыз. Орыстың, түріктің биін билейміз. Біздің сыныптың оқушылары «Қара жорға», лезгинка, украин биін билеп жүлделі орынға ие болдық. Мұның барлығы біздің татулығымыз, бірлігіміз. Елбасымыздың балаларға деген қамқоры, татулық саясаты. Біз теледидардан президентіміздің көп нәрсені істегенін көріп отырамыз. Қазақстанның бас қаласы– жаңа астанасын салдырды. Астана күн санап өсіп келе жатқан әдемі, көрікті жерлері көп қала. Бүгінде Астананың аты әлемге әйгілі.Оқулықтардан «Елордамыз – Астана» туралы көп оқимыз. Қала төрінде алып «Бәйтерек» кешені – тәуелсіздіктің символы, маған қатты ұнайды. Балалық шағымызды бақытты етіп, тыныштығымыз бен татулығымызды жарастырып отырған Елбасымды мақтан тұтам! «Жасасын Қазақстаным!», «Жасасын Елбасым!» дегенді азаматтық сезіммен мақтана айтамын. Тәуелсіздігіміздің 25 жылдығы қарсаңында Елбасыма мықты денсаулық, ұзақ өмір тілеймін. Президентімізді мақтан етіп,алғысымды білдіріп, сәттілік серігі болсын, дені сау, өмірі ұзақ болсын деймін.
Алматы облысы «Қарасай ауданының»білім бөлімі мемлекеттік мекемесі«А.С.Пушкин атындағы орта мектеп мектепке дейінгі шағын орталықпен» коммуналдық мемлекеттік мекемесінің 6 сынып оқушысы Мамедов ЧингизЖетекшісі: қазақ тілі мен әдебиеті пәнінің мұғалімі Тураходжаева Зулфия Атихановна
18 Желтоқсан 2017
715
0 рет жүктелген
