"Ертегі арқылы баланың қиялын дамыту"

«Күнделікті балаңызға көңіл бөліп,ертегі оқып беріңіз»

Отбасы - өмірді кемеліне келтіреді, бақыт әкеледі. Фольклордың қара сөзбен айтылатын, ерекше мол түрінің бірі — ертегі. Ол халықтың ауызша айтатын көркем әңгімесі.Осы ауызша әңгімелері, ертегілері арқылы еңбекші халық бақыт туралы, еркін өмір, жайлы мекен туралы үміт, армандарын баяндайды. Ертегіде баяндалатын сан алуан қызық уақиғалар шындықтан гөрі, көбіне қиял дүниесі тудырған. Ғажайып хал, қиял әңгімелері, орасан уақиғалы қазақ әңгімелері, салтпен, тарихпен байланысты оқшау әңгімелер — бәрі де ертегінің түрлері. "Ертегі" деген ат ертеде, ерте күндегі деген сөздерден туған. Кейде "ертек" деп те айтылады. Содан ертегі айтушыны "ертегіші", "ертекші" дейді. Осы аты көп ертегінің басында әдейі айтылып, аумай аталып та отырады. Қазақ ертекшісінің де көптен-көп ертегісін: "ертеде бір бай бопты", "ертеде бір хан бопты", "ертеде бір кемпір мен шал бопты" деп бастайды. Немесе "ертек-ертек ерте екен" деген сияқты көп ертектерге ортақ, ерекше өлеңше бастаумен келеді. Отбасы – адам өмірінің тамаша жақтары жүзеге асатын, адамның ең басты шаттығы болып саналатын, баланың өсіп, өмір сүретін орны. Екі адамның некелесуі толық отбасын құрамайды. Дүниеге шыр етіп нәресте келгенде ғана отбасы толық отбасы болып саналады. Қазіргі таңда ата – ананың бірінші мақсаты – қаражат табу, балаларын еш нәрседен мұқтаж етпеу болып қалды. Бала–шағаның қамымен жүрген ата-ана бала тәрбиесіне де көңіл бөле алмай қалды. Ал бала тәрбиесі отбасынан басталады, қалыптасады. «Балапан ұяда не көрсе, ұшқанда соны іледі» демекші жақсы – жаман әдеттерді бала отбасында үйренеді. Отбасындағы кикілжің-ұрыстар баланың психикасына әсер етеді. Баланың мейірімді, еңбекқор, әдепті болып өсуі – отбасында жайлы, жақсы климаттың болуы. Баламыз өмірден өз орнын тауып, бақытты өмір сүрсін десек, бала тәрбиесіне көңіл бөлуді ешқашан естен шығармайық.

Ата-ананың міндеті:

1. Балаңыздың топ жетекшісімен тығыз байланыста болуы;

2. Баланың оқуына көмек көрсету;

3. Оқу орынындағы ата-аналар жиналысына қатысу;

4. Топтың ата-аналар комитетінің төрайымымен байланыста болу;

5. Балаңыздың оқу орнындағы жағдайын жасау барысында өз еркіңізбен оқу-тәрбие іс-шараларына қаржылық көмек көрсету;

6. Оқу орнындағы ашық есік күні балаңыздың сабағына қатысу;

Ата-аналар балаға көңіл бөлуі тиіс оларға ұлттық,адамгершілік, адалдық,парасаттылық тәрбиесін беру қажет. «Үлкенге құрмет,кішіге ізет» білдіре білуі тиіс. Мысалғы тәрбиені ертегі оқып беру арқылыда беруге болады.Ертегілердің өзі Салт ертегілері;қиял-ғажайып ертегілері;хайуанаттар;шыншыл ертегілері болып бөлінеді.Ертегілер балалардың киялын және де логикалық ойлауын дамытуға үлкен үлес қосады.