Ертеңгілік "Ана тілім - ардақтым"

Алматы облысы Қарасай ауданы Шамалған ауылы «Бота» балалар бақшасының тәрбиешісі Авталив Акерке

Білім беру саласы:Коммуникация
Бөлімі:Тіл дамыту.
Тақырыбы: «Ана тілім ардақтым»
Мақсаты:Балаларға тіл туралы түсінік беру.
Білімдерін , сана сезімін арттыру,мақал-мәтел,жұмбақ, тақпақ айтқыза отырып,сөздік қорын молайту.Ана тіліне деген сүйіспеншілікті оятуға тәрбиелеу.
Әдіс-тәсілдері:әңгімелесу.түсіндіру, сұрақ-жауап.
Көрнекіліктер:Тіл туралы жазылған нақыл сөздер.
Билингвальды компонент:ана тілі-родной язык.
Шаттық шеңбері:
Біз балдырған тең басқан,
Дос құшағын кең ашқан.
тілегіміз тыныштық,
Ашық болсын кең аспан.
Мықты болсын іргеміз,
Бәрімізде біргеміз.
Жүргізуші: Құрметті қонақтар,балалар сіздерді, «Ана тілі» мерекесімен құттықтаймын!
-Бүгінгі тіл мерекесіне орай «Тоты» ересек тобының мерекелік ертеңгілігін бастауға рұқсат етіңіздер!
Яғни 1998 жылғы 20-қаңтардағы жарлығына сәйкес, 22-қыркүйек «Қазақстан халықтарының тілдері күні» мерекесі болып аталып келеді. Қазақстан тіл туралы заңында Республика халықтарының тілдерін қолдау мен дамыту құқықтығы бекітілген.
-Осы «Тіл» мерекемізге ақ жаулықты анамыз шашуын ала келіпті.,қарсы алайық.
Хор: «Ана тілін сүйеміз»
Тіл туралы бейне жазбаны тамашалайық.
Жүргізуші: «Туған тілім-бабам тілі-өз тілім,
Туған тілім-дана тілі-өз тілім.
Туған тілім- дала тілі- өз тілім,
Туған тілім- ана тілім- өз тілім
Туған тілде сыры терең жаным бар,
Туған тілде әнім менен сәнім бар.
Туған тілім тіл болудан қалса егер,
Жүркгімді суырып-ақ алыңдар»-дегендей,өздерің секілді бала Жамбыл
ақынның «Ана тілі» туралытақпағын тамашалайық.
Жүргізуші: келесі кезекті өлең шумақтарына берейік.
Амира: Жетер болды ,енді әркімге ермейік,
Қазақ болып ,құлашты бір сермейік.
Қанға сіңген ана тілін халқым-ау,
Шұбарлауға ешқашан жол бермейік.
Айгерім: Әрбір тілде сөйле әлемді таң қылып,
Ана тілін білмеу қалай заңдылық.
Өсер бабаң , байтақ далаң тұрғанда,
Қазақ тілің жасау керек мәңгілік.
Бағлан: Сүйсең өз тіліңді,
Боласың білімді,
Өз тілің үйретер,
Өнерді ғылымды,
Ардақта тіліңді.
Көрініс: «Ата мен немере»
Жүргізуші: Құлақтан кіріп бойды алар,
Әсем әнмен тәтті күй.
Көңілге түрлі ой салар,
Әнді сүйсең менше сүй.- деп Абай атамыз айтқандай Ибрайым Нүсіпжановтың
«Ана тілін сүйеміз» әнін қабыл алыңыздар.
Жүргізуші:Ана тілім өзгелерден бөлексің,
Бала жүрек саған арнап жыр төксін.
Қай асылға теңесемде жарасар,
Ана тілім-баға жетпес өнерсің-дегендей кезекті өлең шумақтарына берейік.
Ибрайым: Отан- сенің ата –анаң
Отан –досың бауырың.
Отан-- өлкең астанаң
Отан- аудан, ауылың.
Фатима: Тілім барда мақтанам,
Тілім менің аппақ ән.
Бірлігімді бүгінгі,
Ана тілім сақтаған.
«Мақал-мәтелдің ұйқасын тап» ойын ойнайық.
Өнер алды ...................(Қызыл тіл)
Бас кеспек бар болсада ................ (Тіл кеспек жоқ)
Тіліңмен жүгірме.......................... (Біліміңмен жүгір)
Піл көтермегенді ...................... (Тіл көтереді)
Ашуың келсе ....................(Қолыңнан тарт)
Туған жерің түп –түп қазығың, айбының,
Туған тілің -сатылмайтын байлығың.
Туған дәстүр салт-санасытірегің,- деп Мұхтар Шаханов атамыз айтқандай тіліміз тұғырлы болсын.

Жүргізуші: Көк туың биік желбіреп,
Ана тілі жасасын.
Мерекемен құттықтап,
Гүл сыйлаймыз біз бүгін.
Құрметті қонақтар, балалар бүгінгі мерекеміз құтты, тіліміз тұғырлы мың жасасын.