Ертегілер бойынша сабақтан тыс шара Мектепалды даярлық сыныбы «Қарлығаш пен дәуіт» ертегісі

Ертегілер бойынша сабақтан тыс шара

Мектепалды даярлық сыныбы

«Қарлығаш пен дәуіт» ертегісі

Мақсаты: Балаларға ертегіні тыңдата отырып, қарлығаш адамға дос құс екенін, дәуіттің адалдығын балаларға түсіндіру.Балаларды достарына, құстарға қамқор болуға, бір- біріне мейірімді болуға тәрбиелеу.

Міндеттері:

Білімділік: балаларды ертегіні түсініп, мазмұнын мәнерлі айтуға, сөйлеуге, әңгімелей білуге үйрету.
Дамытушылық: балаларды ертегі желісі арқылы адамгершілікке баулу.
Тәрбиелік: достарына көмектесуге, сый-құрмет көрсетіп және достарына қамқор болуға тәрбиелеу;

-Балалар бүгінгі оқу қызметімізге келген қонақтармен сәлемдесейік үш тілде амандасу

Жарайсыңдар, балалар ал енді мен сендерге жұмбақ жасырамын сендер шешуін тауып көріндерші

Жұмбақ жасыру:

Қонып алып жарға,қарқылдайды... (Қарға)

Өзі жасыл,әрі батыр ,ол не? (Дәуіт)

Өзі қара ,бауыры ақ,ол не? (Қарлығаш)

Өте жақсы балалар!

- Балалар, қарлығаштың шырылдаған дауысы естіледі ғой. Енді бәріміз үн таспадан «Қарлығаш пен дәуіт» ертегісін тамашалайық.
Бір қарлығаш жардың қуысына ұя салып, өмір сүріпті. Қанаттары қатпаған балаландары анасы азық әкелуге кеткенде, шыдамсыздана күтумен болады екен. Бір күні балапандарды жеуге қарлығаштың ұясына жауыз жылан өрмелеп шығып бара жатады. Мұны көрген қарлығаш аспан мен жерді шарлап, шыр - шыр етіп, балапандарына арашашы іздейді. Көкектен көмек сұрай барса:
- Бүркіт қонаққа шақырып еді, соған барғалы жатырмын, уақытым жоқ, - дейді көкек. Одан шығып, қарғаға барса:
- Үйленгелі жатқанымда мазамды алма, - дейді. Қарлығаштың амалы таусылып, шырылдап ұшып келе жатады. Бір кезде дәуітті көреді. Дәуіт қарлығаштың шыр - шыр еткен даусын естіп:
- Достым, неге зарлайсың? – деп сұрайды. Қарлығаш сонда:
- Жауыз жылан балапандарымды жұтпақшы болып, ұяма өрмелеп жетіп қалды. Соған не істерімді білмей жүрмін, - деп, қарлығаш көзінің жасын төгіп - төгіп жібереді.
- Олай болса, мені жеткіз тезірек, - дейді дәуіт. Қарлығаш қанатын тосады. Олар көзді ашып - жұмғанша қарлығаштың ұясына жетеді. Жылан ұяға тақап қалған екен. Дәуіт пен қарлығаш енді бір сәт кешіксе, балапандарды қылғып сап, жұмсақ ұяда масайрап ұйықтамақшы екен.
Дәуіт аяғымен шаба тырнап, жыланның екі көзін ағызып жібереді. Жауыз жылан сылқ етіп жерге құлап түседі де мерт болады. Дәуіттің ерлігіне сүйсінген қарлығаш онымен айнымас дос болыпты. Содан бері талай заман өтсе де, екеуі бір ұяда тұрып, бірге өмір сүреді екен.

Тәрбиеші: - Балалар, ертегіде Қарлығаш өз балапандарын қалай құтқарды? 

Тәрбиеші: - Дұрыс айтасыңдар. Қарлығаш өз балапандарын Дәуіттің көмегімен аман алып қалды. Енді Қарлығаш пен Дәуіт нағыз достар. Бізде дәуіт сияқты достарымызға көмектесуіміз керек. Достарымыз қиналған кезде қамқор болып, көмек беруіміз керек.

Сонда біз нағыз дос боламыз.Бір-бірімізді сыйлаймыз,бір-бірімізге мейірімді болайық.

-Бүгінгі оқу іс-әрекетімізді қорытындылау мақсатында үстел үстіндегі тапсырмаларды орындап,топтастырып шығайық.

Ал, енді балалар, бәріміз қарлығаштың бейнесін түрлі–түсті қағаздан жапсырып үйренейік.

Ал енді балалар осы ертегі бойынша мақал- мателдер айтып көрейікші.

Мақал-мәтел айту.

1. Досы көпті жау алмайды,

Ақылы көпті дау алмайды.

2. Жақсы дос- жанға серік,

Жаман дос- малға серік.

Осымен бүгінгі оқу іс-әрекетіміз аяқталды. Өз жұмысымызды бағалап қорытайық.