Елің сүйген ел басы

«Елін сүйген Елбасы»

Тақырыбы: «Елін сүйген Елбасы»

Ұйымдастырған оқу іс-әрекеті: Тіл дамыту, Жапсыру.

Білім беру саласы: «Қатынас», «Шығармашылық»

Мақсаты: Балаларға еліміздің Президентін ,рәміздерімізді таныстыру. Өз Отанын, туған жерін сүюге, қорғауға, сақтауға, құрметтеуге тәрбиелеу. Мәнерлеп тақпақ айтуға үйрету.

Көрнекіліктер: Суреттер, үлестірмелі материалдар.

Методикалық әдісі: Түсіндіру, көрсету, ойын, сұрақ-жауап, мадақтау.

Тәрбиешінің іс-әрекеті: Тәрбиеші балалардың назарын өзіне аударып, шаттық шеңберіне шақырады.

-Сәлеметсіздер ме, балалар!

-Балалар бізге көптеген қонақтар келіпті, орнымыздан тұрып , келген қонақтармен сәлемдесіп алайық.

Балалар: Үлкенге де сіз,

Кішіге де сіз.

Барша жанды құрметтеп,

Бас иеміз біз.

Қазақстан Республикасының мемлекеттік ән ұранды орындаймыз.

-Балалар қыс мезгілінің ең алғашқы күні бізде үлкен мереке болады. Ол мереке біздің Елбасымыздың құрметіне арналады.

-1желтоқсан күнін Президент күні деп атайды. Сендер елбасымызды білесіңдер ме?

- Ал, балалар, суреттерге назар аударайық.

-Балалар, бұл кім?

-Балалар, сендер қандай елде тұрасыңдар?

-Әр елдің өз басшысы болады. Біздің де Елбасымыз бар . Оның есімі Нұрсылтан Әбішұлы Назарбаев атамыз.Ал мынау балалар, елбасымыздың жұмыс жасайтын орны- Ақорда.

-Балалар елбасымызға арнап, елімізге арнап тақпағымызды айтайықшы.

Адина: Отан деген- атамекен

Отанымды сүйемін мен

Отан жерім, Отан елім

Міне менің Қазақ жерім

Нурасыл: Қазақстан Менің Отаным

Атыңды әнге қосамын

Шарықтап өсіп, дами бер

Білімімен үлес қосамын.

Аяла: Отан деген- әр адамның жүрегі

Оған ел де, жер де, су да кіреді

Отанымды бар әлемге паш еткен

Президентім, мақтанышым, тірегім

Аян : Мерекеге шығады

Бүкіл халық, біліп қой

Отандастар ұғады

Тәуелсіздік ұлық той

Жансая : Біз бақытты баламыз

Тәуелсіз елдің ұраны

Мәңгі жасап, гүлденеміз

Ұлы елдің қыраны.

С. Каусар: Отан туған үйіміз

Отан туған жеріміз

Отан ортақ үйіміз

Көңілді ән мен күйіміз

Нүркен : Қуат алған өзіңнен

Туған елдің ұлымын

Бақытты етіп өсірген

Отанымның гүлімін

Інжу : Көк аспандай көкпеңбек

Қазақстан жалауы

Көк емес ол тектен-тек

Елдің ашық қабағы.

Рабия: Елтаңбасы елімнің

Неткен әйбат әдемі

Тұнығындай көңілдің

Ортада аспан әлемі

Раяна : Тәуелсіздік жолында

Талай- талай тер тамғам

Билігім өз қолында

Еркіндігім – елтаңбам

Ақбидай : Тәуелсіздік келді деп

Оралды қайта салтымыз

Баянды болғай енді тек

Бақытты біздің халқымыз.

Аружан : Отаным, Қазақстаным

Жұмбағым Қазақстаным

Сен менің желеп-желбеушім

Тәуелсіз Қазақстаным.

Сырым : Елтаңбасы елімнің

Ортасында шаңырақ

Мемлекеттік туымнан

Күн шығып тұр жарқырап.

• Балалар, әр елдің өз рәміздері, өз ана тілдері болады.

• Балалар, біз қай тілде сөйлейміз?

• Балалар рәміздер туралы айтайық. Балалар бұл біздің мемлекеттік- Әнұранымыз. Ал, мынау –Елтаңба. Елтаңбаның ортасында шаңырақ бейнеленген. Шаңырақ еліміздің біртұтастығын бейнелейді. Екі жағында қанатты тұлпар мәңгілік өмір, самғау биігі. Шекесінде бес жұлдыз мемлекетіміздің жарқын болашағы.

• Балалар туымыздың түсі- көк. Көк түс- адалдық пен тазалықтың, бейбітшіліктің белгісі. Тудың ортасында күн мен қалықтаған қыран құсымыз, оң жағында оюдың суреті бар. Күннің болуы- күндей жарқын болсын, дала бүркіті- дархандық пен қырағылықты бейнеленген.

Сергіту сәті

«Отан» атты әнімізді шырқайық.

Балалар, дидактикалық ойын ойнайық.

Ойын: « Нұрсұлтан қаласы»

Ойын шарты: Балалар мынау не?

Нұрсұлтан қаласының ғимараттары бейнеленген суреттерді қағазға жапыстыру.

Мақсаты: Балаларды шығармашылыққа, жылдамдыққа үйрету.

-Балалар, біз нені жабыстырдық?

- Жарайсыңдар балалар!

Әрқашан еліміз тыныш, елбасымыз аман, көк туымыз мәңгі желбірей берсін!

Келген қонақтарға сау болыңыздар дейік.

Күтілген нәтиже:

Білуі керек , елбасын және елбасы күнін

Үйренуі керек : Рәміздерді құрметтеуді.