Ертеңгілік "Берекелі күз келді"

«Балдырған» балабақшасы

«Берекелі күз келді»

(ертеңгілік мереке)

«Балапан» ересектер тобы

Тәрбиешілер: Ақбаева Ә.

Оңғарбаева Г.

2012-2013 жж.

Балалар көңілді әуенмен залға кіреді. Қолдарында сары жапырақтарымен тербеле шеңбер бойымен жеңіл жүреді, жапырақтарды ортаға лақтырады.

Жүргізуші:

Берекелі күз келді,

Мерекелі күз келді!

Кел, жемісті алтын күз,

Кемелденсін халқымыз!

Қонақтарға, балаларға салтанатты мерекенің ашық екенін жариялап, көріп тамашалауға шақырады.

Күз туралы балалардың тақпақтары.

1. Берекесін сыйлауға,

Өлкемізге күз келді.

Жемістерін жинауға,

Шақырады біздерді.

2. Көк майсалы көрікті,

Алқаптағы кқп егін,

Бұл күндерде киініп,

Сары жібек көйлекті.

3. Сұр бұлт түсі суық қаптайды аспан,

Күз болып дымқыл тұман жерді басқан.

Білмеймін тоңғаныма тойғаныма,

Жылқы ойнап, бие қашқан, тай жарысқан.

Ән: «Күз келгенде»

Шар ұшып залға кірді. Балалардың назары шарға аударылды. Шардың ұшында жапырақ байланған жазу болады. Онда күз айларың атаңдар деп тұрады.

Есіктен 3 қыз кіріп келеді.

Қыздар, біздің атымызды кімдер атап шақыртып жатыр? Біз өзі қайда келдік? – деп таңданады.

Жүргізуші: Сәлеметсіңдер ме, ару қыздар, сіздер кім боласыздар?

Қыркүйек:

Күн ғой бір ең тәуір,

Бірінші қыркүйек.

Қоңырау соғылды,

Күміс күй төгілді.

Білуге талпынған,

Балалар жиылды.

Қазан: Менің атым – Қазан, жиын-терімнің соңғы айымын. Еңбекқор елді той-думанға кеңелтемін.

Қараша: Күздің соңғы айы – Қараша мен боламын. Күннің суытып, қыстың жақын қалғанын еске саламын.

Жүргізуші: Жарайсыңдар, бізге қонақ болыңыздар, күздің мерекелік күндерін бірге тамашалап қайтыңыздар.

Балаларға жұмбақ жасырылды.

1. Ағайынды барлығы,

Шықса – көк, түссе – сары? (жапырақ)

Балалардың тақпақтары

Би: «Жапырақтар» (қыздар биі)

Ойын: 3 бала шығып, жерден тез жапырақтарды жинап, гүл шоғын жинап, қыркүйек, қазан, қарашаға сыйлайды.

«Алтын күз» залға кіреді.

Жүргізуші: Қош келдің, Алтын күз! Өзіңмен бірге береке-байлық, молшылық, тоқшылық ала келдің дейді.

Алтын күз:

Амансыңдар ма, балалар?

Ерінбестен еңбек етіп келетін,

Еңбекшіге бар жемісін беретін,

Мен мырза күз жемісін беретін,

Берекелі ырыс болып енетін.

Күз туралы тақпақтар.

Ән: «Қанша бала, қанша қыз»

Би: «Полечка» (ұлдар, қыздар)

Ойын: «Жемістер мен көкөністер»

Алтын күз:

Балаларға жұмбақ жасырады.

1. Жер астында басы,

Жер бетінде шашы. (сәбіз)

2. Қабат-қабат тоны бар, шешіндірсең жылатар. (пияз)

Би: «Құстар»

Ән: «Апорт деген тәтті алма»

Жүргізуші: Балалар, күз несімен көрікті?

Балалардан жауап алу.

Би: «Қолшатыр»

Ойын: «Дәміне қарай ата»

Би: «Антошка»

Алтын күз: Балаларға ризылығын айтып, өзімен бірге алып келген себеттегі жемістерін балаларға сыйлайды.

Алтын күз: Қыркүйек, қазан, қараша айларын ертіп балалармен қоштасады.