Жамбыл облысы әкімдігінің білім басқармасы Шу ауданының білім

бөлімінің «Раушан» бөбекжай-бақшасы» КМҚК

Ертеңгілік:

«Ер есімі- ел есінде»

Тәрбиеші: Сулейманова Г

2024- 2025 оқу жыл

Тақырыбы: «Ер есімі- ел есінде» 
Мақсаты: Балаларға адамгершілікке, отанын сүюге, оны қорғауға баулу. Отанға деген сүйіспеншілігін арттыру. Оларға патриоттық тәрбие беру. Балаларды Ұлы Отан соғысымен, қазақстандықтардың ерлік істерімен таныстырып, ой - өрісін дамыту. Балаларды үлкен адамдарды сыйлай білуге, оларды қадірлеуге тәрбиелеу.

Жүргізуші: Жеңіс күні 9-мамыр – бүкіл дүниежүзі бойынша үлкен мейрам. Әсіресе, бұл мерекені екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрам

«Әнұран»

Жүргізуші: Бүгінгі мерекелік шара Ұлы Отан соғысында құрбан болған аталарымыз бен әкелеріміздің, мәңгі жас болып, жадымызда сақталған жауынгерлер мен офицерлер рухына, бейбіт кезеңде дүниеден өткен ардагерлерге, бүгінде ортамызда жүрген Ұлы Отан соғысы ардагерлерінің құрметіне арналады.

Аз емес зар жылаған, егілген жан,
Аз емес өшкен өмір, төгілген қан.
Кеудеге зілді қасірет салды соғыс.
Қирады талай арман көңілге алған
Ұлы Отан соғысына қатысқан: Бауыржан Момышұлы, Мәншүк Мәметова, Әлия Молдағұлова, Мәлік Ғабдуллин, Талғат Бигелдинов т.б.және де өз жерлестеріміз де бар.
Ол кісілерге құрметпен бас иеміз. Ал осы бейбіт өмірге жете алмаған, ерлікпен қаза тапқан ағаларымыз бен апаларымыздың рухына бас иіп, еске алайық. Жеңіс туын желбіретуде қан кешіп, кеудесін оққа тосқан боздақтарымызды бір сәт үнсіздікпен еске алайық.
(1 мин үнсіздік)

Поэзия «Ленинградтық өренім» Жамбыл Жабаев

Би «Көк орамал»

Жүргізуші:

Ұлы жеңіс
Сүйінші, халқым, Сүйінші!
Сүйіншіге сүйінші!
Шаттан, ата - анамыз,
Шаттан, аға - бабамыз,
Кек қайтарып фашистен,
Соғыс бітті жеңіспен,
Жеңдік жауды күресте
Жасалсын той - мереке,- деп Таир Жароков айтпақшы міне,

Ұлы Отан соғысының жеңіспен аяқталғанына 80 жыл өтті. Бұл сол кездегі кеңес халқының ержүректілігі мен төзімділіктерін паш ететін, тарихта мәңгілік қалатын күн
Ән:  «Жеңіс туы желбіреп»  Ересек топ

Би «Смуглянка» Ортаңғы топ

Жүргізуші:

Жеңіс деген шат күлкісі баланың,
Тыныштығы жер мен жаһан даланың.
Жеңіс деген сылдыр күлкі, асқақ ән,
Тыныштығың сол Жеңістен басталған,- дегендей Ұлы Отан соғысын жырға қосқан ақындарымыз да кем емес.

Зейнап

Әлия Мәншүк апамыз,

Бауыржандай атамыз.

Фашистерден Отанды

Қорғап батыр атанды

Хамза

Әлияны бұл күнде,

Барлық бала біледі,

Әлия атты көңілде,

Әпкеміз деп жүреді.

Мұхамеджан

Біз еліктеп өсетін,

Батырларың десе кім?

Әлия,Мәншүк апамыз

Бауыржан біздің атамыз.

Томирис

Жеңіс келді далама,

Жеңіс келді қалама.

Жеңіс келді әке боп,

Елдегі бар балаға,

Қадиша

Баламын мен бүгінде,

Кіп-кішкентай баламын.

Ертең менде өскенде,

Ел қорғауға барамын.

Жұлдыз

Жеңіс келді ән болып,

Келді ауылға сән болып.

Жеңіс келді, алақай!

Тоя жейтін нан болып.

Би «Катюша» Ересек топ

Жүргізуші:

80 жыл – бейбіт көктем таң атқалы,
80 жыл – шуақты күн таратты әнін.
Есімде сонан бері  80 рет
Ашылды жеңіс күннің парақтары

Ән «Біз бақытты баламыз» МАД тобы

Би «Сарбаздар»

Жүргізуші:

Отанымызды сүйіп, қастерлей білейік. Ата - баба дәстүрін, әдет - ғұрпын берік ұстанып, үлкенге ізетті, кішіге ілтипатты болайық. Оңайлықпен келмеген тәуелсіздігіміздің туы мәңгілік желбіреп тұрсын.
Ел - жұртымыз аман, берекелі заман болсын! Отанымызды сүйетін азаматтарымыз көбейе берсін!