Мақта қыз бен мысық

Ерте, ерте, ертеде, Ешкі құйрығы келтеде, Мақта қыз бен мысық өмір сүріпті. Мақта қыз үстел үстін реттейді. Ыдыстарды жиыстырған кезде мейіз тауып алады.

Ақайша:Мақта қыз (Мысығын шақырады)
- Мияуым менің, қайдасың?
- Тарғылым менің, келе ғой, мен саған мейіз беремін (мысық келмейді)
- Келмесең, келмей –ақ қой, өз обалың өзіңе,

Автор:- деп (мейізді қыз жеп қояды)
Осы кезде үй артынан «мяу» деген дыбыс шығады.
Мақта қыз ыңылдап ән салады, мысық шығады.
Мақта қыз:
Ақайша:Мысығым-ау, мысығым,
Тарғылы жақсы түсінің.
Таңертең де, кеште де,
Бетін жуған пысығым.
Піш - піш десем, келе ғой,
Айтқаныма көне ғой.
Шақырғанда піш-піш деп,
«Мяу! -деп дыбыс бере ғой.
Автор: Сол кезде мысық шығып Мақта қызға өлең айтып береді.
Мадияр:Мысық:
Менің атым мысық,
Екі көзім қысық.
Тышқан аулап отырамын
Сүт-көжемді ішіп –дейді
Автор:Мысық: Мақта қыз, сен мені неге шақырдың?
Ақайша:Мақта қыз: Айтпаймын!
Мадияр:Мысық: Ендеше, мен сенің қатығыңды төгемін.
Ақайша:Мақта қыз: Ой,ой. Сен не істедің? Сол үшін мен сенің құйрығыңды кесіп аламын! (құйрығын кесіп алады)
Мадияр: Мысық: Берші, құйрығымды!
Ақайша:Мақта қыз: Бермеймін! Қатығымды қайтарып бер!

Автор:Сөйтіп, мысық сиырға келеді.
Қыдырқожа:Менің атым сиыр,
Өрісім алыс қиыр.
Етім үшін, сүтім үшін,
Адамдар маған үйір - дейді.
Мадияр:Мысық: Мяу, сиыр, сиыр, сен маған қатық берші!
Қыдырқожа:Сиыр: Сен маған жапырақ әкел, менің қарным ашып тұр.
Сөйтіп, мысық ағашқа барады.
Серібек:Ағаш:
Мен жасыл ағашпын,
Күтсеңдер гүл ашам,
Жолыңа нұр шашам,
Жапырағым азық,
Бұтағым қазық.
Саяма сағаларсың,
Салқындап дем аларсың.
Мадияр:Мысық: Ағаш, ағаш, маған жапырақ берші!
Серібек Ағаш: Маған су әкеліп бер мен шөлдедім, мен саған жапырақ беремін.
Автор:Сөйтіп, мысық су іздеп келе жатса, алдынан су тасып жүрген қыздар шығады.
Қыздар:
Су - тіршілік негізі,
Онсыз өмір сүрмейсің.
Тазалықтың негізі,
Су деп және білгейсің

Автор:–деп әндетіп жүреді.
Мадияр:Мысық: Мяу, қыздар маған су беріңдерші.
Қыздар: Сен бізге дүкеннен сағыз әкеліп бер.

Автор:Сөйтіп, мысық дүкеншіге келеді.
Мадияр:Мысық: Мяу, дүкенші, дүкенші маған сағыз берші.
Асар:Дүкенші: Маған жұмыртқа әкеліп бер, мен саған сағыз берем.
Автор:Мысық әбден шаршады жұмыртқа іздеп тауыққа барады.
Нұртас:Тауық:
Мен ақ тауықпын,
Өзім қақсауықпын.
Күніне бір жұмыртқа табам,
Осыған жетеді шамам - деп әндетеді.
Мадияр:Мысық: Мяу, тауық, тауық маған жұмыртқа берші.
Нұртас: Тауық: Сен менің балапандарыма дән әкеліп бер, біз ашпыз.
Автор:Мысық ойға батып, басын ұстап не істерін білмей отырып қалады.
Осы кезде бір тышқан жүгіріп шығып, інді қаза бастайды.
Ақнұр:Тышқан:
Мен тышқанмын,
Өзім дән екпеймін.
Егістен ұзап кетпеймін,
Айналам толы ән,
Қоймам толы дән,
Дәнді тастап кетпеймін

Автор:- деп ән салып жүрген тышқанды мысық бас салып ұстап алады.
Мадияр:Мысық: - Айт, үйіңде не бар? Жаныңның барында айт, тез, әйтпесе, қазір жеп қоямын.
Ақнұр:Тышқан: Сен маған бір ән айтып бер.
Автор:Мысық: Мақта қызбен қосылып « Қошақаным» әнін айтып береді.
Автор:Тышқан мысыққа рахмет айтып, бір қап тары береді, мысық дәнді тауыққа береді, тауық жұмырқасын береді, мысық жұмыртқаны дүкеншіге береді, дүкенші мысыққа сағыз береді, сағызды
мысық қыздарға береді, қуанған қыздар мысыққа су береді, суды мысық ағашқа құяды, шөлі қанған ағаш мысыққа жапырақ береді. Жапырақты мысық сиырға береді,
сиыр оған қатық береді, қатықты мысық Мақта қызға берді.
Мадияр:Мысық: Мақта қыз, қатығың міне мен енді бұзық болмаймын, айтқаныңды тыңдаймын,

Автор:- деп қатықты қызға берді.

Сөйтіп Мақта қыз қатығын ,мысық құйрығын қайтарып алып, екеуі тату-тәтті өмірсүрген екен.

А.Өтепбергенов атындағы орта мектеп

Е

Орындаған: А.Нурбосинова

2018-2019 оқу жылы