Еліне сөзі ем болған

Бүгін мектебімізде «Ұрпаққа аманат» жобасы аясында қазақ тілі мен әдебиеті пәні мұғалімдерінің ұйымдастыруымен ұлы жүздің биі Төле бидің туғанына 360 жыл толуына орай 7-10 сыныптар аралығында мектепішілік ақындар мүшәйрасы болып өтті.Мүшайра кемеңгер тұлғаның өнегелі өмірі,төбе бидің шешендік сөздерін насихаттау және оқушылардың шығармашылығын дамыту,мәнерлеп оқу дағдысын арттыру мақсатында өтті.

Мүшайрада «Жеті жарғыны» жасаушылардың бірі,Ұлы жүздің төбе биі,дана Төле би туралы баяндама оқылып,бейнебаян көрсетілді.Қазақ тарихында орны ерекше тарихи тұлғаның шешендік сөздері мен нақыл (афоризм) сөздері жатқа айтылып,оқушылар жыр-шумақтарын арнады.

Мектебіміздің 10- сынып оқушысы Рахматуллаева Аида- ақындық қабілетімен ерекшеленген озат оқушымыз. Аида бүгін де өзінің арнауын тарту етті.

Үш жүз, бір Қазақ!

Қазағымның аспаны ашық, жері кең,

Қазақ жері өзгелерден керім ең!

Қазақ елі қазынаға бай халық,

Көркем сөзі тарихына берер рең.

Батырлыққа бала күннен бел буған,

Ата-баба аруағын тең қылған.

Хан басына ақыл берер даналар,

Билер болған, елдің қолын жең қылған.

Төле биім-төрелікті аңсаған,

Қазыбектің қара даусы, жар салған.

Әйтекедей кенжеде болса төрелік,

Әділдікті алға қойып, жан салған.

Төреліктің төрін алған Төле би,

Қазыбектің айтқан сөзі өлеңдей

Әйтеке би әділдікті ұрандап,

Кіші жүздің шамшырағы дегендей.

Үш жүзімнің басын қосқан Бір Қазақ,

Өзге тілдер тілді кетер көп қажап.

Ана тілің тұрған кезде, Нық сөйле,

Ана тілді құрметтеуде бір ғажап.

Шешендері сөз бермеген Қазақта,

Мына күйім ей, шынымен азаппа?

Қазақ тілін құрметтеген ұлылар,

Келер ұрпақ күн көрсін деп ғажапта!.

Пошанова А. қазақ тілі мен әдебиеті пәні мұғалімі

« №34 Бірлік ЖББМ» кмм

Мақтаарал ауданы

Түркістан облысы