Ертеңгілік " Алтын күз"

Ертеңгілік : Алтын күз !

Тақырыбы : « Алтын күз , әсем айналам . Еліне береке сыйлаған »

Музыка ойнап әсем безендірілген залға балалар келіп кіреді.

Жүргізуші : Қарсы алайық бәріміз ,

Жасымыз бен кәріміз.

Қырдан кепті қыдырып ,

Алтын күз бізге нұр төгіп.

Тілегім аман болсын ел іргесі ,

Алтын күз қайта келді берекесі .

Молшылықтың жаршысы бола білді ,

Алтын күз-ырыс береке ,бірлік ала келді.

Армысыздар ұстаздар мен ата- аналар! Ересектер « Қызғалдақ» тобының «Алтын күз,әсем айналам. Еліне береке сыйлаған» атты ертеңгілігімізге қош келдіңіздер! Балалар мен сендерге бір жұмбақ жасырғым келіп тұр. Көк майсалы көрікті , алқаптағы көп егін, Бұл күндері киіпті , сары жібек көйлегін . – Бұл не балалар ? ( Күз мезгілі) Ендеше күз мезгіліне арналған өлең шумақтарын тыңдайық.

Нұрасыл : Көбейді құт береке ,

Астық толы қоймамыз.

Құтты болсын мереке,

Алтын күзді тойлаймыз.

Нұрай : Қара бұлт қабағын түйеді ,

Бұталар боз қырау киеді .

Осы ма , осы ма күз деген,

Бақшаға баратын бізбенен .

Айзере : Сап – сары ғып даланы ,

Бояпты ғой күз деген ,

Құстар қанат қағады,

Қоштасқандай бізбенен.

Аружан : Қуандырып біздерді ,

Мерекелі күз келді.

Кел жемісті алтын күз,

Кемелденсін халқымыз .

Жүргізуші : Құлақтан кіріп, бойды алар,

Жақсы ән мен тәтті күй .

Көңілге түрлі ой салар,

Әнді сүйсең менше сүй – дегендей балапандарымыздың әсем әнін тамашалаңыздар. Ән : « Сабан той» . Балалар бізге қонақ ткеле жатқан сияқты .Ол кім болды екен ? Күз ханшайымы : Сәлем менің достарым ,

Өмірге көп қосқаным.

Күз сыйлығын алыңдар ,

Сыйлығына қаныңдар .

Молшылыққа кенеліп,

Шаттық әнге салыңдар .

Жүргізуші : Сәлеметсіз бе, Күз ханшайымы ? Біздің балалар сізді асыға күтті . Күз ханшайымы : Армысыңдар , менің достарым! Мен сендерге құр қол келген жоқпын , жұмбақ ала келдім. Қане кім шешеді екен ?

1 Бұтақта ілініп тұрмын ,

Піскенде себетке құладым. ( Жеміс)

2 Ашулы қонақ бұл анық ,

Тонын шешсе жыладық. ( Пияз)

3 Өсірер тың далада,

Көшірер қамбаға .

Айналар нанға да . ( Бидай)

4 Сырты қатты ,

Іші тәтті . ( Қарбыз)

5 Өсірдім ұлпа қар ,

Шешуін кім табар . ( Мақта )

Жүргізуші : Теңіздей тербетіле көл бетіне ,

Бишілер билеп кетті тербетіле .

Аққудай қалықтаған теңіздегі ,

Бишілеріміз өнерлерін көрсетуде. Келесі кезекте сұлу қыздарымыздың биін тамашалайық. Би : « Күзгі сурет »

Жүргізуші : Күз ханшайымы , біздің балалар егін және күз жайлы мақал – мәтелдер біледі. Абылай : Екпей егін шықпас,

Үйренбей білім жұқпас. Алтынай : Жердің сәні егін ,

Ердің сәні білім .

Арайлым : Егіндікті күз суар ,

Күз суарсаң жүз суар .

Батыр : Арпа , бидай ас екен ,

Алтын күміс тас екен .

Досжан : Не ексең соны орасың.

Ерасыл : Жері байдың – елі бай .

Қойылым : « Дәрумен »

Қарақат : Тоқтаңдар ,тоқтаңдар ! Бойыман әл құрып , көздерім бұлдырап ,басым айналып барады. Адия : Енді , енді не істейміз , Қарақатқа қалай көмектесеміз ?! Дегдар : Сабыр сақта , саспайық . Дәрігер шақырайық ! Қарақат : Жо-жоқ , дәрігер керек емес , қазір өзім тұрамын тез. Адиля : Онда дәрі ішіп ал , менде міне көп дәрі бар .

Нұрислам : Ауырмау үшін суық суға шомылу керек . Бұл - дәлелденген рецепт! Қарақат : Ах ! Бәрі бірге : Дәрігер , дәрігер ! ( жедел жәрдем көлігінің дыбысы естіледі,дәрігер киімін киген бала келеді) Нұржібек : Мені неге шақырдыңдар , қандай арыз шағымдарың бар ? Бәрі бірге : Қарақатқа дәрігерлік көмек керек ! Нұржібек : Қазыр қарап шығайын . Неден ауырғанын ұғайын ... (Фонендоскоппен кеудесін тыңдайды ) Нұржібек : А-а-а- деп қане , аузыңды ашшы .... (тексерді) Тістерің орнында , тамағың іспеген , қол аяғың әлсізденген , қызуың ыстық екен.Білдім неден ауырғаныңды ...! Жеткілікті мөлшерде ағзаңы дәрумендер жетіспеген ! Қарақат: Енді не істеймін ? Нұржібек: Дәрумендер табиғи болғаны дұрыс . Көп-көп көкөністер мен жемістер жеуге тырыс ! ... Жүргізуші : Балалар, ендеше Эфирде – « Күзгі бақша » телеарнасының , қызанақ кориспондентінен бақшада қандай өзгерістер ,қандай жаңалықтар болып жатыр,хабарласып көрейік ! -Сәлеметсізбе ,мені естіп тұрсыз ба ? Бақшада қандай өзгерістер , қандай жаңалықтар болып жатыр ? Қызанақ – кориспондент : Сәлеметсіңдер ме балалар ! Бақшада жемістер де көкөністер де пісіп жатыр , бірақ кім оларды жинап алады , мен білмеймін ! Мүмкін сендер көмектесіп жібересіңдер ?! Жүргізуші : Әрине біздің балалар , көмектесіп көкөністер мен жемістерді жинап береді. Ойын « Жемістер мен көкөністер » . Залға 4 шеңбер қойылады ( олар үлкен себет болады) 4 баланың басына – өрік , қызанақ , орамжапырақ , жүзім маскаларын кигізеді . Балалар 4 командаға бөлінеді . Музыка қойылады , бастаңдар деген команда берілгенде балалар жайылып жатқан жемістерді теріп жинап өз себеттеріне тастайды . Кейін ойын қайталанады. Күз ханшайымы : Бәрекелді балалар , керемет болды ! Жүргізуші : Қызанақ саған көп рахмет .Біз бақшада қандай өзгерістер бар екенін білдік. Ендеше балалардың өлеңін тамашалайық. Ән « Урожай » Жүргізуші : Балалар күзде , аңдар да қысқа дайындалады . Қорек жинап күздің сыйлығына рахмет айтады . Ендеше эфирде – « Күзгі орман » телеарнасының кориспонденті - Қоянға сөз берейік ! -Сәлеметсіз бе Қоян!Күзгі орманда не болып жатыр, аңдар қысқа қалай дайындалды?

Қоян – кориспондент : Сәлеметсіңдер ме балалар ! Орманда көптеген өзгерістер болып жатыр .Барлық аңдар қыс мезгіліне азықтарын дайындап жатыр.Балалар мен сендерге жұмбақ жасырайын ал сендер шешуін табыңдаршы.

Үсті толы ине , Өзін қорғай алады Домаланып қалады . қандай аң ? Балалар : Кірпі. Қоян – кориспондент : Дұрыс балалар ! Бұтақтан бұтаққа секірген, Кішкентай ғана шапшаң аң. Балалар : Тиін ! Қоян – кориспондент : Дұрыс ! Балалар сендер білесіңдер ме , тиін мен кірпі қорек жинамапты. Мүмкін сендер көмектесіп жібересіңдер ? Жүргізуші : Әрине көмектесеміз ! Балалар кірпі қандай азық жинайды , ал тиін ше? Балалар : Тиін – жаңғақ , Кірпі – алма жейді . Олай болса кірпіге алмаларды ,тиінге жаңғақтарды жинап береміз ! Ойын : « Жаңғақтар мен алмаларды себетке жинап ал » Жүргізуші : Досы көпті жау алмас деп бекер айтпаған ! Міне біздің балалар тиін мен кірпіге көмектесіп жібереді . Енді жігіттеріміздің биін тамашалайық. Би : « Джентельмен » Күз ханшайымы : Бәрекелді балалар , керемет билейді екенсіңдер , жарайсыңдар! Жүргізуші : Ендеше біздің « Қызғалдақ » тобының орындауында бір әсем ән , қабыл алыңыздар ! Ән : « Жомарт күз » Жүргізуші : Күз ханшайымы ! Біздің қыздарымыз аналары тіккен күздік киім үлгілерін көрсетпекші. Ендеше « Алтын күз – 2018 » күзгі сән үлгісін ортаға шақырамыз ! Қошеметпен қарсы алыңыздар ! Күз ханшайымы : Керемет , тамаша , қандай әдемі ! Балалар менің басқа балабақша бүлдіршіндеріне баратын уақытым болды. Мен енді кетейін , келесі кездескенше сау саламатта болыңдар ! Жүргізуші : Құрметті қонақтар , ата – аналар бүгінгі «Алтын күз , әсем айналам . Еліне береке сыйлаған » - атты ертеңгілігімізді аяқтай отырып , күз берекелі , астықты болсын демекпіз . Сау болыңыздар қонақтар , келгенше жыл айналып!