«Ертегілер еліндегі қызықты математика»

Іс-әрекет кезеңдері

Педагогтің іс-әрекеті

Балалардың іс-әрекеті

Мотивациялық- қозғаушылық

Ұйымдастырушы-ізденістік

Рефлексиялық - түзетушілік

• Балалар, бүгін бізде ерекше күн. Ашық оқу іс-көрсетілімі болады. Бізге көп қонақтар келді. Олай болса, шаттық шеңберін жасап, қонақтармен амандасып алайық.

• Бүгін сендермен өтілетін ашық оқу іс-әрекетіміздің тақырыбы: «Ертегілер еліндегі қызықты математика» деп аталады.

• Балалар, біз математика оқу іс-әрекетінде не үйренеміз?

• Ал онда маған 1- 10 дейін үш тілде санап беріңдерші.

• Балалар, біз бүгінге дейін қай цифрмен таныстық ?

Ойын : «Кім тапқыр ?» текшені лақтырып сандарды айту.

• Балалар, сендер ертегі жақсы көресіңдер ме, қандай ертегілерді білесіңдер ?

• Балалар, қараңдаршы біздің ойын бұрышымызда мысық отыр. Ол мұнда не істеп жатыр? Балалар, қараңдаршы оның құйрығы жоқ екен. Ол қай ертегіден болды?

• Келе ғой мысығым сені кім ренжітті ? Енді не істесек екен ? Балалар , мысық Мақта қызбен ренжісіп қалыпты, сендерді қалай достастырамыз? Балалар менде бір ой бар, біз осы ертегіні сахналап берейік, Мақта қыз бен мысықты татуластырып көрейік. Ал, онда рөлдерді бөлісіп алайық.

Сахна ашылады.

• Ерте, ерте, ерте де , ешкі жүні келтеде, Мақта қыз бен мысық болыпты. Олар өте тату-тәтті өмір сүріпті. Бір күні Мақта қыз үй жинап жүріп, мейіз тауып алыпты. Содан мысығын шақырыпты.

• Мысығым-ау, мысығым,

Тарғылы жақсы түсінің.

Таңеретең де, кеште де

Бетін жуған пысығым.

Піш- піш десем келе ғой,

Айтқаныма көне ғой.

Шақырғанда піш-піш деп,

«Мяу» деп дыбыс бере ғой.

• Мяуым менің қайдасың? Тарғылым менің келе ғой. Мен саған мейіз беремін. (Мақта қыз жан- жағына қарап мысықты іздейді) ашуланады.

• Келмесең қой, өз обалың өзіңе.

Қыз мейізді жеп қояды. Бір кезде асықпай басып мысық келеді.

• Менің атым мысық,

Екі көзім қысық.

Тышқан аулап отырамын,

Сүт-көжемді ішіп.

• Мақта қыз сен мені неге шақырдың ?

• Айтпаймын

• Ендеше мен сенің қатығыңды төгемін.

• Сол үшін мен сенің құйрығыңды кесіп аламын.

• Берші құйрығымды.

• Қатығымды қайтарып бер.

Сиырға барады.

• Менің атым сиыр

Өрісім алыс қиыр.

Етім үшін, сүтім үшін

Адамдар маған үйір.

• Сиыр, сиыр маған қатық берші?

• Менің қарным ашып тұр, маған жапырақ әкеліп бер.

Ағашқа барады.

• Мен жасыл ағашпын,

Күтсеңдер гүл ашам.

Жолыңа нұр шашам.

Жапырағым азық,

Бұтағым қазық.

Саяма сағаларсың

Салқындап дем аларсың.

• Ағаш, ағаш маған жапырақ берші ?

• Мені көп болды, ешкім суармады, шөлдеп тұрмын, су әкеліп берші.

Су әкеле жатқан қыздарға барады.

• Су тіршілік негізі,

Онсыз өмір сүрмейсің.

Тазалықтың негізі.

Су деп және білгейсің

• Маған суларыңнан беріңдерші

• Сен бізге сағыз әкеліп бер, біз саған су береміз.

Дүкенге барады.

• Дүкенші, дүкенші маған сағыз беріңізші

• Сен маған тауықтың жұмыртқасын әкеліп берсең мен саған сағыз беремін.

Мысық әбден шаршайды, тауыққа барады.

• Мен ақ тауықпын,

Өзім қақсауықпын.

Күніне бір жұмыртқа табам,

Осыған жетеді шамам.

• Мяу, тауық,тауық маған жұмыртқа берші

• Біздің қарнымыз ашты, сен бізге дән әкеліп бер.

Мысық ойға батып, басын ұстап, не істерін білмей отырып қалады. Ол ін қазып жатқан тышқанды көріп қалады.

• Мен тышқанмын,

Өзім дән екпеймін.

Егістен ұзап кетпеймін,

Айналам толы дән

Қоймам толы дән.

Дәнді тастап кетпеймін.

• Мысық, неге жылап отырсың ?

• Тауық маған жұмыртқа бермей жатыр, дән әкеліп берсең беремін, дейді, - деп жылайды.

• Олай болса мен саған көмектесемін, бірақ сен менің шартымды орындайсың.

• Жарайды шартыңды айт.

• Мен ойнағанды өте жақсы көремін, менімен ойнашы.

• Балалар, енді мысыққа көмектесейік, «Мысық пен тышқан» ойынын ойнайық.

• Жарайсыңдар көңілімді көтердіңдер, рахмет, мен саған дән әкеліп берейін.

• Рахмет саған тышқан, сау бол !

• Тауық міне ала ғой дәніңді, маған жұмыртқа бер.

• Менің шартым бар, жүгері дәнімен күн жасап беріңдер.

Балапандар биі.

Дүкенші. Тапсырма: 1ден -5ке дейін тұра және кері санау, сандар туралы тақпақтар айту.

Қыздар. Тапсырма: санамақтар, мақал-мәтелдер айту.

Ағаш. Тапсырма: түстерді ажырату, текшемен ойын, пішіндерді атау, түсін айту

Сиыр. Тапсырма: дидактикалық ойын: «Сүт тағамдарын ажырат»

Сиыр қатық береді.

• Мақта қыз қатығыңды ал, құйрығымды қайтар.

• Көрдің бе тарғылым, мейіз жей ғой деп шақырғанға келе қоймадың, айтқан тілді алмадың, құйрығыңнан айрылдың, қаншама әуереге түстің. Дұрыс болды ма осының ?

• Қателігімді мойындаймын . айтқаныңды екетпей орындаймын. Кешірші мяу-у-у. Тек екеуіміз бұрыңғыдай дос болайық.

Мысық досының сөзіне риза болған, Мақта қыз оның құйрығын қайтарып берді. Сол күннен бастап Мақта қыз бен мысық ешқашан ұрыспай, тату-тәтті өмір сүріпті.

Шымылдық жабылады.

• Балалар , ертегі ұнады ма? Үй жануарларының бізге тигізетін пайдасы қандай ? Үй жануарларына қамқор болыңдар, олармен дос болыңдар.

Сұрақ-жауап арқылы оқу іс-әрекетті қорытындылау. Балаларды мақтау қағазбен марапаттау.

Амандасу үлкенге,

Тәрбиенің басы ғой.

Ал қанеки бәріміз,

Сәлем дейік үлкенге.

Сәлеметсіздер ме қонақтар !

Балалардың жауаптары.

Балалар санайды.

5 ке дейін

Маша мен Аю, Шалқан, Бауырсақ т.б.

«Мақта қыз бен мысық» ертегісінен

Бекзатова Жасмина

Еркинова Диана

Темірбаев Нұрсұлтан

Әлмахан Жасұлан

Азатилла Мадина,

Пернебай Камшат

Исраилова Динара

Тасполат Кәусар

Балалар жасайды.

Мақта қыз бен мысық құшақтасады.