"Елдің мықты тірегі-дені сау ұрпақ"

Сабақтың тақырыбы: Елдің мықты тірегі- дені сау ұрпақ.

Сабақтың мақсаты: Балаларға салауатты өмір салтын насихаттау, игі істердің адам денсаулығына шипа болатынын түсіну, адамгершілікке, инабаттылыққа, білімділікке, өнерпаз болуға баулу.

Сабақтың барысы:

--Денсаулық ел дамуының басты арқауы. Жеке адамның басты байлығы - денсаулық. Адам денсаулығы өмір тіршілігінің ең бірінші шарты болып табылады.

II Мағынаны тану. (Блиц турнир сұрағы, ой ашу)

1.Ол судан қорқады, одан кір қорқады. (сабын)

2.Тіс тазартатын құралдар. (тіс щеткасы мен пастасы)

3.Адам өміріне ең қажетті заттар. (ауа, су, жылу, жарық, тамақ)

4.Жалқаудың досы. (еріншектік немесе ұйқы)

-Балалар осы айтылғандар туралы қандай өлеңдер білеміз?

1.Тазалық сақшысы,

Иіс сабын, орамал.

Шөтке мен пастасы.

Соларға пара – пар.

Айнаға қараймын,

Шашымды тараймын.

Жасасын тазалық.

Деп мен жар саламын.

2.Еріншектен – салақтық,

Салақтықтан - надандық.

Бірінен-бірі туады,

Жоғалар сөйтіп адамдық.

Еріншек таза жүре алмас.

Кір - қолын да жуа алмас

Қаракет жоқ, ғылым жоқ,

Өз бойынан ұялмас. Сендердің денсаулық сақтау үшін не істеу керек деген сұраққа жауап беріп көрейік. /уақыт беріледі, екі топқа парақша таратылады/ Екі топқа бөліне қоямыз. /Стикердің түстері арқылы топқа бөліну/

- Екі топтың ұсынған пікірлерінен ортақ ой шығарайық./ Ортақ түйін жазу, Сол түйінді орындау /

.

Жақсы сөз

Зиянды заттар

Дұрыс тамақтану

Еңбек

Спорт

Денсаулық

Тазалық

Өнер

Күлкі

1. Зиянды заттардың тізімін жасау

2. Дұрыс тамақтанудың жолын түсіндіру

3. Екі топтың басшылары бір-бірлері туралы жақсы сөздер айтады /қандай сезімде болғанын жеткізеді/

4. «Кім жылдам?» спорт түрлерінің қимылдарын жасырады.

5. Өнер /ән ,би/ екі топ таңдап көрсетеді.

6. Күлкі-өмірді ұзартады.

Ойын «Мақал-мәтелді жалғастыр»

1.Тазалық саулық - негізі, Саулық байлық – негізі.

2.Дені саудың жаны сау.

3.Ауру аздырады, Суық тондырады.

4.Жасыңда салақ болсаң, Бара-бара былық боларсың.

5.Ұйқы тынықтырады, Жұмыс шынықтырады.

6.Ерте тұрғанның бір ісі артық.

7.Денсаулықтың жаңасын, Ақшаға қайдан аласың.

8.Денің сау болса, Жолдасың көп болса, Жалғызбын деме.

9.Ауру батпаңдап кіріп, Мысқылдап шығады.

10.Емнің алды еңбек, Еңбек бәрін жеңбек.

11.Аурудың жақсысы жоқ, Дәрінің тәттісі жоқ.

12.Денсаулық – зор байлық.

Денің сау болса, білім аласың, еңбек етесің. Деніміз сау, құрыш білекті, алып жүректі қайсар да қайратты, ұқыпты да әдемі азамат болу үшін адам денсаулығына қажетті жайлар туралы әңгімелестік.

- Елдің мықты тірегі – дені сау ұрпақ дегендей, ендеше деніміз сау болып, Қазақстанның болашағы көбейіп, көркейе берсін!

Қарабұтақ орта мектебі

«Елдің мықты тірегі- дені сау ұрпақ»

(класаралық ашық тәрбие сағаты

бастауыш кластар)

Өткізген: Бастауыш класс мұғалімі: Ижанова Нургуль

С

Сәуір,2016 жыл