"Еңбек қуанышы" сабақ жоспары 5 сынып

Сабақтың мақсаты: оқушыларға адам өміріндегі адал еңбектің маңыздылығын ұғындыру арқылы дұрыс әрекет құндылығының мәнін ашу.

Сабақтың міндеттері:

Білімділік: оқушыларға адал еңбек ұғымын түсіндіре отырып, еңбексүйгіштік қасиеті туралы түсінік беру.

Дамытушылық: оқушыларды еңбекті қадірлеуге, адал еңбек етуге баулу арқылы жауапкершілік қасиетін дамыту.

Тәрбиелік: оқушыларды еңбекқор болуға,төзімділікке тәрбиелеу.

Сабақбарысы:

1. Ұйымдастыру кезеңi.

Оқушылармен амандасып, «өзін-өзі тану» сабағының ережесін «5-Т» қайталау.

Ресурстар:

Баяу әуен

1. Дәйексөз

«Еңбек түбі- береке »

Нақылы Балалар дауыстап қайталап айтады. Дәйексөздің мағынасын қалай түсінгендерін сұраймын, мағынасын ашады.

Дәйек сөз.

2. Үй тапсырмасы.

М.Төрежанов «Қолғабыс» әңгіме

Кітаптан оқу 13- сабақ

3. Әңгiмелесейік

• Еңбекке үйренудің қандай пайдасы бар?

• Қолғабыс ету, көмек беру дегенді қалай түсінесіңдер?

• Еңбек ету адамға не үшін қажет?

• Өзіңді-өзің отбасында қандай еңбекпен шұғылданасың? Айтып бер.

Сұрақ-жауап

4. Оқиға немесе әңгіме айту. Мұғалім сыйы

Алғыс. М. Төрежанов

Қанқызыл помидорға тойғаннан кейін қасым мен Хасен шешесіне:

-Апа дәмді помидор бергеніңіз үшін сізге рахмет!-деді.

-Ол алғыстарыңды маған айтпаңдар, жақсы помидор өсіргені үшін бақшаға айтыңдар!

Балалар бақшаға жүгіріп келді де, помидор өсіп тұрған сабақтарға бас иіп, алғыс жаудырды. Помидор жапырақтары былай деп сыбырлады:

-Ол алғыстарыңды бізге айтпаңдар, қара топырақты жерге айтыңдар!

Қасым мен Хасен жерге бас иіп, еңкейіп тұрып алғыс айтты:

-Мейірімді жер, дәмді помидор өсіргенің үшін көп-көп рахмет!

Жер жұмсақ, майда қара топырақ бүлк еткізді:

-Ол алғыстарыңды алғыстарыңды маған айтпаңдар, жаңбырсыз жер көктеп, бақша гүлдемейді.

Қасым мен Хасен ауыл сыртындағы тауға келіп, таудың басына шықты да, бұлт жақындаған кезде:

Рахмет саған жомарт бұлт! Сенің мейірірңе сусындаған помидорды жеп, бір рахаттандық!- деп айқайлады.Бұлт игі еңбекті бағалай білетін балаларға былай деде:

• Ол алғыстарыңды маған айтпаңдар. Нұр үстіне нұр төгіп, әлемге тіршілік себетін құдіретті күнге айтыңдар!

• Екі бала қара көзілдіріктерін киіп алып,күнге қарады да, бар дауыспен :

• Уа әлемге тіршілік , бұлтқа жаңбыр берген мейірімді күн! Сенің сәулеңнен нәр алған помидор қандай тәтті еді!Сол үшін саған көп-көп рахмет десті.

• Ол алғыстарыңды маған айтпаңдар,- деді күн күлімдеп тұрып.-Помидор отырғызып, дамылсыз баптаған адамға алғыс айтыңдар! Помидорды дәмді еткен адамның еңбегі!

• Қасым мен Хасен бақшаны баптап жүрген шешесіне жүгіріп келді. Екеуі жарыса алғыстарын айтып шықты. Шешесі күлімдеп тұрып:

• Менің еңбегімді бағалағандарың үшін сендерге де рақмет! Өздерің де бақшаға жеміс өсіріп, ерінбей-жалықпай күтіңдер.Ол өсіп, өнім береді. Еңбектеріңе жұрт сүйсініп, сендерге де алғыс айтатын болады,- деді.

Мен - адаммын әдістемелік кітаптан

5. Шығармашылық жұмыс

1-тапсырма дәптердегі суреттерді бояңдар, сурет бойынша әңгіме құрап айтыңдар.

2- тапсырма өзіңнің бір апта бойы жасайтын еңбегіңнің тізбесін дәптерге жазып көрсет.

Топпен жұмыс

6.Үйге тапсырма

Мәди Айымовтың «Күн күлше» әңгімесі

Оқулықтан оқу

14- сабақ

7.Бағалау.

Сабаққа белсене қатысқандарың үшін рахмет.