"Ертегілер еліне саяхат"

Тақырыбы:

: Менің оқу құралдарым. О дыбысы мен əрпі

Күні:17.10.2018

Педагогтың аты-жөні: Д.Т.Исаева

Даярлық сынып: О "Б"

Қатысқандар саны

Қатыспағандардың саны

ҰОҚ-ның

оқытылу мақсаттары

0.1.1.2. Сөзді буынға бөлу, сөздегі буын санын жəне орналасу ретін анықтау.

0.1.2.1. Сөз бен сөйлемді ажыратып, сөздің, сөйлемнің мағынасын түсіну.

0.1.2.2. Педагогтің сұрақтарына толық, анық жауап қайтару.

0.3.3.1. Жазу жолын, жоларалық кеңістікті, жолдың жоғарғы жəне төменгі сызығын сақтап, əріп элементтерін жазу.

Күтілетін нəтиже

 Барлық тəрбиеленушілер: Педагог сұрақтарына жауап береді. Суреттегі сөздердің атауын айтып, сөздерді буынға бөледі. О дыбысы – дауысты дыбыс, жуан дауысты. О дыбысының айтылуын дұрыс дыбыстайды.

Суреттегі заттардың аттарын атай алады, сөздегі О дыбысының орнын ажыратады. О дыбысының баспа түрін жазады.

Көпшілік тəрбиеленушілер: Тапсырмада берілген суретке қарап сөздегі дыбыстарды ажыратады. Сөздегі дыбыс санын, ондағы О дыбысының орнын ажыратады. О дыбысына сөз ойлайды. О дыбысына (дауысты, жуан дауысты) сөз құрайды. Жазу жолына О дыбысының баспа түрін жазады.

Кейбір тəрбиеленушілер: Өзіне таныс тақырып аясында диалогке қатысады. Сөз/сөйлем сызбасын оқиды. О дыбысын қатыстырып, сөйлем құрастырады.

Тілдік мақсат

Негізгі терминдермен сөз тіркестері: Глобус ҰОҚ-дағы тапсырмалар мен диалогтерде қолданылатын тіл: Пікір алмасу сұрақтары. Суреттегі оқу құралдарын ата! Қай заттар сөмкеге салынбай қалды? «О-о-о! Рақмет, балалар!» бұл кімнің сөзі деп ойлайсыңдар? Қай қарындаш түсінде О дыбыс естіледі? Оқушы қалай отыр? Қай сөздерден О дыбысын естідің?

Өткен ҰОҚ-дан алған білім

Сөз бен сөйлемді ажыратады. Дауыссыз, дауысты əріптерден сөз құрайды. Əңгіме құрастырады.

Жоспар

Жоспарланған уақыт

Жоспарланған іс-әрекет

Ресурстар

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

Педагог балаларды ортаға тұрғызып оқу қызметіне ынталарын тартады.

Оң қолымда – бес саусақ, Сол қолымда – бес саусақ. Күнге қарап қуанып, Нұрлы шуақ аламыз.

Өлеңді балалар шаттық шеңберіне тұрып қимылмен қайталайды.

(Ұ)Педагог «ОО-о-о қандай керемет ауа райы!» – деп таңғалған дауыспен балалардың назарын өзіне аударады. Балаларға қазіргі жыл мезгілі туралы сұрақ қояды. Балалар жыл мезгілі тұралы өз ойларын айтады.

III. ҰОҚ-нің

тақырыбы

бойынша жұмыс

6–25 минут

(Ұ,Ө) Əліппе-дəптермен жұмыс.

1-тапсырма

Балалар суреттегі заттарды атайды. Асқарға көмектесу үшін оқу құралдарын тауып аттарын атайды.

Педагог ортада тұрған портфельге назар аударып, дыбыстап айтады.

Ортада оқушы портфелін қойып қою.

Балалар педагог сөзін қайталайды.

Сөйлемдегі əр сөздегі О дыбысы естілген буынын көтеріп айтады.

– Қай заттар сөмкеге салынбай қалды?

Суреттегі заттардың атауларын атайды. Оларды атау кезінде О дыбысы қай сөздерде кездесіп тұрғанын табады.

Қарындаштың түстерін атайды.

Қоңыр сөзін буынға бөледі.

2-тапсырма

– Оқушы қалай отыр?

Педагог өлеңді дауыстап оқып береді.

Орындыққа отырып,

Оқулықты оқылық. (Е. Ашықбаев)

Педагог балаларға орындықта қалай отыру керектігін түсіндіреді.

Орындық, отырып, оқулық, оқылық сөздерін

Əліппе-дəптер.

Портфель.

Түрлі түсті қарындаштар. Орындықта дұрыс отырған баланың сурет

буынға бөліп дыбыстық талдау жасайды.

О –дауыссыз, жуан дыбыс.

(Ұ) Сергіту сəті

Шеңбер болып тұрайық.

Керегені құрайық.

О дыбысына ұқсайық.

Уық болып иіліп,

Шаңыраққа киіліп

Киіз үй болып тұрайық!

Балалар қимыл жасап өлең жолдарын 2-3 рет қайталайды.

3тапсырма. О əрпімен танысады.Педагог о дыбысының суретін көрсетіп неге ұқсайтынын сұрайды. Балалар өз ойларын айтады.М. Əлімбаевтің өлеңін оқып береді.Ұста мен зергердің атқаратын қызметі туралы педагог əңгімелеп береді.

Балалар саусақтарының ұшын біріктіріп о əрпін жасайды.

4-тапсырма. Суреттегі заттарды атайды.Суреттегі заттардың о əрпіне ұқсайтын бөліктерін тауып атайды. Педагог балаларға ағаш бөшке мен мəшине рулі жəне мəшине дөңгелектері не үшін керек екені туралы мəлімет береді.Балалар əліппедəптердегі О əрпін жазады.

О –жуан дауысты дыбыс. Дауысты дыбыстар қызыл дөңгелекпен белгіленеді. Педагог балаларға О дыбысының айтылуын үйретеді

Əліппе-дəптер.

Портфель.

Орындықта дұрыс отырған баланың суреті.

Түрлі түсті қарындаштар.

IV. ҰОҚ

қорытындылау.

Рефлексия.26–30 минут

Педагог балалардың белсенділігін талқылап оқу қызметін қорытындылайды. (Ұ,Ө) Рефлексия. Балалар өз жұмыстарын смайликтер арқылы бағалайды.

Смайликтер

Тақырыбы:

Біз спортпен айналысып, тез өсеміз

Күні:

Педагогтың аты-жөні:Д.Т.Исаева

Даярлық сыны: О "Б"

Қатысқандар саны

Қатыспағандардың саны

ҰОҚ-ның

оқытылу мақсаттары

0.1.2.1. Организмнің шынығуы мен төзімділігін нығайту үшін түрлі жүктемелерді біртіндеп арттыра отырып дене жаттығуларын орындау.

0.2.1.2. Жүру мен жүгірудің негізгі түрлерін орындау, оларды кезек алмастыру, қарапайым дене жаттығуларымен ұштастыру

0.2.1.4. Секірудің әртүрлі түрлерін орындау, тепе-теңдікті сақтай отырып өзгермелі жағдайларда секіру.

0.2.2.1. Дене қуаты қасиеттерін көрсету: әртүрлі дене әрекеті түріндегі ептілік, жылдамдық пен реакция.

Күтілетін нəтиже

Барлық балалар орындай алады: Қозғалыс кезінде екіден, бірден тізбекке тұру. Бір-бірінің артына, қатарынан тізіліп, жұптасып тізбекке тұру. Аяқты артқа қарай тізеден бүгіп, тізені жоғары көтеру. Қозғалыс кеңістігінде жұппен қауіпсіз жұмыс жүргізу. Зал кеңістігінде бағдар таба білу. Орындықта/бөренеде еңбектеу.

Балалардың көпшілігі орындай алады: Малдас құрып отырып бастан асырып доп беру. Жүгіріп келіп баланың жоғары көтерілген қолынан 25 см биіктікке ілінген затқа (таспа) секіріп қол тигізу. Кейбір балалар орындай алады: Допты қағып ала алады, баяу жүгіру, жалпы дамытушы жаттығулар орындау, жұп болып тұрып қос аяқтап секіру, зал, кеңістікті бағдарлай алады. Күш-жігерін саралап, допты әріптесінің қолына туралап лақтыру. Жүгіріп келіп секіргенде қолдың серпу қимылы мен аяқ серпілісінің күшін үйлестіру. Тапсырма орындау кезінде дене мен нысананы бақылау

Тілдік мақсат

Балалар спорт түрлері туралы білімін жалпылайды, жаттығу түріндегі тапсырмаларын орындау арқылы денені, нысананы және кеңістікті бақылай алатынын көрсетеді; спорт түрлерін ағылшын тілінде атайды. Пәндік лексика және терминология: Жаттығу, жүру, екіден, бірден тізбекке тұру, кеуде тұстан қабылдау, жүгіріп келіп секіру, ағылшын тілінде спорт түрлері. Талқылауға арналған сұрақтар: Сендерге спорттың қай түрі көбірек ұнайды? Жаттығуларды орындау кезінде тәуекелдіктерді қалай азайтуға болады? Баскетболда қандай мақсатта секіру орындалады? Сендер спорттың қай түрімен шұғылданғыларың келеді? Спортшыларға қандай пайдалы әдеттер чемпион болуға көмектеседі?

Неге екенін айта саласыңдар ма? Спорттың әрбір түріндегі жаттығуларда не ортақ екенін айта аласыңдар ма? Спортшыларға жаттығулар не үшін қажет екенін айта аласыңдар ма?

Өткен ҰОҚ-дан алған білім

. Екі тобық арасына допты қысып жүру. Білек пен табанға сүйеніп баспен допты итере отырып төрттағандап еңбектеу. «Малдас» құрып отырып бастан асырып бір-біріне доп лақтыру

Жоспар

Жоспарланған уақыт

Жоспарланған іс-әрекет

Ресурстар

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(Ұ, ПК ) Балаларға спорт түрлері туралы жұмбақ шешу, өздерін спортшы ретінде елестету ұсынылады. «Жеңіл атлетика» Аяқ ұшымен аяқты айқастырып, қолды әртүрлі қалыпта ұстап, гимнастикалық адыммен жүру, жүгіру – тізені жоғары көтере отырып аяқты артқа қарай тізеден қатты бүгу; әрбір қозғалыс түріне сәйкес қол қимылдарын жасауға назар аударылады.

тыныс алу жаттығулары «Біз спортпен айналысып, тез өсеміз», – аяқтың ұшына көтеріліп, қолды жоғары көтеріп – демді ішке тарту. «Күн сайын биік боламыз» – қолды төмен түсіріп, табанмен толық тұру – демді сыртқа шығару.

III. ҰОҚ-нің

тақырыбы

бойынша жұмыс

6–25 минут

(Ж) «Волейбол» Жұппен жалпы даму жаттығулары. Жұптасып екі қатар тізбекке тұру кезіндегі арақашықтықты бақылайды. (Ж) 3 метр қашықтықтан бір-біріне екі қолмен «кеуде» тұсынан доп лақтыру. Допты лақтыру күшін саралап, әріптесінің қолына туралап доп лақтыруға назар аударады. Нұсқау – екі шынтақты қыса ұстап алға-артқа-төмен бағыт бойынша доп лақтыру.

(Ұ, Ж) «қазақша күрес» сайысы Гимнастикалық орындықта ішпен еңбектеу. Нұсқау – қозғалыстарды біртіндеп ретімен орындау, бойды еркін тік жазып, қолды бүге орындық жақтауларынан ұстау, бас бармақ орындық жақтауының үстіңгі жағында, қалған саусақтар төменгі жағында болады.

(Ұ, Ж) «Баскетбол» Баланың жоғары көтерілген қолынан 30 см биіктікке ілінген затқа (таспа) жүгіріп келіп секіріп қол тигізу. Нұсқау – қолды сермеу қимылы мен аяқты серпу күшін үйлестіру. Көрсету кезінде тым алыстан емес және таспаға жүгіріп келмей аяқты тиісті жерде серпуге назар аударылады. Қауіпсіздік техникасы: таспаға тек қол ұшын тигізу, іс-әрекетті саптан бір баладан ғана орындау.

Жұппен екі қатар тізбекке тұру сызбасы.

Доп салатын себеттер.

Топтың жартысына жететін доп.

Гимнастикалық орындықтар

Керілген жіп.

Әрбір топқа қарсы түрлі түсті таспалар, баланың жоғары көтерілген қолынан 30 см биіктікке ілінеді

IV. ҰОҚ

қорытындылау.

Рефлексия.26–30 минут

«Осындай қимыл-қозғалыс!» жаттығуы Балаларға өзін таңдаған спорт түрінен чемпион ретінде елестету ұсынылады.

Тақырыбы:

Әдемі Көбелек(мозаика техникасында заттық аппликация)

Күні:

Педагогтың аты-жөні:Д.Т.Исаева

Даярлық сыны: О "Б"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.1.3. Елестету арқылы геометриялық пішіндер негізінде бірнеше бөліктен тұратын заттардың жапсырмасын құрастыру, бөлшектерді жапсыру бірізділігін дұрыс қолдана отырып, тұтас ойыншық бейнелерін жасау немесе қисық жыртып алынған қағаздан жұмсақ ойыншық бейнелерін құрастыру. 0.2.1.3. Табиғи және қолдан жасалған екіге бүктелген, қатпарлап бүктелген қағаздардан түрлі симметриялық пішіндерді қиып алу. 0.2.2.4. Жұмыс барысында жұмыс орнын, құралдарын ретке келтіру.

Күтілетін нəтиже

Барлық тәрбиеленушілер: -геометриялық фигуралар негізінде бірнеше бөліктерден жапсырмалар құрастыра алады; -екіге бүктелген, қатпарланып бүктелген қағаздан симметриялы пішіндерді қия алады. жұмыс барысында жұмыс орнын, құралдарын ретке келтіре алады. Көптеген тәрбиеленушілер: -бөлшектерді жапсыру кезектілігін дұрыс пайдалана алады; -жапсырмада бейнелілік құралы ретінде түсті пайдалана алады. Кейбір тәрбиеленушілер: -таныс техникаларды өз бетімен үйлесімді ете алады; -композиция заңдарын қолдана алады.

Тілдік мақсат

дағдыларды дамыту: -жапсырма жасау бойынша ойлар ұсыну; -жұмыс әдістері мен кезектілігі туралы айту; -сұрақтарға жауап беру, бұрын меңгерілген біліктерді еске түсіру; -қазақ, ағылшын тілдерінде таныс сөздерді есту арқылы тану; -бейнелеу материалдарын мақсаттарды іске асыру үшін пайдалану нұсқаларын талқылау; -шығармашылық процесі барысында мүмкіндіктер аясын талқылау; -өзінің және өзгелердің жұмыстарын түсіндіру. Көптілділік: көбелек – бабочка – butterfly. негізгі терминдер мен сөз тіркестері: -мозаика, көбелек, қағаз жолақтары, қию, жұмыс орны. талқылауға арналған сұрақтар: Мозаика дегеніміз не? Қандай геометриялық фигуралардан мозаика құруға болады?

Қағазды қандай тәсілмен қиюға болады? Желімді қалай дұрыс пайдаланады? Мозаика техникасында жасалған суреттер қай жерде кездеседі? Бізге қандай түстер қажет болады?

Өткен ҰОҚ-дан алған білім

Қазақстанның жануарлар әлемі туралы ұғым. Балалардың заттың құрылымы туралы білімі. Қайшыны пайдалану білігі: жолақтарды тіктөртбұрыш етіп қию; шаршыларды үшбұрыш етіп қию; шаршы мен тіктөртбұрыштың бұрыштарын қиып тастап, дөңгелек және сопақша пішіндерді қию.

Жоспар

Жоспарланған уақыт

Жоспарланған іс-әрекет

Ресурстар

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(ұ) ұОқ-де оң көңіл күй орнату. Аспанда күн жарқырайды! (Балалар қолдарын жоғары созып, тік тұрады.) Алтын сәуле шашырайды. (Алақандарын жоғары қаратып, қолдарын алға қарай созады.) Қолымды алақаныңа салайын, (Жұптарға бөлініп, бір­біріне қолдарын созады.) Сенімен бірге шыр айналайын. (Жұптасып айналады.)

Екеуміз бірге шалғынға барамыз, (Бір­бірімен қол ұстасып, тізбектеліп тұрады.) Ол жерде шеңберге тұрамыз. (Шеңбер құрып тұрады). Шыр айналып, ән айтамыз, Күнмен бірге айналамыз. (Айналып жүреді.) Қуана шапалақтаймыз, (Шапалақтайды.) Жылдам-жылдам адымдаймыз. (Жылдам жүреді.) Күн батты, демалуға кетті. (Отырып, қолдарымен басын жабады, одан кейін қолдарын бір жақ бетінің астына салады.) Біз ораламыз, орнымызға жайғасамыз. (Ақырын орындарына барып отырады).

Музыкалық сүйемелдеу

Тақтада ребус (флипчарт, слайд) бейнеленген

III. ҰОҚ-нің

тақырыбы

бойынша жұмыс

6–25 минут

(ұ) Көбелек туралы жұмбақ жасырады. Ұстасаң үгітіліп жоғалады, Дамылдап отырмайды ешбір жайда. (Көбелек) Бүгін біз қандай жұмысты орындаймыз? Көбелек жасаймыз. Педагог балаларды алдағы жұмысқа жұмылдырады. Педагог балалар жұмыс үстелінің дайындығын тексеруді ұсынады (ұ) Әліппе-альбомдағы иллюстрациялармен жұмыс. Педагог тәрбиеленушілерді көне өнердің бір түрі – мозаикамен таныстырады. Мозаиканың айқындамасын береді. Мозаика – кішкентай шаршылардан жасалған сурет. Оны қағаздан, өсімдіктердің дәндерінен, қатырғықағаздан, пластик тығындарынан және өзге де материалдан жасауға болады. (т) Балалар көбелекті көре алады. Қанаттарының санына, бояуына назар аудартыңыз. Проблемалық сұрақ: мозаика қандай геометриялық фигуралардан жасалады және оларды қалай қиюға болады? Қағаздың қандай түстері мен реңктерін пайдаланамыз? (ұ) саусақтарға арналған жаттығу. «Көбелек» Ұйқыда жатқан гүл кенеттен оянды, Одан кейін ұйқысы оның келмеді. Жыбырлады, дірілдеді, Қанат қағып, ұша жөнелді. (Қолдарының білезігі тұсынан айқастырылады, саусақтар төменге қарай түсіріледі. Қолдарын көбелектің қанаты тәрізді қимылдатады). (Ж, ұ) Жұмыстың орындалу технологиясы. Көбелектің аппликациясын жасау барысында симметрияны қолданамыз. Жапсырмамен жұмысты бастау үшін үлгіқалыптың немесе трафареттің көмегімен педагог дайындаған негізді қиып аламыз. Қабілеті жоғары балалар қалауы бойынша көбелектің контурын өз бетімен сыза алады. Көбелекке арналған негіздің қанық түстісін алған жөн, ол мозаика элементтеріне (қызыл, жасыл, күлгін көк) қарама-қарсы болады. Одан кейін қағаздан (2–3 реңк) ені 1 см жолақтар қиямыз. Дайындалған жолақтарды ұсақ шаршылар етіп қиямыз. Жолақтарды қалай кесу керектігін қайшылардың өздері «айтады». Барлық қажетті әзірлемелерді жасаймыз. Педагог дайындалған қағаз бөліктерінің әртүрлі түстерін бөлек жинау керектігіне балалардың назарын аударады. Суреттің шағын бөлігіне желім жағамыз және алдын ала дайындалған қағаз бөліктерін желім жағылған бөлімге орналастырамыз. Жұмыс орындалғаннан кейін көбелектің мұрттарын, көздерін және т.б. салу үшін фломастерді пайдалануға болады. Педагог аппликация жұмысының барысын және талдауын қарастырғанда оның бейнелігін, өзгешелігін, айқындығын атап көрсетеді. (ұ) қауіпсіз жұмыс жасау ережелері Сабақ шеңберінде педагог баланың ірі бөлшектерді қайшының кең ашылған ашаларымен, ал ұсақ бөлшектерді ұсақ, мұқият қимылдармен қиюға болатынын біле отырып, қайшы ұстаған қолының шынтағын алға қарай созбауын, екі қолының қимылдарын қадағалауын бақылайды.

Әліппе-альбом.

Иллюстрациялық материал.

Энтомологиялық жиынтық (көбелектерден құрастырылған панно) немесе әртүрлі көбелектердің фотосуреттері.

Түрлі-түсті қағаздар, жай қарындаштар, ПВА желім, желімге арналған жаққыш, шүберек, клеенка.

IV. ҰОҚ

қорытындылау.

Рефлексия.26–30 минут

қорытындылау. Рефлексия. 26–30 минут

(ұ, ө) Рефлексиялық бағалау. Жұмыстар талданады және нәтиже қорытындыланады. Мазмұн бойынша бағалау: символикалық – бала символдардың (карточкалар, жетондар, қимылдар және басқалары) көмегімен өз әрекетін бағалайды.

Тақырыбы:

Менің айналамда кімдер бар? Менің отбасым. У дыбысы мен əрпі

Күні:

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.1.2. Сөзді буынға бөлу, сөздегі буын санын жəне орналасу ретін анықтау

0.1.3.1. Сұраққа жауап бере отырып, У дыбысы жəне əрпімен танысады.

0.2.1.1. Сөз/сөйлем сызбасын оқу

0.3.3.1. Жазу жолын, жоларалық кеңістікті, жолдың жоғарғы жəне төменгі сызығын сақтап, əріп элементтерін жазу

Күтілетін нəтиже

 Барлық тəрбиеленушілер:

Сурет бойынша сұраққа жауап береді. Сөздегі дыбыстарды, олардың түрлерін ажыратады. У дыбысы – кейде дауысты, кейде дауыссыз дыбыс. У дыбысының айтылуын дұрыс дыбыстайды. Суреттегі заттардың аттарын атай алады, сөздегі у дыбысының орнын ажыратады. У əрпінің баспа түрін жазады.

Көпшілік тəрбиеленушілер:

Берілген суретке қарап сөздегі дыбыстарды, олардың түрлерін ажыратады. Сөздегі дыбыс санын, ондағы у дыбысының орнын ажыратады. У дыбысына сөз ойлайды. У дыбысына (дауысты, жуан дауысты) сөз құрайды. Жазу жолын, жоларалық кеңістікті, жолдың жоғарғы жəне төменгі сызығын сақтап, əріп элементтерін жазады.

Кейбір тəрбиеленушілер: Сурет бойынша əңгіме құрайды, өз ойын толық жеткізеді. Сөз/сөйлем сызбасын оқиды. У дыбысын қатыстырып, сөз, сөйлем құрастырады. Негізгі терминдермен сөз тіркестері: Отбасы ҰОҚ-дағы тапсырмалар мен диалогтерде қолданылатын тіл:

Пікір алмасу сұрақтары. Отбасы мүшелерінің есімдерінен У дыбысын ізде. Бұл отбасында кім үлкен, кім кіші? Өз отбасыңда сенен кім үлкен? Таяқшаны қалай пайдаланасың?

Өткен ҰОҚ-дан алған білім

Отбасы туралы əңгімелейді. Таныс əріптерді тауып, сөз, сөйлем құрайды. Сөздерді буынға бөледі?

Жоспар

Жоспарланған уақыт

Жоспарланған іс-әрекет

Ресурстар

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

Педагог балаларды шаттық шеңберіне тұрғызады. – Кəне, балалар барлығымыз отбасымызға жақсы тілектер тілейікші!

– Ата-анам ауырмасын! – Үлкендерді сыйлайық! – Анамызды ардайық!

(Ұ)Педагог балалардың назарын оқу қызметіне тарту мақсатында балалармен «Отбасым – берекем!» қимылды ойынын ойнатады. Барлық балалар шеңбер жасап тұрады. Педагогтің белгісімен отбасы мүшелерін айтып, бір қолымен екінші қолының саусақтарын бір-бірлеп жұмады. Егер саусақтары жетпей қалса, артқа қарай адымдап, қалған отбасыларын атайды. Көп адымдаған балаға «Үлкен отбасы» деген атақ беріледі. Ол бала қалған балаларды бақылаушы болады

III. ҰОҚ-нің

тақырыбы

бойынша жұмыс

6–25 минут

Тапсырма орындамас бұрын педагог балаларға жұмбақ жасырады.

Маған да, саған да,

Жақын туыс бес адам.

Үш əріптен тұратын.

Оңға оқы, солға оқы

Өзгермейді еш одан.

Бəрі де өз жұртың

Айтады, кəне, кім атын? (Ана, апа, аға, іні, ата).

Балалар жұмбақтың жауабын айтады. (Ұ) Əліппе-дəптермен жұмыс.

1-тапсырма. Педагог: Балалар жұмбақтың жауабында аталған отбасы мүшелерінің есімдерінен У дыбысы естіле ме?

Қайталап айтайықшы!

1.Отбасы мүшелерінің есімдерінен У дыбысын ізде.

Суретте берілген отбасы мүшелері туралы əңгімелейді. Педагогтің көмегімен отбасы мүшелерінің аттарымен атайды.

Отбасы мүшелерінің атауларының сызбасына қарап буынға бөліп, дыбыстық талдау жасайды.

Отбасы мүшелерінің үлкенін, кішісін анықтайды. Балалар өз отбасылары туралы əңгіме құрады.

2-тапсырма. Педагог өлең жолдарын оқып береді. Балалар мұқият тыңдап, естеріне сақтайды.

Балаларға педагог үлкендерді сыйлау, олардың тілін алу, үлкендердің жолын кеспеу туралы əңгімелеп береді.

– У – бірде дауысты, бірде дауыссыз дыбыс.

Педагог У дыбысының дауысты дыбыстан кейін тұрса, дауыссыз болатынын, көк түсті дөңгелекпен, ал дауыссыз дыбыстан кейін естілсе, дауысты болып, қызыл түсті дөңгелекпен белгілейтіндерін айтып түсіндіреді.

Балалар «Тау» сөзін қайталап, дыбыстық талдау жасады.

Сөздің неше буыннан тұрғанын айтады. У дыбысының мұнда дауыссыз дыбысының рөлін атқарып тұрғанын біледі.

«Су» сөзін қайталап, дыбыстық талдау жасады. Су сөзінде У дыбысының дауысты дыбыс рөлін атқарып тұрғанын біледі.

Педагогпен бірге өлең жолдарын қайталайды.

Балалар өлең жолын қайталай отырып, у дыбысының анық айтылуына жаттығу жасатады.

(Ұ) Сергіту сəті

Шеңбер болып тұрамыз,

Керегені құрамыз,

Уықтарды көтеріп,

Шаңыраққа тірейміз.

Жоғары біздің шаңырақ,

Күн сəулесін шашады.

Киіз үйде жиналып,

Отбасымыз бақытты!

Өлең жолдарын қимылмен қайталайды.

4-тапсырма

Педагог У əрпінің баспа түрін көрсетеді.

Балалар өздеріне берілген моншақты сымға тізіп, У əрпіне ұқсатып жасайды.

5-тапсырма

Педагог балаларға У дыбысын жасау үшін таяқшаларды қолдануға болатынын айтады.

Балаларға ой тастайды.Балалар У дыбысының бейнесіне қарап отырып, өздеріне қанша таяқша керек екенін, жəне қалай жасауға болатыны туралы пікірлеседі.

У əрпінің баспа түрін ауада жазып, сосын жұмыс дəптеріне баспа түрін жазады.

Əліппе-дəптер.

Сөздердің сызбасы жазылған плакат.

Тау, су сөздерінің дыбыстық

белгімен жазылған плакаты

Əліппе-дəптер.

У əрпінің баспа түрі жазылған плакат

IV. ҰОҚ

қорытындылау.

Рефлексия.26–30 минут

Педагог балалардың оқу қызметіне белсенділіктері мен қызығушылықтарын талқылап, мадақтайды. Оқу қызметін қорытындылайды. (Ұ,Ө) Рефлексия. Балалар өз білім деңгейлерін смайлик арқылы бағалайды.

Тақырыбы:

Бөлме өсімдігі деген не?

Күні:

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.2.4. Пиязшық арқылы көбейетін өсімдік түрлерінің өсіп-өнуін бақылау

Күтілетін нəтиже

Барлық балалар: • бөлме өсімдіктерінің 2-3 түрін атайды; • адам өмірі үшін бөлме өсімдіктерінің мәнін атап шығады; • бөлме өсімдіктерін өсіру не үшін қажет екенін түсіндіре алады.

Көпшілік балалар: • тірек сөздер көмегімен болжамдарды айта алады; • бөлме өсімдіктерін күту бойынша алгоритм құрастырады.

Кейбір балалар: • «жабайы өсетін өсімдіктер», «бөлме өсімдіктері» ұғымдарына анықтама береді; • жаңа ақпарат алу үшін сұрақтарды дұрыс қоя біледі; • өз бетімен бақылау жұмысын жүргізе алады.

Тілдік мақсат

Дағдыларды дамыту. Мәселелерді көре білу, сұрақтар қою, болжамдарды айту, бақылау, қорытынды және ой тұжырымдау, мәтінмен жұмыс жасау, дәлелдеу және өз идеясын қорғай білуді дамытады.

Көптілділік: бөлме өсімдігі – комнатное растение – houseplant

негізгі терминдер мен сөз тіркестері: бөлме өсімдіктері, қазоты, алоэ, кактус, хлорофитум, жылу сүйгіш өсімдіктер. талқылауға арналған сұрақтар. Бөлме өсімдіктерін неге осылай атайды? Адамдарға бөлме өсімдіктері не үшін керек? Бөлме өсімдіктерін қалай күтеміз?

Өткен ҰОҚ-дан алған білім

Өсімдік тіршілігінің жағдайлары туралы, олардың даму сатылары, қайсылары мәдени және жабайы өседі, өсіп жетілу орны туралы, әртүрлі маусымдардағы тіршілік ерекшеліктері туралы қарапайым білімдер, қарапайым бақылау дағдылары

Жоспар

Жоспарланған уақыт

Жоспарланған іс-әрекет

Ресурстар

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(Ұ) Педагог ҰОҚ-дағы жұмыс үшін қолайлы атмосфера жасайды. Шаттық шеңбері.

Қуанамын мен де,

Қуанасың сен де,

Қуанайық, достарым,

Арайлап атқан күнге!

Армысың, жер-ана,

Армысың, алтын күн,

Армысыңдар, балалар!

(Ұ) Педагог өсімдік туралы жұмбақ жасырады. Балалардың өсімдік туралы білетіндері қызықтырады.

Ауаны ол тазартып,

Үйдің сәнін кіргізер.

Терезеде гүлдейді,

Қыста қызыл гүл берер. (Бөлме өсімдіктері)

III. ҰОҚ-нің

тақырыбы

бойынша жұмыс

6–25 минут

(Ұ) Өзекті мәселе: Қандай бөлме гүлдерінің атын білесіңдер? Адамдарға бөлме гүлдері не үшін қажет? Бөлме гүлдерін біз не үшін өсіреміз? Бөлме гүлдері болмай қалған жағдайда не болады? Қорытынды жасау: бөлме гүлдері бізге пайдалы болсын, әдемі және жақсы гүлдесін, оларға күтім қажет.

(Ұ) Өзекті мәселе. Біз сендермен бөлме өсімдіктерін қалай күтіп ұстаймыз? Күтіп ұстаудың әдістерін атаңдар.

(Ө, т) Бақылау іс-әрекеті. Педагог гүлдер отырғызылған қыш құмыраларды қояды, оларға біршама уақыт бойы (әдейі) күтім жасалмаған, балаларға гүлдерді сипаттап берулерін сұрайды. Өсімдіктерді қалай суғару, шаңнан қалай тазарту керектігі түсіндіріледі. Өйткені өсімдіктің пішіні мен жапырақтарының мөлшері де осыған байланысты. Қорытынды жасату: бөлме өсімдіктері бізге пайда әкеледі. Олар әдемі болу үшін, оларды күтіп-баптау қажет.

(Ұ) Бөлме өсімдіктерін күту бойынша алгоритм құрастыру. Гүлдер тұнжырап қалмауы үшін біз не істей аламыз?

• Суғарамыз

• Су шашамыз

• Жуамыз

• Қопсытамыз

• Кеуіп қалған жапырақтарын жұламыз

• Басқа ыдысқа отырғызамыз

• Тыңайтамыз

Осы тармақтардың әрқайсысы өсімдіктің өсуіне және сыртқы түріне қалай әсер ететінін дәлелдеп беруді балалардан сұраңыз. Қорытынды. Гүлдерге міндетті түрде күтім керек. Оларға біздің қамқорлығымыз бен сүйіспеншілігіміз қажет. Өсімдіктер мейірімділікті жақсы сезінеді. Мейірімді адамға өсімдіктер тартылады, одан қорықпайды. Гүлдер де аялы алақанды, мәпелеп айтқан сөзді жақсы көреді.

(Ұ) Динамикалық кідіріс. (т) Практикалық жұмыс. Педагог әр топқа гүлдері бар қыш құмыраларды таратады және балалардың бөлме гүлдеріне қалай күтім жасайтындарын көрсетуді сұрайды.

(Ө) Әліппе-дәптермен жұмыс 1-тапсырма. Жабайы кактус – бөлме кактусы т.б. 2-тапсырма. Сурет бойынша қазтамақ гүлін көбейту жолын цифрмен көрсетеді. 3-тапсырма. Бөлме өсімдігін отырғызу ретін әңгімелеу

Бөлме өсімдіктері немесе әртүрлі бөлме гүлдері бейнеленген суреттер

Кейбір гүлдердің құмырасына көңілсіз смайликтер жапсырылған.

Жазуы бар тақтайша: суғарау, су шашу, жуу, қопсыту. Кеуіп қалған жапырақтарын жұлу.

Басқа ыдысқа отырғызу. Тыңайту

Бөлме өсімдіктері, су сепкіштер, сулықтар, шаң сүрткіштер, шаралар, клеенкалар, субүркуіштер, балалар алжапқыштары. Әліппе-дәптер

IV. ҰОҚ

қорытындылау.

Рефлексия.26–30 минут

(Ө, Қ) Егер бала тақырыпты түсінсе және білімі мен ісмерлігін қолдануға қабілетті болса, онда ол гүлшанақты және екі гүлді бояйды, егер мақсат жартылай орындалған болса – гүлшанақ пен гүлді, ал егер мақсатқа қол жетпеген болса – гүлшанақты ғана бояйды.

Әліппе-дәптер, түрлі түсті қарындаштар

Тақырыбы:

Біз достармен ойнаймыз

Күні:

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.2.1. Организмнің шынығуы мен төзімділігін нығайту үшін түрлі жүктемелерді біртіндеп арттыра отырып дене жаттығуларын орындау

0.2.1.2. Жүру мен жүгірудің негізгі түрлерін орындау, оларды алмакезек орындау, қарапайым дене жаттығуларымен ұштастыру.

0.2.1.6. Қашықтыққа, көлденең және тік нысанаға лақтыру.

0.2.2.1. Дене қуаты қасиеттерін көрсету: әртүрлі дене әрекеті түрлеріндегі ептілік, жылдамдық пен реакция.

0.3.1.2. Командалық ойындар рөлдері мен тәсілдерін қолдану

Күтілетін нəтиже

Барлық балалар орындай алады: Бір-бірден тізбекке тұрып бағытты өзгерте отырып жүру және жүгіру. Қозғалыс кеңістігінде сыныппен және топпен қауіпсіз жұмыс жүргізу. Зал кеңістігінде бағдарлай алу. Ырғақты жаттығу орындау.

Балалардың көпшілігі орындай алады: Жүгіру кезінде демді іште ұстамау, аяқты басқанда өкшеден аяқ ұшына өту. Оң және сол қолмен алысқа құм толтырылған қапшықты лақтыру. Ойында тізбек құрып жүру, саптағы өз орнын жылдам табу

Кейбір балалар орындай алады: Қорытынды кезеңде дененің салмағын алдыңғы аяққа түсіру. Қозғалысты музыка ырғағына сай бастау және аяқтау.

Тілдік мақсат

Балалар алысқа лақтыру кезінде денені және нысананы басқару; зал, алаң, кеңістікте бағдарлау; ойында өзара іс-әрекет дағдыларын көрсетеді.

Пәндік лексика және терминология: Қолға арналған тапсырмаларды орындай отырып жүру, баяу қарқынмен жүгіру, ырғақты жаттығу, сермеу, құм толтырылған қапшық, алысқа лақтыру.

Талқылауға арналған сұрақтар: Бос уақытта достарыңмен қандай ойындар ойнайсыңдар? Бір қолмен алысқа құм толтырылған қапшықты лақтыру кезінде қандай тірек-қозғалыс дағдысын қолданасыңдар? Ойын қандай қасиеттерді дамытады?

Неге екенін айта аласыңдар ма…? Құм толтырылған қапшықтың қаншалықты алысқа ұшуы неге байланысты екенін айта аласыңдар ма? Неліктен ойында ережелерді сақтау қажет екенін айта аласыңдар ма?

Өткен ҰОҚ-дан алған білім

Музыка үнімен залда «шашыраңқы» қозғалыс түрлерін орындау. Тереңдікке секіру – биіктігі 30 см орындықтан секіру. Оң және сол қолмен алысқа лақтыру.

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(Ұ, ПК ) «төрт құдірет» ойын жаттығуы Балалар шеңбер жасап жүреді. Педагогтің бұйрығын орындайды: «жер» – қолды төмен түсіреді, «су» – қолды алға соза отырып жүзеді, «ауа» – құс секілді ұшады, «от» – қолдарын айналдырады.

Кең бос кеңістік

III. ҰОҚ-нің

тақырыбы

бойынша жұмыс

6–25 минут

Жалғамалы жүріспен алға және артқа жүру, өкшеден аяқтың ұшына қарай салмақ сала жүру, жартылай отырып жүру. Қайталап жүгіру (3х10). Тыныс алуды қалпына келтіру.

(Ұ) Ырғақты жаттығу. Нұсқау – музыка үнімен ырғақты қимылдар орындау, музыка ырғағына сәйкес қозғалысты бастау және аяқтау.

(Ұ, Ө) құм салынған қапшық лақтыру Оң және сол қолмен (алға-артқа иықты белсенді қозғалта отырып) алысқа лақтыру. Балаларға заттарды алысқа лақтырғанда жарақаттанып қалмау үшін сақтық шараларын ескертеді. Лақтыру техникасына назар аударылады – қолды айналдыра отырып алдымен төмен, содан кейін толық жазылғанға дейін артқа, иықты алға-артқа белсенді қимылдата отырып сермеу.

(ПК) «тұзақ» қимыл ойыны Балалар екі шеңбер құрады. Ішкі шеңбердегі балалар қол ұстасып бір бағытқа қозғалады, ал сыртқы шеңбер қарсы бағытқа айналады. Педагог белгі бергенде екі шеңбер тоқтайды. Ішкі шеңбердегілер қолдарын көтеріп қоршау жасайды. Қалған балалар жүгіріп келіп қақпа астынан өтіп шеңбер ішіне кіреді де, қайта шығады. Педагог белгі бергенде, ішкі шеңбердегі ойыншылар қолдарын дереу төмен түсіреді. Шеңбер ішінде қалып қойған балалар тұзаққа түскен болып саналады. Олар іштегі шеңберге қосылып қол ұстасады. Ойын әрі қарай жалғасады.

(Ұ) «Балапандар» қимыл ойыны Балалар бір-бірінің артына тізбекке тұрып, бір-бірінің иығына қолдарын қояды да, жүргізушінің соңынан ереді. «Қара құс» деп белгі берілгенде ойын жүргізуші балапандарын өздеріне шүйліккен құстан қорғауға тырысады. Балалар тізбекпен жүргізушінің артынан бағытты өзгерте отырып түрлі бағытта қозғалады

Ырғақты музыка

Бала санына қарай салмағы 100 грамм құм салынған қапшықтар

IV. ҰОҚ

қорытындылау.

Рефлексия.26–30 минут

«Өзін бағалау маршы» Балалар залмен барынша нық қадам аттап жүреді. Педагог: «Мен аяқ астындағы жерді сезіп тұрмын. Ол тығыз, қатты. Мен нық сеніммен жүремін». Балаларға әр қадам аттаған сайын демді сыртқа шығарып: «Хо-хохо!» деп айтқызады –10–15 секунд. Содан кейін балалар өздерін алақанмен кеудеден ұрып: «Мен-мен-мен», деп тыныс алады.

Тақырыбы:

Ақ дастархан үстіне әдемі табақ сән берген

Күні:

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.3.1. Пластикалық, конструктивтік және мүсіндеу техникаларын қолданып, түрлі пішіндегі кескіштерді пайдалана отырып, Қазақстанның және әлемнің халық кәсіпшілігі негізінде ойыншықтар, ыдыс-аяқ жасау. 0.1.2.2. Бұйымды тұғырға орнату техникасын пайдалану, бір тұғырға бірнеше бұйымды

Күтілетін нəтиже

Барлық тәрбиеленушілер: • өз бетімен ұлттық бұйымдар негізінде түрлі ойыншықтар, ыдыс-аяқтар жасап, оларды ою-өрнектермен, қолтаңбалармен безендіре алады; • табақты безендіру ерекшеліктерін табады.

Көпшілік тәрбиеленушілер: • образды қалай жасау қажеттігін өз бетінше айқындай алады; • ою-өрнектерді орналастырғанда симметрияны сақтай алады; • өткір және кескіш құралдармен жұмыс істегенде техника қауіпсіздігі талаптарын сақтайды. • Кейбір тәрбиеленушілер: • ыдыс-аяқты безендіру техникасын пайдалана алады; • түстерді бір-бірімен үйлестіріп пайдалана алады.

Тілдік мақсат

Дағдыларын дамыту: • өзгелермен сөйлескенде құрылымы әртүрлі сөйлемдерді пайдалану қабілеті.

Көптілділік: табақ – блюдо – dish. Негізгі терминдер мен сөз тіркестері: • ою-өрнек өнері, ою-өрнек.

ҰОҚ-де диалог/хат жазу үшін пайдаланылатын тіл: Талқыланатын сұрақтар: – Ою-өрнек дегеніміз не? – Шеңбердегі ою-өрнек элементтері қалай орналасады?

Өткен ҰОҚ-дан алған білім

. Ою-өрнектің түрлерімен танысу

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(Ұ) Педагог ҰОҚ жұмыс істеуге қолайлы жағдай жасайды.

(Ұ) Күрделі жағдай тудыру: Ермек топқа жуғаннан (тазартқаннан) кейін ою-өрнегі кетіп қалған табақ алып келеді.

(Ұ) Пікір. Табақ – қазақтың ұлттық ыдыстарының бірі. Ет салатын жайпақ ыдыс. Бас табақты ақсақалдар мен сыйлы кісілерге тартады. Ермек: Анам үйге қонақ шақырғанда етті осындай табаққа салып береді.

(Ұ) Балалардың өмірден көрген-түйгенін анықтау: – Күн сайын дастарқанның басында сенімен бірге кімдер жиналады? – Отбасы мүшелерін атап көрсет. – Табақтағы өрнектер қалай аталады? (Ою-өрнек) – Табақтағы ені әртүрлі жолақтардан, басқа да үйлесімді элементтерден көмкеріп жасалған оюөрнектер қалай аталады?

(Ұ) Әліппе-альбоммен жұмыс. Иллюстрацияларды қарап шығады, ою-өрнек элементтерін және олардың орналасу реті туралы айтып береді.

(Ұ) Тәрбиеленушілер ҰОҚ-інде не туралы айтылатынын болжап, зерттеудің тақырыбы мен мақсатын айқындайды.

Музыкалық

сүйемелдеу.

Безендірілмеген табақ. Әліппе-альбом

III. ҰОҚ-нің

тақырыбы

бойынша жұмыс

6–25 минут

Ситуациялық жағдайдың шешуі. (Ұ) Әліппе-альбоммен жұмыс істеу: Мүсінші Ермек қазақ ою-өрнегінің түрлерін мұқият қарап шығып, олардың атауын атап беруге және сипаттап беруге шақырады.

(Ұ) Сызбамен танысу: «Ою-өрнекті шеңберге орналастыру». Тәрбиеленушілер ою-өрнек элементтерінің орналасу ретін есте сақтайды.

(Ө) Ермектің сұрағы: Ермексаздан жасалған дайын бұйым үстіне ермексаздан жасалған ұсақ бөлшектерін (оюды) жапсырып әшекейлеу дегенді қалай түсінесің?

(Ұ) Табақтың бетіне ұсақ бөлшекті жапсыру арқылы әшекейлеу тәсілін түсіндіру: 1. Алдымен ермексаздан жайпақ ыдыс жасап аламыз. Бұл – табақ. 2. Бір үзік ермексазды ширатамыз. 3. Оны кескішпен ұсақ дөңгелектерге бөліп, сопақша, ромб, үшбұрыш немесе шаршы пішіндер жасаймыз. Содан ою құрастырамыз. 4. Кертпелер жасап, бөлшектерді қылқаламның көмегімен сулаймыз. Оларды тиісті орнына орналастырамыз. Саусақтарға арналған жаттығу: «Жабысқақ саусақтар…» (Т) Ойын: «Болады – болмайды». Ойын барысында балалар ермексазбен жұмыс істеу ережелерін пысықтайды: 1. Жұмысқа қажетті ермексаздың түсін таңдап ал. 2. Ермексаздан өзіңе қажеттісін пышақпен кесіп ал. 3. Кесіп алған ермексазды қолыңмен жылытып, жұмсарт.

4. Жұмысты аяқтағаннан кейін құрғақ әрі жұмсақ майлықпен қолыңды сүртіп, содан соң сабындап жу.

(Ө) Ойын-жаттығу: «Ермексазбен достас». Ермексазды жұмыс істеуге дайындау.

(Ө) Балалардың өзіндік жұмысы, жеке көмек көрсету.

Түрлі түсті ермексаз, қатырғықағаз қиындылары, пышақ, тақтайша, қағаз майлық

IV. ҰОҚ

қорытындылау.

Рефлексия.26–30 минут

Балалар жұмыстарының көрмесі. Дастарқанды безендіру. Педагог балаларды жұмыстарды талқылап, бұйымдарға баға беруге шақырады. Ермек балаларға ҰОҚ-інде өзі жасаған жұмысқа баға беруді ұсынады: 1. Жұмысына көңілі толғандар қалпақты жасыл түспен бояйды. 2. Қиналғандар қызыл түспен бояйды

Балалардың жұмыстарына арналған көрме. Әліппе-альбом, қарындаштар

Тақырыбы:

Менің көршілерім. Артық . Кем. Сонша.

Күні:

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.2.1.3.Топтардағы заттарды алып тастап немесе қоса отырып, санын салыстыру /теңдік пен теңсіздікті анықтау, топтарды салыстыру жəне санау негізінде сандық мəнін жалпылау.

Күтілетін нəтиже

Барлық тəрбиеленушілер: -сандарды салыстырады.

Көптеген тəрбиеленушілер: -заттарды қоса отырып немесе алып тастап, топтардағы заттардың теңдігі мен теңсіздігін анықтайды.

Кейбір тəрбиеленушілер: -санау жəне топтарды салыстыру негізінде сандық мəнді жалпылайды.

Тілдік мақсат

Дағдыларын дамыту: -өзінің сұрақтарын қойғанда жəне педагог пен тəрбиеленушілердің сұрақтарына жауап берген кезде сөйлемде лексика мен терминологияны пайдалана алады.

Пəндік лексика жəне терминология: -артық, кем, сонша.

Пікір алмасуға арналған сұрақтар: –Саны бойынша заттарды қалай салыстыру керек екенін түсіндір. –Қай заттар көп деп ойлайсың? –Неге? –Салыстырудың қандай тəсілдерін білесің? Жазу: -түрлі түсті қарындаштармен бояу, біріктіру сызықтарын жүргізу

Өткен ҰОҚ-дан алған білім

Заттардың сандық ұғымы туралы алғашқы білім, геометриялық фигуралар мен денелердің атауы

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

Ынталандыру. Педагог ҰОҚ-нің алдында балалардың көңіл күйін көтеру мақсатында шаттық шеңберін құруды ұсынады. Өзектендіру. Балалар 20-ға дейін санамақ-əнін айтады. Педагог балалардан сұрайды: - Қандай сандар осы санға қатысты көрші сандар деп аталады? (сандық қатарда бірлікке тең аралықпен осы санның екі жағында тұрған сандар).

III. ҰОҚ-нің

тақырыбы

бойынша жұмыс

6–25 минут

Мақсат қою (проблемалық жағдай). (Ұ)Педагог балаларға əліппе-дəптердегі 1-тапсырманы орындауды ұсынады. Балалар үйлерді олардың нөмір тізбегінің тəртібімен біріктіріп, содан кейін нөмірлері тапсырмада айтылған жарық қосылған үйлердің терезелерін бояйды. Педагог: – Қай үйлер көбірек? – Қай үйлер азырақ? – Неге? – деп сұрайды. Жаңалық ашу. (Ұ)Проблемалық жағдайды шешу үшін, педагог балалардан: – Мұны қалай анықтауға болады? – деп сұрайды. Қиындық туындаған жағдайда, педагог балаларға заттардың санын салыстыру тəсілдерінің бірін ұсынады. Балалар жарық жағылған əрбір үйді жарықсыз үймен сызықпен біріктіре отырып, бірыңғай сəйкестік тəсілін таңдайды. Балалар өз бетінше қорытынды жасайды: өйткені қалған жарықсыз үйлерді біріктіретін ештеңе жоқ, яғни олардың саны жарығы бар үйлердің санынан көбірек. Əрі қарай балалар жарығы бар үйлердің саны жарықсыз үйлердің санынан аз деген кері сəйкестікке келеді. Сергіту сəті. Педагогтің қалауы бойынша.

Жаңаны қолдану. (Ж) Торкөз қағаз бетінде бағдарлау іскерлігін бекіту үшін балалар 2-тапсырмадағы нүктені белгілеуден бастап торкөздер бойынша суретті көшіріп салады. Балалар торкөздердің санын санайды жəне ұсынылған суретке сəйкес оларды санау бағытын сақтайды. Мұндай жаттығулардың маңыздылығы мынада: жазықтықта бағдарлай білуін бекіту, санау дағдыларын жетілдіру, өлшеу əрекетін енгізу – бір торкөз өлшем бірлігі ретінде қабылданады. (Т) Əліппе-дəптердің 3-тапсырмасында балаларға үйлер көп пе, əлде шатырлар көп пе екенін анықтау ұсынылады ңына қараңыз.)

IV. ҰОҚ

қорытындылау.

Рефлексия.26–30 минут

Рефлексия. Педагог қорытынды жасап, балаларды мадақтайды. Сабақтағы өз жұмысын «Сəттілік сатысы» арқылы бағалауды ұсынады. Педагог түсіндіреді: егер қателіктер көп болса, төменгі сатыда көңілсіз смайликтің суретін салуға болады. Қателіктер аз болса, ортаңғы сатыда аузы түзу смайликті салуға болады. Қателіктер болмаса жəне бала барлығын жақсы түсінсе, жоғарғы сатыда күлімдеген смайликті салуға болады.

Тақырыбы:

Бақытты отбасы

Күні:

Даярлық сыны: О "А"

ҰОҚ-ның

оқытылу мақсаттары

00.1.1.1 Сөздер мен фразалардағы дыбыстарды дұрыс дыбыстау

0.1.2.2 Ауыспалы мағынадағы сөздерді, бейнелі теңеулерді түсіну, оларды сөйлегенде қолдану

0.1.6.2 Өз тәжірибесі негізінде әңгіме құрастыру

0.2.1.1 Тыңдалған мәтіндегі ақпаратты сурет, сызба, белгілер қолданып жеткізу

Күтілетін нəтиже

Барлық тәрбиеленушілер: Дыбыстарды ажырата біледі. Тыңдалған мәтіндегі ақпаратты сурет, сызба, белгілерді қолданып жеткізеді.

Көпшілік тәрбиеленушілер: Өз тәжірибесі негізінде әңгіме құрастырады.

Кейбір тәрбиеленушілер: Ауыспалы мағынада айтқан сөздерді түсінеді.

Тілдік мақсат

Тәрбиеленушілер: Сұрақтарға жауап береді, әңгіме құрастырып айтады

. Көптілділік: отбасы – семья – family; бақыт – счастье – happiness

Негізгі терминдер мен сөз тіркестері: Сүйіспеншілік, қамқорлық, қайырымдылық. Пікір алмасу сұрақтары: Отбасы деген не? Ата-анаң қайда, кім болып жұмыс істейді? Сендер отбасындағы адамдарға қалай қуаныш сыйлайсыңдар?

Өткен ҰОҚ-дан алған білім

Мектепке не үшін барады, онда не істейтінін біледі?

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(Ұ) Шаттық шеңбері. Атамнан басталар, Әжеммен қосталар Отбасы мыналар: Ең жақын адамдар Әке мен анам бар, Бір туған апам бар, Бәрін жақсы көремін, Еркелеймін еремін. Әр адамның өз отбасы болады. Олар кез келген істі бірігіп атқарады, бір біріне көмектеседі. Отбасында біз үлкендерді сыйлауға, кішілерге көмек көрсетуге, оларға қамқор болуға үйренеміз

III. ҰОҚ-нің

тақырыбы

бойынша жұмыс

6–25 минут

Әліппе-дәптермен жұмыс. 1-тапсырма. Сурет бойынша әңгіме құра. 1. Анасы не істеп тұр? 2. Әкесі қандай жұмыспен айналысып жатыр? 3. Атасы мен әжесі не істеп отыр? 4. Бөлмеде тағы кім бар? 5. Бұлар қандай отбасы деп ойлайсыңдар? – Сенің ата-анаңның аты-жөні кім? – Олар қайда және кім болып жұмыс істейді? – Сен үйде анаңа қалай көмектесесің? – Үлкен аға, әпкелеріңнің тілін аласың ба? – Іні-қарындастарыңа қалай қамқорлық көрсетесің? – Сен отбасындағы адамдарды қалай қуантасың? – Сенің әжең, атаң ертегі, әңгіме, аңыз айтып бере ме? – Педагог балалардың пікірлерін, жауаптарын жинақтап толықтырады. Дидактикалық ойын: «Ол қандай?» Шарты: Педагог бір балаға допты лақтырады да, сұрақ қояды. Допты алған бала сұраққа жауап беріп, допты қайта лақтырады. – Сенің әкең қандай? (Мықты, еңбекқор, батыл, мейірімді, кішіпейіл) – Сенің анаң қандай? (Мейірімді, ақылды, көңілді, әдемі)

Әліппе-дәптер

32

– Сенің атаң қандай? (Ақкөңіл, дана, мейірімді) – Сенің әжең қандай? (Сабырлы, қамқор т.б) – Балалар, әжеміз, атамыз, анамыз, әкеміз тіпті ағаәпкелеріміз сендерді «Күнім, айым, жұлдызым, құлыным!» - деп ғажап нәрселерге теңеп еркелетеді. Көптілділік: отбасы – семья – family; бақыт – счастье – happiness Сергіту сәті: Керілеміз, созыламыз, Терең алып тынысты. Оңға бір, солға бір, Жалғаймыз біз жұмысты. Жаңылтпаштан жаңылмайық: Уықтардың барлығын Уыққапқа сал, күнім. Уыққапқа салған соң, Уыздан жеп ал, күнім. Әліппе-дәптермен жұмыс. 2-тапсырма. Дидактикалық ойын «Сөйлемді аяқта». Менің отбасым ... Менің атам ... Менің әжем ... Менің әкем ... Менің анам ... Менің ағам, інім ... Менің қарындасым, әпкем, сіңлім ... Әліппе-дәптермен жұмыс. 3-тапсырма. Мақалдың мағынасын түсініп ал. Мақалдың мазмұнын талдау. Ана алдында - құрмет, Ата алдында - қызмет. Педагог мақалды қайталату арқылы жаттатып, мағынасын түсіндіреді. 4-тапсырма. Суретке қарап, отбасыңмен өз уақытыңды қалай өткізетініңді айт. Немен айналысқан ұнайды?

IV. ҰОҚ

қорытындылау.

Рефлексия.26–30 минут

Педагог қорытынды жасайды. Балаларды марапаттайды. (Ө) Рефлексиялық бағалау: өз жұмысын бағалап, қорытындылайды. Балалардан бантиктің суретін түсті қарындашпен бояуын сұраңыз: Ештеңе түсінбедім – қызыл қарындашпен; Түсіндім, бірақ түсіндіре алмаймын – сары қарындашпен; Бәрін түсіндім, басқаға түсіндіріп бере аламын – жасыл қарындашпен

Тақырыбы:

Достарыммен ойнаймын.Заттардың қасиеттері

Күні: 15.11.2018

Педагогтың аты-жөні:Д.Т.Исаева

Даярлық сыны: О "Б"

Қатысқандар саны

Қатыспағандар саны

ҰОҚ-ның

оқытылу мақсаттары

0.2.2.1.Заттарды белгілі бір қасиеті бойынша жиынға біріктіру.

0.2.2.2.Жиын элементтерін атау.

Күтілетін нəтиже

Барлық тəрбиеленушілер: -заттарды көрсетілген қасиеті бойынша топқа (жиынға) біріктіреді.

Көптеген тəрбиеленушілер: -жиын элементтерін атайды жəне заттар қандай белгі бойынша топтастырылғанын көрсетеді.

Кейбір тəрбиеленушілер: -берілген жəне/немесе өз бетінше таңдалған белгілер бойынша өз бетінше жиындарды жасайды.

Тілдік мақсат

Дағдыларын дамыту: -заттардың пішіні мен түсі туралы сөйлемдерді құрастыра алады. Пəндік лексика жəне терминология: -заттың қасиеті,пішімі, өлшемі, түсі. Пікір алмасуға арналған сұрақтар: – Осы топтағы заттар несімен ортақ екенін түсіндір. – Қандай зат (фигура) артық деп ойлайсың? – Осы топқа қандай заттарды (фигураларды) қосуға болады? Жазу:суретті бастырып салу, жалғастыру

Өткен ҰОҚ-дан алған білім

Шеңбер, үшбұрыш, шаршы. Негізгі түстер.

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

Ынталандыру. Педагог балалармен ойнауды жақсы көресіңдер ме, достарыңмен қандай ойындар ойнайсыңдар деп əңгімелеседі. Олардың ҰОҚ- де пайдалы жəне қызықты ойындар ойнай алатыны туралы хабарлайды.

Өзектендіру. «Затты тап» ойыны. Топпен ойнаймыз. Əр команда (топ) бір затты жасырады. Ал басқа командалардың (топтардың) мүшелері оларға «иə» немесе «жоқ» деген жауаптар беруге болатын сұрақтар қояды. Мысалы, бұл заттың пішіні дөңгелек пе? Ол қызыл түсті ме? Бұл киімнің бөлшегі ме?

Бұл ыдыс па?

Үлестірмелі материал.

III. ҰОҚ-нің

тақырыбы

бойынша жұмыс

6–25 минут

Мақсат қою (проблемалық жағдай). (Ұ)Жиынтық полотномен (немесе кесілген материалға ұқсас) жұмыс. Жиынтық полотнода фигуралардың екі тобы қойылған. Бірінде түстері бойынша, екіншісінде пішіні бойынша фигуралар жиналған. Бірінші топтардың бірі қаралады. Педагог мынадай сұрақтар қояды: Мына топтағы заттар несімен ортақ? (Барлық фигуралар жасыл түсті.) Екінші топтағы заттар несімен ортақ? (Олардың пішіні бірдей.) Жаңалық ашу. (Ұ) Қандай фигураларды бірінші (екінші) топқа қосуға болады? (Балалар фигураларды кенепке немесе жұмыс үстелдеріне – кесілген фигураларды қояды). Əрі қарай топтағы артық затты іздеуге арналған тапсырма беріледі жəне зат қандай белгісі бойынша алынып тасталатыны негізделеді. Алдымен белгілі бір белгісі бойынша «артық» затты таңдау ұсынылады – шешімдер нұсқаларынсыз (түсі, пішіні, көлемі бойынша). Ал содан соң əртүрлі «артық» зат болуы мүмкін тапсырма ұсынуға болады. Мысалы, бір зат түсі бойынша «артық», екіншісі – пішіні бойынша. Мына топта қандай зат артық жəне не үшін екенін айта аласыңдар ма? (текше – пішіні бойынша, қызыл шар – түсі бойынша).

Жаңаны қолдану. (Ж) Əліппе-дəптердегі 1-тапсырма. Балалар заттарды қарап, олардың белгілерін (пішінін, түсін, көлемін) айтады. Содан соң педагог заттарды түстері бойынша қорапшаларға жинап, оларды санауды ұсынады. Мұғалім əрбір қорапшаға айналасындағы тағы қандай заттарды (ойыншықтарды) салуға болатынын ойланып көруді ұсынады. (Ж) №2 тапсырманы мысалы, тек қатарларды ғана жалғастырып қоймай, бірінші қатардағы пішіні бірдей фигураларды бір түспен боятып, күрделендіруге болады. №3 тапсырманы орындамас бұрын түс – пішін – көлем деген шартты белгілер нені білдіретіні нақтыланады. Əрі қарай тапсырма кейіннен тексеру арқылы өз бетінше орындалады.

Электронды қосымша. Үлестірмелі материалдар.Кес ілген геометриялық фигуралар

Әліппе-дәптер

IV. ҰОҚ

қорытындылау.

Рефлексия.26–30 минут

Рефлексия. Педагог қорытынды жасап, балаларды мадақтайды. Сабақтағы өз жұмысын «Сəттілік сатысы» арқылы бағалауды ұсынады.

Тақырыбы:

Балықты қалай күтуге болады?

Күні: 15.11.2018

Педагогтың аты-жөні:Д.Т.Исаева

Даярлық сыны: О "Б"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.2.1.Табиғат бұрышындағы жануарларға күтім жасау

Күтілетін нəтиже

Барлық балалар:

 Балық деген не? деген сұраққа жауап бере алады;  Балықтың түрлерін атай алады;  Балықтың күтімі туралы айта алады.  Ұйымдастырылған қызметін зерттеу тақырыбын анықтай алады;

Көпшілік балалар:  Балықты қалай күту керектігін түсіндіре алады;  Балықтың тіршілігі үшін не қажет екенін анықтай алады;

Кейбір балалар:  Балықтың тіршілігіне зиянды заттар;  Зерттеу іс-əрекеті барысында талқылай алады.

Тілдік мақсат

Дағдыларды дамыту. Өзінің жинақтаған білімінің нəтижесінде балалар осы ұйымдастырылған оқу қызметінің тақырыбын, танымдық іс-əрекетінің мақсатын анықтай білуін дамыту. Талқылау кезінде «Неге?», «Бұл немен

байланысты?», «Егер..., не болады?» деген сұрақтарды пайдалану.

Сыни тұрғысынан ойлауды дамыту.

Көптілділік: балық –рыба – fish

Өткен ҰОҚ-дан алған білім

Негізгі терминдер мен сөз тіркестері: балық, аквариум, балықтың тіршілігі, уылдырық, ҰОҚ диалог/хат үшін қолданылатын тіл:

Талқылауға арналған сұрақтар:

 Балықты қалай күтуге болады?

 Күн сайынғы, кезеңдік, мерзімдік күтім деген не?

 Балықтың қандай түрлерін білесіңдер?

 Олар немен тамақтанады?

 Балықтың пайдасы?

 Балық қалай көбейеді?

Жылудың тіршілік үшін маңыздылығы, оның қасиеттері

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(Ұ) Шаттық шеңбері

Қол алысып, кəне, біз,

Достасайық бəріміз.

Айтарым бар сендерге,

Тез тұрыңдар шеңберге.

Қандай жақсы бір тұру,

Достарменен бір жүру!

III. ҰОҚ-нің

тақырыбы

бойынша жұмыс

6–25 минут

(Ұ) Педагог балаларға жұмбақ шешуді ұсынады:

Жер бетіне бір шықпас, Су түбінде тұншықпас. Сөйлемейді, үндемейді, Пісірсе оны кім жемейді. (Балық) Аузы бар, тілі жоқ, Терісі бар, жүні жоқ. Қанаты бар ұшпайды, Су астында қыстайды. (Балық)

(Ұ)Балықтар тек суда ғана тіршілік етеді, сондықтан олардың дене пішіні мекен ететін орны мен тіршілік жағдайларына байланысты алуан түрлі болып келеді. Шапшаң жүзетін акула, албырт, көксерке тəрізді балықтардың денесі ұршық сапты жұмыр болса, баяу қозғалатын сазан, тобан, тұқы, мөңке тəрізділердің екі бүйірі шығыңқы, жоны көтеріңкі болады. 1. Балықтың майынан қажетті бірнеше түрлі дəрумендер алынады. 2. Қабыршағынан інжу жасалады. 3. Майынан ыстыққа төзімді бояулар дайындалады.. 4. Акула терісінен егеу дайындайды. 5. Треска,акула бауырынан дəрі жасалады. 6. Балықты қолдану арқылы бауыр ауруларының алдын алуға болады. 7. Балық пен сүт ақуыздары қосылған кезде адам организміне қажетті құнарлы заттар түзіледі.

Дидактикалық ойын: «Алтын балық» Ойын шарты: Балалардың алдын ала қойылған салған суреттерінен, əр баладан қайсысы ұнайтынын сұрау. Қай баланың жұмысы ұнаса, сол балаға «алтын балық» сыйлайды. Ойын соңында «алтын балықты» көп жинаған бала марапатталады, мақсат балалардың өзін-өзі бағалауына дайындау

(Ұ)Өзекті мəселелер. Аквариумдағы балықтың адамға пайдасы.Аквариумды күн сайын ұқыпты түрде күту керек, аквариумдағы өсімдіктердің жағдайы, жалпы тазалық шаршаған кезде аквариумнан күш-қуат алып сергуге мүмкіндік береді. Аквариумдағы балық күтімі. Алдымен аквариумға су құямыз. Сосын түбін себеміз. Енді аквариум өсімдіктерін отырғызуға болады. Саусағымызбен үңгір қазып алып, оған өсімдіктің тамырын бекітеміз. Топырақпен нығыздаймыз. Тастар мен өсімдіктерді орнатып болған соң, қабығын жапқанда судың үстіңгі беті көрініп тұрмайтындай етіп, су құямыз. Бұл тіпті оңай. Үйге балықтарды қай суға салып əкелсеңіз, сол суымен қоса құясыз. Күн сайынғы күтім.Күн сайын аквариумға назар салып, жарық бергіш, жылытқыш құралдардың жұмысын қадағалап отыру қажет. Сау балықтар теңселмей, бірқалыпты жүзеді, денесінде ешбір дақ болмайды. Тамақты таңертең жəне кешке берген дұрыс.

Балықтардың көбеюі: Балықтар уылдырық арқылы көбейеді (уылдырық көрсету) Уылдырықты көп шашатын балықтар- сазан, шортан, көксерке. Балықтарды тағам ретінде пайдалану жолдары: Балықтың пайдасы өте көп. Одан көптеген тамақ түрлерін жасауға болады. Қуырып жеуге, балық сорпасын пісіруге, салаттар жасауға болады. Кейбір балықтарды консерві түрінде де шығарады.Бұл консервіленген балықтар көп уақыт сақталады. «Кім епті?» (Ұ)Сергіту сəті. Əуенмен «Балықтар» биін билейді.

1.Балықтың күтіміне қажетті заттарды ата. (Аквариум, су, сүзгі, балдырлар, жылытқыш, компрессор) 2. Сурет бойынша балыққа жүзуге көмектесетін дене мүшелерін белгілету. 3. Аквариум мен теңіз балықтарын топтастыр.

Əліппе-дəптер, түрлі түсті қарындаштар. Океанариум мен аквариумның суреті.

Океанариумдағы балықтар мен аквариумдағы балықтардың ерекшелігі

IV. ҰОҚ

қорытындылау.

Рефлексия.26–30 минут

(Ұ)Педагог қорытынды жасайды, сұрақтарға жауап беруді ұсынады. Рефлексивті бағалау. (Ұ, Ө) Аквариумді бояйды. 1-деңгей – ештеңе түсінбедім – қоңыр. 2-деңгей – түсіндім, бірақ түсіндіре алмаймын – көк. 3-деңгей – бəрін түсіндім, басқаларға да түсіндіріп бере аламын – жасыл.

Əліппе-дəптер, түрлі түсті қарындаштар

Тақырыбы:

Айсұлудың туған күні

Күні:16.11.2018

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.1.1 Ілікпе сөз бен фразаларды айтуда тыныс алуды реттеу.

0.1.1.2 Дыбыстарды түрлі екпінде анық және дұрыс айту, сыбырлап және қатты айту. 0.1.2.4 Түрлі эмоция мен сезімді білдіру үшін дауыс күшінің түрлі дәрежесін қолдану. 0.1.2.1 Эмоциялық күйді анықтау және беру.

0.2.1.1 Бұйрық немесе музыкалық белгіге сәйкес әрекет ету.

0.3.1.1 Сюжетті-рөлдік ойындарға қатысу.

0.3.1.3 Заттармен, ойыншықтармен таныс іс-әрекетті жаңа ойын жағдаятына көшіру.

Күтілетін нəтиже

Барлық тәрбиеленушілер: ілікпе сөз бен фразаларды айтуда тыныс алуды реттейді; командаға немесе музыкалық белгіге сәйкес әрекет етеді; дыбыстарды түрлі екпінде анық және дұрыс, сыбырлап және қатты айтады. көпшілік тәрбиеленушілер: түрлі эмоция мен сезімді білдіру үшін дауыс күшінің түрлі дәрежесін қолданады; сюжетті-рөлдік ойындарға қатысады. кейбір тәрбиеленушілер: заттармен, ойыншықтармен таныс іс-әрекетті жаңа ойын жағдаятына көшіреді

Тілдік мақсат

тәрбиеленушілер: сөздік қорын байытады; ауызша сөйлегенде дыбыстарды анық айтады; кейіпкерлердің іс-әрекеттері мен дауыс ырғақтарын сәйкестендіре дұрыс сөйлейді; ауызша сөйлеу мәдениетін қалыптастырады. Ойын барысында балалардың тілін дамытады.

көптілділік: ойын – игра – game, отбасы – семья – family

негізгі терминдер мен сөз тіркестері: сюжетті-рөлдік ойын.

Пікір алмасу сұрақтары. – Сендерге қандай мереке ұнайды? – Отбасында қандай мерекелерді атап өтесіңдер? – Туған күнге қандай сыйлық апаруға болады? – Туған күнге бару үшін не естеріңе түседі?

Өткен ҰОҚ-дан алған білім

Түрлі екпінде сөйлеу, дауыс екпінінен көңіл күйді ажырата білу. Сюжеттірөлдік ойын түрлері

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(ұ) Педагог тәрбиеленушілерді шаттық шеңберіне жинайды. Бір-біріне сәлемдесуді ұсынады. Тәрбиеленушілер кезекпен ортаға шығып, сәлемдеседі. Сәлемдескен балаға бұрылып қарап, қол соғады. Бала сөзді мақұлдағандай болып басын жай ғана изейді. – Бүгін бізде ерекше күн. Бүгін – Айсұлудың туған күні. Есіңде сақта! Адамның негізгі көңіл күйлері – қуаныш, таңдану, ренжу, қорқу, ашулану.

III. ҰОҚ-нің

тақырыбы

бойынша жұмыс

6–25 минут

(Ө) Әліппе-дәптермен жұмыс: 1-тапсырма. Суреттерді қара. Қалай ойлайсың, суреттегі қай бала туған күнге барады? Не үшін олай ойладың? 2-тапсырма. Туған күнге бару үшін алдымен не туралы ойлайсың? – Туған күн иесіне қандай сыйлық апаруға болады? Айсұлуға қандай сыйлық апаратындарын ойластырады. Топта талқылайды. Ойын: «Гүл сататын дүкен» Педагог тәрбиеленушілердің гүл сататын дүкенге баратындарын айтады. Туған күн иесіне ең әдемі хош иісті гүл таңдауды ұсынады. Тәрбиеленушілер гүлді қалай иіскейтіндерін көз алдарына елестетеді. Терең дем алып, мұрын арқылы дем шығару. 2-3 рет қайталау. 2-тапсырма. Туған күнге қандай сыйлық апарғың келеді, сол заттың суретін сал. – Қонаққа барғанда өзіңді қалай ұстайсың? – Туған күн мерекесін қалай өткізуге болады, онда не істейсіңдер? Педагог балаларға тілек айтқанда дауыс ырғағын анық, дұрыс айту қажеттігін естеріне салады

(Ө) Әліппе-дәптермен жұмыс. «Туған күніңмен құттықтаймын!» сөзін түрлі екпінде айт. Қалай айтқан дұрыс деп ойлайсың? Сыйлықты қалай ұсынасың? Көңіл күйіңді бейнелеп көрсет. Ойын-жаттығу: «Әртүрлі бейнеге ауысу» Алдымен ойын жүргізушіні таңдайды. Жүргізуші теріс қарап тұрады. «Әртүрлі бейнеге ауыс, қалмағын қалыс. Бір, екі, үш!» – деп айтқанда тәрбиеленушілер түрлі бейне жасап қатып қалады. Жүргізуші тәрбиеленушілерді қозғалту үшін әртүрлі қимылдар жасайды. (ұ) Ойын: «Фотосуретші» Топтан бір тәрбиеленуші фотосуретші болып сайланады. Қалғандары қуану, ренжу, таңғалу, аяныш білдіру сияқты эмоцияны көрсетіп суретке түседі. (ұ)

Музыкалық жаттығу: Балалар музыка әуенінің ырғағына қарай би қимылдарын жасайды (баяу, көңілді). (Ө) Әліппе-дәптермен жұмыс: Өлеңді ата-анаңмен бірге жатта. сахналау. Педагог «Айсұлудың туған күні» тақырыбында сюжетті-рөлдік ойын ойнайтындарын айтады. Ол үшін карточкалар таңдап алуды ұсынады. Тәрбиеленушілер таңдап алған карточкадағы кейіпкерлердің суреті бойынша рөлге бөледі.

Полька, вальс, марш, «Қамажай», «Қара жорға» Әліппе-дәптер Атрибуттар: ойыншықтар, бөлме жасауға арналған шымылдық, жиһаз, ыдыстар

IV. ҰОҚ

қорытындылау.

Рефлексия.26–30 минут

Ө, қ) Айсұлу мен Қуаныш тәрбиеленушілерден өз жұмыстарын бағалауын сұрайды. 1. Өз жұмысына көңілі толса, көңілді бетперденің суретін бояйды. 2. Өз жұмысына көңілі толмаса, көңілсіз бетперденің суретін бояйды.

Әліппе-дәптер,түрлі-түсті карандаштар

Тақырыбы:

Күн тәртібі дегенімз не?

Күні:

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.3.1. Күн тәртібі, демалыс, ұйқы, тамақтану тәртібін сақтаудың қажеттілігін түсіну

Күтілетін нəтиже

Барлық балалар: Күн тәртібі және оның ерекшеліктерін біледі.

көпшілік балалар: Күнделікті өмірде күн тәртібі ережелерін қолданады.

кейбір балалар: Күн тәртібін сақтаудың қажеттілігін түсіндіреді. Өзін жақсы сезіну мен тыныш ұйқының арасындағы байланысты анықтайды.

Тілдік мақсат

дағдыларын дамыту Өз ойын айтып, сөздік қорын молайтады. Адам денсаулығы үшін күн тәртібінің маңыздылығын түсінеді.

көптілділік: күн тәртібі – режим дня – day schedule.

Негізгі терминдер мен сөз тіркестері: күн тәртібі, таңертең, күндіз, кеш, түн, биоырғақ. Пікір алмасу сұрақтары: «Күн тәртібі» дегеніміз не? Күн тәртібін не үшін сақтауымыз керек? Ертеңгілік жаттығу деген не? Мектепте неге ертеңгілік жаттығуды орындау керек? Тамақтану күн тәртібіне қалай әсер етеді? Неліктен бір мезгілде ұйықтау керек? Ұйқы адам денсаулығына қалай әсер етеді?

Өткен ҰОҚ-дан алған білім

Үлкендер мен балалардың күнделікті қалыпты күн ережесі.

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(ұ) Жағымды көңіл күй орнату. «тілек шоғы» жаттығуы. Қолдарына гүл ұстаған балалар дөңгелене отырады. Педагог өзі бастап сәлемдесіп, балалар қолдарындағы гүлді бірбіріне тілек айту арқылы ұсынады. Гүл шоқтары бірте-бірте көбейіп, педагогтің өзіне бір құшақ гүл – «Тілек шоғы» болып оралады. «Өзгелерге денсаулық тілеп, жақсылық жасасаң, ол өзіңе қайтып оралады», – деп, педагог қорытынды жасайды.

III. ҰОҚ-нің

тақырыбы

бойынша жұмыс

6–25 минут

проблемалық сұрақ: – Біздің кездесуіміз жақсылық пен денсаулық тілеуден басталды. Ал сендердің күндерің қалай басталады? Таңдарың қалай басталады? Балалар өз ойларымен бөліседі. – Кейде үлкендер бір-біріне «сол аяғымен тұрды» деп ескертпе жасап жатады. Ол нені білдіреді? Балалар өз пікірлерімен бөліседі. Педагог балалардың жауаптарын қорытады.

педагог ақпараты: «Сол аяғымен тұрды» сөзі таңертеңгі уақыттан бастап үйінде болсын, жұмысында болсын көңіл күйі болмай, ашулы жүретін адамдар жайлы айтады. – Ал таңды күліп, көтеріңкі көңіл күйде бастауға үйренуге бола ма? Ол қаншалықты маңызды? Ұйқыдан тұрған соң өзіңді қалай ұстаған жөн? «Менің таңым» өлеңін оқу және талқылау. – Неліктен ата-аналар және мамандар ұйқыдан тұрған соң керіліп-созылуға кеңес береді? Балалардың ойлары. педагог ақпараты: Ұйқыдан оянған соң бірден төсектен тұруға болмайды, өзіңе және организмнің оянуына көмектесуің керек, ол үшін керіліп-созылып, ұзақ ұйқыдан соң омыртқа үшін кішігірім жаттығу жасауға болады. Ал сенің күлкің жақындарың мен туыстарыңды қуантады. Таза ауа сенің бөлмеңді толтырып, сергітеді және сен толықтай оянасың.

Кел, балалар, кел бері,

Қыздырайық денені.

Орнымыздан тұрып-ақ,

Жүгірейік бір уақ.

Аяқты алға созайық,

Тік көтеріп, қозғайық. – Таңғы жаттығу дегеніміз не? Мектепте ертеңгілік жаттығуды не үшін орындау керек? педагог ақпараты: Таңғы жаттығу (дене шынықтыратын қимыл жаттығулары) – бұл таңғы уақытта, ұйқыдан тұрғанда, ҰОҚ алдында жасалатын дене жаттығуларының жиынтығы. Жаттығу оны орындаған адамды қуаттандырады. Жаттығу барысында орындалатын қимыл-қозғалыстар адамды күн бойына күш-қуатпен, көтеріңкі көңіл күймен, сергектікпен және денсаулықпен қуаттандырады. Барлық адамдар тісін тазалайды, жуынады, көпшілігі душ қабылдайды, кейбіреулер сумен шынығады. Денсаулықты нығайту үшін сумен шынығудың әсері қандай екенін біз білеміз. Сумен, ауамен, күнмен шынығу бізге жиі ауырмауға көмектеседі. (ұ, Ж) Әліппе-дәптермен жұмыс. – Сонымен, біз таңертеңгісін не жасаймыз? Күндіз немен айналысамыз? Күн тәртібі дегеніміз не?

Балалардың жауаптары. Балалар сурет арқылы «Менің таңым» өлеңінің желісі бойынша әңгіме құрастырады. Күн тәртібіне анықтама береді. педагог ақпараты: Әр күні таңертеңгісін тұрамыз, жуынамыз, таңғы жаттығу жасаймыз, таңғы асымызды ішіп, балабақшаға/мектепке барамыз. Топта/сыныпта да белгілі тәртіп бар: ҰОҚ – үзіліс – ҰОҚ – үзіліс. Түскі үзіліс те бір уақытта болады. Күнде бір уақытта үйге қайтамыз. Осы оқиғалар реті – күн тәртібі деп аталады. көптілділік: күн тәртібі – режим дня – day schedule. (ұ, Ж) Әліппе-дәптермен жұмыс. (Жалғасы) – Тамақтану күн тәртібі ережесіне қалай әсер етеді? Балалар суреттер арқылы тамақтану туралы айтады, педагог балалардың жауаптарын қорытындылайды. (ұ, Ж) Әліппе-дәптермен жұмыс. – Өзіңнің мектептегі күнің қалай өтетіні жайлы әңгімелеп бер. – Қандай ҰОҚ саған көбірек ұнайды, неліктен? (ұ, Ж) проблемалық сұрақ: Сендер кешке үйлеріңде не істейсіңдер? Ұйықтар алдында ше? Неге күнде белгілі бір уақытта ұйықтау маңызды? Бірақ балалардың көбі белгілі күн тәртібін сақтамайды, ал түнде бір уақытта ұйықтамайды. Егер әр бала уақытылы сағат 9-10 кезінде ұйықтауға жататын болса, ол: • тез ұйықтап кетуге; • жақсы ұйықтап, демалуға; • уақытылы оянып, күні бойы көтеріңкі көңіл күйде

жүруіне көмектеседі.

Қорытынды: Осылайша жақсы демалып, ұйықтаған бала ҰОҚ барысында аз шаршап, жұмыс жасау қабілеті артады. Күн тәртібін сақтамайтын балаларға қарағанда сергек болады. педагог ақпараты: Әр адамның өзінің «ішкі сағаты» болады. Ол биоырғақ – биологиялық ырғақ деп аталады. Егер күн тәртібін сақтайтын болса, биоырғақ адамға еркін демалуға, келесі күнді бастауға күш-қуат жинауға көмектеседі..

IV. ҰОҚ

қорытындылау.

Рефлексия.26–30 минут

Педагог ҰОҚ қорытындылайды. – Бүгінгі ҰОҚ-де қандай қызықты ақпаратты білдіңдер? – Сендерге не ұнады? (р) Педагог балаларға ҰОҚ барысындағы жұмыстарын сәттілік баспалдағы арқылы бағалауды ұсынады. – Егер сендер күн тәртібін сақтау туралы түсінбесеңдер, онда баспалдақтың ең төменгі сатысына жабырқау смайликтің суретін салыңдар. Егер барлығын түсініп, жаңа алған білімдеріңді айта алсаңдар, онда баспалдақтың ең жоғарғы сатысына көңілді смайликтің суретін салыңдар. Ал егерде өз білімдеріңе сенімсіз болсаңдар, смайликтің суретін баспалдақтың 2-сатысына салыңдар. – Кім смайликті баспалдақтың қай сатысына салды? Неліктен? Педагог мүмкіндігіне қарай түрлі пікірлерді тыңдайды

Тақырыбы:

Құлдыр-құлдыр құлыншақ

Күні: 20.11.2018

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.2.2. Бұйымды тұғырға орнату техникасын пайдалану, бір тұғырға бірнеше бұйымды орналастыру. 0.2.1.3. Жұмыс барысында жұмыс орнын, құралдарын ретке келтіру.

Күтілетін нəтиже

Барлық тәрбиеленушілер: • жылқының пішінін жасай алады; • көлемі мен өлшемі әртүрлі цилиндрлер жасай алады.

Көпшілік тәрбиеленушілер: • бөліктердің тиісті пішінін қатесіз жасайды, оларды бір-бірімен біріктіреді; • образ жасай алады.

Кейбір тәрбиеленушілер: • мүсіннің ашық, өзіне тән белгілерін ашып көрсете алады.

Тілдік мақсат

Дағдыларын дамыту: • ауызекі сөйлеу қабілеті, сұрақтарға жауап беру; • үш тілдегі сөздерге тілін жаттықтыру.

Көптілділік: ат – конь – horse.

Негізгі терминдер мен сөз тіркестері: ермексаз, пышақ, майлық, тегістеу, созу, қауіпсіздік техникасы.

ҰОҚ-де диалог/хат жазу үшін пайдаланылатын тіл:

Талқыланатын сұрақтар: – Жылқы қандай жануар? – Жылқының денесі қандай бөліктерден құралған? – Мүсіндеудің қандай тәсілдерін білесің?

Өткен ҰОҚ-дан алған білім

Ермексазбен жұмыс істеудің қарапайым тәсілдері, бұйымды құрастыру тәсілімен жасау

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(Ұ) Педагог ҰОҚ жұмыс істеуге қолайлы жағдай жасайды.

(Ұ, Ө) Ермек: фонограммаға құлақ түруге шақырады. (Ұ) Жұмбақ жасыру. Педагогтің қалауы бойынша.

(Ұ, Ө) Проблема: Ата мен әженің жылқысы жоғалып кетті. Оларға көмектесу қажет. – Ата мен әженің жылқысын қалай қайтаруға болады?

(Т) Ой қорыту. Балаларға ермексаздан жылқының мүсінін жасауды ұсынады.

(Т, Ө) Миға шабуыл. – Жылқы малы қандай болады? – Мінезі қандай? – Жылқы немен қоректенеді? – Олардың адамға көмегі қандай? – Сен қандай үй жануарларын білесің? – Олар туралы әңгімелеп бер?

Фонограмма

Жылқының кісінеуі.

III. ҰОҚ-нің

тақырыбы

бойынша жұмыс

6–25 минут

(Т) Талқылау. Мүсінші Ермек: Жылқы – таңғаларлық жануар. Олар туралы көбірек білу үшін жылқы өсіретін шаруашылыққа барайық.

(Т, Ө) Әліппе-дәптермен жұмыс. Мүсінші Ермек: Үлгілермен танысып шығыңдар. Жұмысты қандай тәсілдермен орындауға болатынын анықтаңдар. Біз қандай материал мен құралдарды пайдаланамыз?

(Ұ, Ө) «Мүсіндеу алгоритмін түсіндіру және көрсету» Мүсінші Ермек: Ермексазды бөліктерге бөлеміз. Денесін цилиндр пішіндес етіп жасаймыз. Сирақтары – конус тәріздес, денеге жапсыруға ыңғайлы болуы үшін әр конустың бір шетін кесіп тастаймыз. Басы, құлақтары иілген конус пішіндес. Құлақ, құйрығы мен жалы, айдары сынды ұсақ бөлшектерін әзірлейміз. Барлық фигураларды бір-бірімен біріктіріп, біріккен жерлерін мұқият тегістеп шығамыз. (Ұ) Ойын-жаттығу: «Сен білесің бе?» Ермексазбен және кескішпен жұмыс істеу тәртібі: 1. Ермексазды пайдаланғанда мұқият болу, үстелді, киімді бүлдірмеу, арнайы тақтайша үстінде мүсіндеу, ермексазды ауызға салмау. 2. Пластмасса кескішпен (стек) жұмыс істегенде абай болу; құралды ұстап тұрып қолыңды ары-бері сермеуге болмайды – бұл біреуді жарақаттауы мүмкін. 3. Ермексазбен (сазбалшықпен) жұмыс істегеннен кейін жұмыс орнын реттеу; тақтайшаны ермексаздан (сазбалшықтан) тазартып, үстелді дымқыл шүберекпен сүрту. 4. Жұмысты аяқтағаннан кейін қолды қағаз майлықпен мұқият сүртіп, содан соң жылы сумен сабындап жуу қажет. Артынша сүлгімен немесе майлықпен құрғатып сүртеміз.

(Т) Саусақтарға арналған жаттығу: «Жылқы». (Ө) Өзіндік жұмыс. Балаларға жеке көмек көрсету.

Проектор «Асау жүйріктер».

Әліппе-альбом.

Музыкалық сүйемелдеу. Әліппе-альбом. Түрлі түсті ермексаз, пышақ, тақтайша, қағаз майлық.

IV. ҰОҚ

қорытындылау.

Рефлексия.26–30 минут

(Ұ, Ө) Балалар жұмыстарының көрмесі. Педагог балаларды жұмыстарды талқылап, бұйымдарға баға беруге шақырады. Ермек балаларға ҰОҚ-де жасаған жұмысқа баға беруді ұсынады: 1. Жұмысына көңілі толғандар қалпақты жасыл түспен бояйды. 2. Қиналғандар қызыл түспен бояйды

Балалардың жұмыстарына арналған көрме. Әліппе-альбом, қарындаштар.

Тақырыбы:

Менің досым

Күні: 20.11.2018

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.1.1 Сөздер мен фразалардағы дыбыстарды дұрыс дыбыстау

0.1.1.1 Сөздердің лексикалық мағынасы мен мәнін түсіну, мағынасы бойынша жақын/қарама-қарсы сөздерді сөйлегенде қолдану

0.1.6.2 Өз тәжірибесі негізінде әңгіме құрастыру

0.2.1.1 Тыңдалған мәтіндегі ақпаратты сурет, сызба, белгілер қолданып жеткізу, сөздер мен фразалардағы дыбыстарды дұрыс дыбыстау

Күтілетін нəтиже

Барлық тәрбиеленушілер: Дыбыстарды ажырата біледі. Тыңдалған мәтіндердегі ақпаратты сурет, сызба, белгілер қолданып жеткізеді.

Көпшілік тәрбиеленушілер: Сөздердің лексикалық мағынасы мен мәнін түсінеді, мағынасы бойынша жақын сөздерді сөйлегенде қолданады.

Кейбір тәрбиеленушілер: Әңгімені әрі қарай өрбіте алады.

Тілдік мақсат

Тәрбиеленушілер: Сөздердің мағыналарын түсінеді, сұрақтарға жауап береді, әңгіме құрастырып айтады, диалог арқылы сөйлесе алады.

Көптілділік: дос – друг – friend достық – дружба – friendship

Негізгі терминдер мен сөз тіркестері: Татулық, қайырымдылық. Пікір алмасу сұрақтары: Балалар, сендерге жалғыз ойнаған немесе серуендеген ұнай ма? Достық дегенді қалай түсінесің? Достарыңмен бірге уақытты қалай өткізесің? Қандай ойындарды ойнағанды жақсы көресің?

Өткен ҰОҚ-дан алған білім

Отбасы мүшелерін ажырата біледі.

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

(Ұ) Шаттық шеңбері:

Біздің топта балалар,

Тату-тәтті ойнайды.

Дос көңілі әрқашан

Тек жақсылық ойлайды.

Педагог: Балалар, сендерге жалғыз ойнаған немесе серуендеген ұнай ма? Балалар өз ойларын ортаға салады, пікір алмасады. Жалғыз ойнасақ, жалғыз серуендесек, жалғыз тамақтансақ, көңілсіз екен. Сондықтан біз жалғыз қалмас үшін бізге дос, жолдас керек.

III. ҰОҚ-нің

тақырыбы

бойынша жұмыс

6–25 минут

Әліппе-дәптермен жұмыс:

1-тапсырма. Досың туралы әңгімеле. Сенің ең жақын досың кім? Оның жас нешеде? Досың қайда тұрады? Неліктен сен оны жақын досым деп санайсың? Ойын-жаттығу: «Сөйлемді аяқта». Мен өз досымды адал деп санаймын, өйткені ... Мен өз досыммын ... бөлісемін. Мен өз досыма көмектесемін және ... Әліппе-дәптермен жұмыс:

2-тапсырма. Мақалдардың мағынасын түсініп ал. Досы көпті жау алмайды, Ақылы көпті дау алмайды. Дос бәрінен де қымбат. 3-тапсырма. Досыңның суретін сал.

Сергіту сәті:

Біз балалар бағында

Тұрамыз өте көңілді.

Көп болсақ та достықпен

Өткіземіз өмірді.

Әліппе-дәптермен жұмыс:

4-тапсырма. Досыңмен бос уақытыңды қалай өткізетініңді сызба бойынша әңгімеле. Педагог балалармен бірге шартты белгілерді талқылайды. Көптілділік: дос – друг – friend достық – дружба – friendship Педагог әңгімені тыңдауды ұсынады. Арман ойыншық құлыншағын алып, аулаға ойнауға шықты. Ауладағы тентек бала Қайсар Арманның құлыншағымен ойнап жүріп, аяғын сындырып қойды. Құлыншақты Арманға қайтарып берді. Ал Арманның досы Қуаныш Қайсарға бұл істеген ісі жөн емес екендігін айтты да, ... (Балалар әңгімені өздері жалғастырып айтады.) Тіл ұстарту: Ша-ша-ша – пісіп тұр алша. Ос-ос-ос – бәрі бірге дос. (Т) Дидактикалық ойын: «Досыңды тап». Балалар екі топқа бөлінеді. Бір топтың балалары көздерін таңып, өз достарын табуы керек. Олар өз досын қолын, шашын, киімдерін қолмен ұстап, сипау арқылы табады. Әліппе-дәптермен жұмыс: 5-тапсырма. Досыңа не сыйлар едің? Белгіле.

Әліппе-дәптер

Әліппе-дәптер

IV. ҰОҚ

қорытындылау.

Рефлексия.26–30 минут

Педагог қорытынды жасайды. Балаларды марапаттайды. (Ө) Рефлексиялық бағалау: өз жұмысын бағалап қорыту. Балалардан құлыншақты түсті қарындашпен бояуын сұраңыз: Ештеңе түсінбедім – қызыл қарындашпен; Түсіндім, бірақ түсіндіре алмаймын – сары қарындашпен; Бәрін түсіндім, басқаға түсіндіріп бере аламын – жасыл қарындашпен.

Әліппе-дәптер

Түрлі-түсіт карандаштар

Тақырыбы:

Жануарлардың достығы.Ы дыбысы мен әрпі

Күні: 21.11.2018

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.4.1. Сұрақтарға жауа беріп, өзіне таныс тақырып аясында диалогке қатысу

. 0.2.1.1. Сөз/сөйлем сызбасын құру жəне оқу

. 0.2.1.2. Берілген суреттерден ақпаратты табу.

0.1.1.1. Сөздегі дыбыстарды, олардың түрлерін (дауысты, дауыссыз, жуан жəне жіңішке дауыстылар) ажыратып, дұрыс дыбыстау.

0.1.1.2. Сөзді буынға бөлу, сөздегі буын санын жəне орналасу ретін анықтау

. 0.1.2.1. Жазу жолдарына Ы əрпінің баспа түрін жазу.

Күтілетін нəтиже

 Барлық тəрбиеленушілер: Сұрақтарға жауап қайтарады. Сөздегі дыбыстарды, олардың түрлерін (дауысты, дауыссыз, жуан жəне жіңішке дауыстылар) ажыратады. Ы дыбысы – дауысты дыбыс, жуан дауысты. Ы дыбысының айтылуын дұрыс дыбыстайды. Суреттегі заттардың аттарын атай алады, сөздегі ы дыбысының орнын ажыратады. Ы дыбысын қатыстырып, сөз, сөйлем құрастырады. Ы дыбысының баспа түрін жазады

Көпшілік тəрбиеленушілер орындай алады:

Берілген суретке қарап сөздегі дыбыстарды, олардың түрлерін (дауысты, дауыссыз, жуан жəне жіңішке дауыстылар) ажыратады. Сөздегі дыбыс санын, ондағы ы дыбысының орнын ажыратады. Ы дыбысына сөз ойлайды. Сөйлемдерді интонация бойынша ажырата отырып (хабарлы, сұраулы, лепті), сөйлеу барысында қолданады. Ы дыбысына (дауысты, жуан дауысты) сөз құрайды. Жазу жолына Ы əрпінің элементтерін жазады.

Кейбір тəрбиеленушілер: Кейбір тəрбиеленушілер орындай алады: Суретті кітаптардан қажетті ақпаратты табады. Өзіне таныс тақырып аясында диалогке қатысады. Сөз/сөйлем сызбасын оқиды.

Тілдік мақсат

Тəрбиеленушілер: Суреттер бойынша сұрақтар құрастыру. Суретте бейнеленген оқиғаны өз жағдайларында əңгімелеп жалғастырады. Сөйлем, сөз, буын туралы біледі.

ҰОҚ-дағы тапсырмалар мен диалогтерде қолданылатын тіл:

Пікір алмасу. Суретте не болып жатыр деп ойлайсың? Ит пен қасқыр неге өш деп ойлайсың? Ы дыбысы естілетін сөздерді буынға бөліп айт. Ы нешінші буында?

Өткен ҰОҚ-дан алған білім

Өткен ҰОҚ-дан алған білім

Дыбыстарды ажыратады. Сөйлем түлерін қолданады. Қолды үзбей жазады. Жануарлардың дауысын келтіреді.

Жоспар

Жоспарланған уақыт

І. Оң көңіл күй

орнату.

0–1 минут

II. Өмірлік

тәжірибені

өзектендіру.

Мақсат қою

2–5 минут

Балалармен шаттық шеңберін құру.

Қосыл,қосыл шаттық шеңберіне,

Нағыз адал дос болып.

Қосыл,қосыл шаттық шеңберіне,

Ең сенімді дос болып.

(Ұ)«Артығын тап!» дидактикалық ойын. Педагог жануарлардың суретін бес-бестен топтастырып тақтаға іліп қояды. Балалар жабайы жануарлар мен үй жануарлары туралы айтады. Суреттегі жабайы жануардан артық жануарды қоршап көрсетеді. Үй жануарларының ішінен жабайы жануарларды тауып қоршайды.

Суреттер

III. ҰОҚ-нің

тақырыбы

бойынша жұмыс

6–25 минут

(Ұ,Ө) Əліппе-дəптермен жұмыс

1-тапсырма.Педагог балалардың көңілін суретке аударады.

Суреттегі жануарларды атайды.

Жануарлардың қоректенуі туралы қысқаша əңгіме жүргізу.

Суреттегі жануарлардың жəне заттардың қайсысынан ы дыбысы естіледі. Балалар ы дыбысы бар сөзді анықтайды.

2-тапсырма.Сұраққа сөйлем сызбасымен жауап бер. Шырын құлынға не берді?

Ы – дыбысы – дауысты дыбыс. Ы дыбысын айтқанда тіліміз артқа жылжиды.

3-тапсырма. Ы əрпімен таныстыру.

Педагог балаларға қағаз қыстырғаштар таратады. Олардан Ы əрпін жасатады.

Ы əрпін құрастыр.

Балаларға үлгі ретінде Ы дыбысының түсті жіптерден, қағаз қыстырғыштан жасалған суретін беріп, түрлі түсті қағаз қыстырғыштарды береді.

Балалар қағаз қыстырғыштардан Ы əрпін құрастырады.

Балалар Ы əрпінің баспа түрімен танысады.

4-тапсырма. Өлеңді оқиды. Ы дыбысы кездесетін сөздерді тапқызу: ыз-з, дыз-з. Логикалық сұрақ: Сіріңкенің ішінен ы дыбысын тап. Жауабы: шырпы.

Шырпы «Ыз-з!» етті

Саусағым «Дыз-з!»

(Ұ) Сергіту сəті

Қошақаны қойдың,

Қайда қалып қойдың?

Бұлтиып тұр бүйірің,

Қай өрістен тойдың?

Балалар өлең жолдарын қимылмен айтып, естеріне сақтайды.

5-тапсырма. Р əрпін теріс жазғанда Ы əрпінің бөлігін бейнелеуге болатынын түсінеді.

Ы дыбысын баспаша жазуға, бастырып сызуға тапсырма беріледі.

Балалар бастырып жазады.

Жазу жолдарына Ы əрпінің баспа түрін жазады

Əліппе-дəптер.

Ит, мысық, тауықтың суреттері.

Əліппе-дəптер.

Қағаз қыстырғыштар, жəне жіп.

Ы əрпі жазылған плакат

Музыканың сүйемелдеуімен орындайды.

IV. ҰОҚ

қорытындылау.

Рефлексия.26–30 минут

Педагог қорытынды жасайды. Балаларды мадақтап, қай тапсырманы орындау

Əліппе-дəптер

28-30 мин.

қызықты болғанын сұрайды. Қай тапсырманы орындау қызықты болды? (Ұ,Ө)Рефлексивтік бағалау. Балалар өз жұмыстарын смайликтер арқылы бағалайды

Әліппе-дәптер

Тақырыбы:

Біз спортпен айналысып тез өсеміз

Күні: 21.11.2018

Педагогтың аты-жөні:Л.И.Молдагалиева

Даярлық сыны: О "А"

Қатысқандар саны

Қатыспағандар саны

ҰОҚ-ның

оқытылу мақсаттары

0.1.2.1. Организмнің шынығуы мен төзімділігін нығайту үшін түрлі жүктемелерді біртіндеп арттыра отырып дене жаттығуларын орындау.

0.2.1.2. Жүру мен жүгірудің негізгі түрлерін орындау, оларды кезек алмастыру, қарапайым дене жаттығуларымен ұштастыру.

0.2.1.4. Секірудің әртүрлі түрлерін орындау, тепе-теңдікті сақтай отырып өзгермелі жағдайларда секіру.

0.2.2.1. Дене қуаты қасиеттерін көрсету: әртүрлі дене әрекеті түріндегі ептілік, жылдамдық пен реакция.

Күтілетін нəтиже

Барлық балалар орындай алады: Қозғалыс кезінде екіден, бірден тізбекке тұру. Бір-бірінің артына, қатарынан тізіліп, жұптасып тізбекке тұру. Аяқты артқа қарай тізеден бүгіп, тізені жоғары көтеру. Қозғалыс кеңістігінде жұппен қауіпсіз жұмыс жүргізу. Зал кеңістігінде бағдар таба білу. Орындықта/бөренеде еңбектеу.

Балалардың көпшілігі орындай алады: Малдас құрып отырып бастан асырып доп беру. Жүгіріп келіп баланың жоғары көтерілген қолынан 25 см биіктікке ілінген затқа (таспа) секіріп қол тигізу.