Тақырыбы: Еңбек-жақсылықтың кілті.

Мақсаты: Балаларды еңбекке баулу, еңбектің маңызын түсіндіру.

Қол еңбегіне қызығушылығын артыру, еңбекқорлыққа ұқыптылыққа тәрбиелеу. Еңбек еткен адамның еңбегі бағаланатынын ұғындыру.

Балалардың сөйлеу қабылетін дамыту.

Көрнекіліктер: (жұмыс істеп жүрген адамдардың суреттері, қол еңбекке арналған заттар, еңбекке қажетті заттар) Мақал-мәтелдер жазылған плакаттар.т б

Ұйымдастыру кезеңі:

Тәрбиеші: балалар шеңберге тұрып , бір бірімізге жылы лебізімізді білдірейік.

Шаттық шеңбер:

Қайырлы күн балалар,

Күн шуағын төгіп тұр.

Жерге нұрын сеуіп тұр,

Қолды жайып күлейін.

Жылы сөздер айтайық, балалар бір-біріне жылы сөздер айтады.

Тәрбиеші: балалар сендер еңбек деген сөзді қалай түсінесіңдер?

Еңбек деген не?

Үйде ата-аналарыңа қалай көмектесесіңдер

Еңбек еткен адам қандай сезімге бөленеді?

Балалар:

Еңбек жұмыс жасау, ата-анамызға көмектесу, гүл суғару, гүл отырғызу, ойыншықтарды жинап көмектесу т.б

Тәрбиеші: дұрыс айтасыңдар балалар еңбек дегеніміз бір жұмысты аяғына дейін жеткізіп аяқтау. Еңбек еткен адам бақытты болады. Еңбек жақсылықтың кілті, еңбек еткенде адам қуанышқа бөленеді.

Негізгі бөлім: Суретпен әңгімелесу.

Тәрбиеші суреттерді көрсетеді.

-Бұл кімдер? Не істеп жатыр?

( балалар Бағбан гүл отырғызуда, аспазшы тамақ пісіруде, құрылысшы үй салып жатыр)

Дидактикалық ойын: « Кімге не керек» Қоржынның ішіндегі заттарды тауып, атап беру.

Тәрбиеші: Енді балалар Кімге не керек ойынын ойнасақ

Балалар: Суреттер арқылы әр заттың өз маманына жеткізу.

Тәрбиеші: мамандықты айтады, балалар тиісті құралдарды қояды.

Бағбанға- суқұйғыш

Аспазға -қасық

Құрлысшыға – кірпіш

Тазалықшыға -шелек пен шүберек.

Тапсырма-1: Қол еңбек «Гүл отырғызайық»

Балалар гүлге керек заттарды дайындап, қауіпсіздік ережесін сақтап гүл отырғызады. Келесі балалар гүлге күтім жасап, гүлді суғарады.

Тәрбиеші түсіндіреді: Гүлді күту – еңбектің бір түрі.

Сергіту сәті: Қимылды ойын:

Қолға күрек аламыз,

Жерді қазып саламыз.

Гүл отырғызып үйреніп,

Сумен гүлді суғарамыз.

Күнге қарап күлеміз,

Еңбекшңл болып өсеміз.

Мақал мәтел:

Еңбек түбі- береке

Еңбек етсең ерінбей- тояды қарның тіленбей

Еңбек жақсылықтың- кілті

Еңбексіз күн - жарықсыз шам

Тапсырма-2: Геометриялық пішіндер ойыны:

Тақырып құрлысшы үй салады.

Балаларға түрлі пішіндер беріледі.

Төтбұрыш-қабырға

Үшбұрыш- шатыр

Дөңгелек -терезе

Тапсырма пішіндерді пайдаланып , үйдің суретін құрастырады.

( математика+еңбек құрлышының еңбегін түсіндіреді.)

Қорытынды бөлім:

Балалар еңбек не үшін керек?

Кім еңбек етеді?

Біз қандай еңбектер жасай аламыз?

Балалар: Үйде анамызға көмектесеміз.

Балабақшада достарымызға көмектесеміз.

Ойыншықтарды жинаймыз.

Тәрбиеші: иа дұрыс айтасыңдар осы жасаған жұмыстарымыздың барлығы еңбекке жатады. Еңбекор адам бәріне үлгі болады.

Мақалмен түйіндеу:

Еңбек етсең ерінбей тояды қарның тіленбей.

Еңбек түбі береке.