Ертеңгілік: 1-қазан қарттар күні .Мектеп алды даярлық тобы

1-қазан-қарттар күні

Мақсаты: бала бойына халқымыздың асыл қасеттерін сіңіру, үлкенді сыйлау, өз ата-бабасын ұмытпай сақтау үшін және салт-дәстүрден нәр алып өсуіне, инабаттылыққа, жақсы мен жаманды ажырата білуге аталы сөзден ғибрат алуға тәрбиелеу.

Көрнекілігі: тақырыпқа байланысты суреттер, слайд шоу, музыкалық аспаптар.

Барысы:

Жүргізуші: Мерекелеріңіз құтты болсын ата-апа!

Көкіректен жыр төгілмей жата ма!

Зейнетіне жеттіңіздер өмірдің,

Кенеліп бір ілтипатты батаға.

Қадірлі ата-әжелер бүгінгі күні біз сіздерді мерекелеріңізбен шын жүректен құттықтаймыз. Сіздерге зор денсаулық, ұзақ ғұмыр тілейміз. Сіздер жас ұрпаққа әрқашан төзімділіктің, даналықтың үлгісі болып келесіздер.

Бүгінгі салтанатты мерекелеріңізбен құттықтауға сөз кезегін балабақша меңгерушісі: Аршимбаева С.И берейік.

Жүргізуші:

Асыл әжем, мақтанышйым менің де

Қонақ болйып отыр міне төрімде.

Өзіңе арнап былай тәтті үніммен

Ән салатын кезім келді менің де.

Бүлшіндеріміздің орындауында: «Сағындым әже сағындым» әнін қабыл алыңыздар.

Жүргізуші: Ал, сендер әжелеріңді жақсы көресіңдер мен?Сыйлайсыңдар ма? Әжелерің қандай жақсы екен!, Әжелеріңді сыйлайды екенсіңдер!,Қандай керемет!

Жүргізуші: Балалар сендер ата-әжелерің туралы қандай тақпақтар білесіңдер?

Тақпақтар

1-бала Менің әжем, ақ әжем,

Ұл мен қыздың бағы әжем.

Ертегі айтып бер десем,

Айтып береді тағы әжем.

2-бала Менің әжем, гүл әжем.

Алтын әжем,нұр әжем

Анам үшін, мен үшін,

Нағыз әжем, тіл әжем.

3- бала Менің әжем,жыр әжем

Шуағы мол нұр әжем.

Ақ таяққа сүйеніп,

Аман-есен жүр әжем.

4-бала Бесігімен бөлеп алып,

Сен тербетсең қалғимын.

Жүрегімен сіңіп жатыр,

Сенің айтқан әлдиің.

5-бала Ата-үлкен кәріміз

Қуат берер дәріміз.

Әулиедей аялап,

Ардақтаймыз бәріміз.

Жүргізуші:Ата көрген оқ жанар

Ана көрген тон пішер ,-демекші бүлдіршіндеріміздің көрінісін тамашалайық.

Жүргізуші: Ата ардақты тұлға. «Әкеден ұл тусайшы, ата жолын қусайшы»-деп халық ұрпаққа атаның мұрасын жалғастыруды уағыздайды. Ата ұрпағының қайырымды, мейірімді, ақылды, іскер болуын тілеп сол үшін қамқорлық іс-әрекеттеін жерге жеткенше дамыта береді, өнеге көрсетеді, өсиет айтады.

Би: «Әжелер» биі

Жүргізуші: Баламның табанына кірген шөгір, менің маңдайыма кірсейші дейтін әжелер мен аталардан үлгі өнеге көріп келе жатқан кішкентай тентектерімізді ортаға шақырайық.

Балалардың түрлі аспаптармен орындауында «Келіншек» күйі.

Ән: «Қошақаным» әні.

Жүргізуші:Аппақ шашың күн сайын қылаңдаған,

Зейнет емес бейнеттен арылмаған.

Тәңірімдей табынып өтем мәңгі,

Қариялар өзіңді ел сыйлаған-дей келіп, мерекелік шараны аяқтай отыра «Батамен ел көгерер, жаңбырменен жер көгегер» демекші ата-әжелер бата, ізгі ниет-тілектеріңіз болса, сөз кезегін өздеріңізге береміз.