"Ересектер мен балалардың кездесуі" түзету-дамыту жұмысы

Тақырыбы: Ересектер мен балалардың кездесуі

Мақсаты: Қазіргі кездегі баланың дамуына, жеке тұлға болып қалыптасуына ықпал етіп, ата-ана тәрбиесінің әдіс-тәсілдерін жетілдіре отырып, жағымды қарым-қатынас орнату.

III. «Менің балам қандай?» ойыны
Ойынның мақсаты: ата-ана баласын қалай жақсы көретінін көрсету.
Әр қатысушы қолының саусақтарын айналдыра сызып, әр саусаққа баласының атындағы әріптерін жазу керек. Ары қарай ата-ана әр саусақта жазылған әріптерден басталатын баласының қасиеттерін айтуы керек. Саусақтың ортасына баланы жанұяда кімге теңейтінін салса болады. Саусақтар ватманға жабыстырылады.

IV. «Балама қандай жылулық беремін?» ойыны
Күннің суреті салынған ватман. Сіз жылуыңызды беріп жатқан күнсіз. Сізден тарап жатқан шуақтарды қалай деп атайсыз. Ата-аналар шығып балаларына күн сияқты қандай жылулық беріп жатқандарын жазулары керек. Мысалы: «Мен баламды мейірімді, жылы сөздер айтып оятамын», «Мен балама күніне бірнеше рет жылы сөздер айтып аймалаймын», «Мен мейірімдімін» т.с.с. Енді шуақты күнімізге қарайықшы. Ол да аспандағы күн сияқты өзінің жылуын, мейірімін уақыт таңдамай, орын таңдамай сыйлап жатыр. Біз де, ата-аналар, өзіміздің балаларымызды ешқандай талап қоймай жақсы көруіміз керек.

V. «Не жетпейді» әдістемесі.

Мақсаты: баланың қабылдау ерекшелігін анықтау.

Балаға суреттер жинағы беріледі. Әр суретте қандай бір мәнді бөлшек жетіспейді. Балаға жылдам жетіспей тұрған бөлшекті тауып атауға тапсырма беріледі. Өтіліп жатқан психодиагностиканы секундомердің көмегімен баланың тапсырманы орындауға жіберген уақытын белгілеп отыру арқылы орындау керек. Жұмыс істеу уақыты ұпаймен есептеледі, кейін олар баланың қабылддауының даму деңгейі туралы қорытынды жасауға негіз болады.