Ертеңгілік "Жаңа жыл"

Ертеңгілік : « Келді , міне Жаңа жыл ортамызға ,

құт – береке әкелсін баршамызға »

Мақсаты: Балалардың мерекелік түсініктерін қалыптастыру. Мерекелік көңіл – күй ортасын ұйымдастыру. Хормен және жеке ән айту шеберліктерін жетілдіру.Би қимылдарын қызығушылықпен,ырғақты сақтай отыра орындауға төсілдіру. Қайырымды іс жасауға тәрбиелеу. Балалар көңілді әуенмен жаңа жылға арналып безендірілген залға кіреді.

Жүргізуші : Жаңа жылдың таңы неткен арайлы,

Ақ мамыққа бөліп алды маңайды.

Жаңа жылмен құттықтаймын бәрінді,

Бақыт , шаттық , молшылық әкелсін.

Бәрімізге мына жыл арайлы!

Құтты болсын ағайын!

Жаңа жылың тағы да,

Қол соғып қарсы алайық.

Шақырайық ортаға,

Ертеңгілік басталсын.

«Қызғалдақ» ересектер тобында.

(Балалар келіп шыршаны айналып тұрады)

Жүргізуші: Айнала қоршап шыршаны,

Шашылар шашу жыр әні.

Мынау әсем шыршаға,

Қош келіңдер , балалар , ата-аналар , құрметті әріптестер!

Жүргізуші : Құрметті қонақтар, балалардың жаңа жылға арналған тілектерін тыңдайық. Тілектер : Дегдар: Жаңа жыл құтты болсын ! Қарақат : Денсаулығымыз мықты болсын ! Батыр : Келер жылда молшылық болсын ! Адиля: Әр үйде молшылық болсын !

Абылай : Бәріміз бақытты болайық ! Айли : Жаңа жылда жол болсын ! Ерасыл : Әр бір үйде итой болсын ! Айым : Берекелі жыл болсын ! Адия : Ақ дастархан мол болсын ! Сезім : Аяз ата келе ме ,бізге сыйлық бере ме ? Айзере : Әрине ата келеді , бізге сыйлық береді . Осы кезде музыка әуенімен билей басып түлкі келеді. Түлкі : Мен түлкімін , түлкімін,

Тұнып тұрған күлкімін .

Бұлғаң ,бұлғаң құйрығым,

Текке өтпейді бір күнім .

Аяз ата мұнда келмейді ,

Сендерге сыйлық бермейді . Жүргізуші : Қалайша ? Түлкі : Аяз ата адасып кетті ,

Сендерді таба алмай,

Үйіне қайтып кетті . Жүргізуші : Бұл қалай болғаны ? Думанымыз Аяз атасыз қалай өтпек ? Түлкі : Жарайды, мен кетейін ( билей басып шығып кетеді) Жүргізуші : Балалар уайымдамаңдар , Аяз атамыз келеді ,бізге сыйлық береді .Бұл түлкінің кезекті бір қулығы болар. Бұның арртында бір шикілік бар сияқты Ақжан , Эмиль екеуің түлкінің ізіне түсіңдер , не бүлдіргенін біліңдер. Ақжан мен Эмиль : Жарайды біз кеттік . (Түлкінің соңына түседі) Сықырлаған қардың дыбысы естіледі . Жүргізуші тың – тыңдап : Балалар Аяз ата келе жатқан сияқты , қардың сықырын естідіңдер ме ? Балалар : Иә , естіп тұрмыз. Жүргізуші : Олай болса қарап тұрмайық ,Аяз ата мен Ақшақарды шақырайық. Балалар : Аяз ата , Ақшақар !

Әуен ойналады , залға Аяз ата мен Ақшақар кіріп келеді . Балалар қошеметпен қарсы алады . Аяз ата : Амансың ба , ұлдарым ,

Амансың ба , қыздарым ,

Қандай әсем жүздерің ,

Қандай мөлдір көздерің.

Керемет бір ән тыңдап ,

Келіп тұр – ау демалғым .

Аяз ата : Ой , айналайындарым – ай ,сендерге келуін келдім ,бірақ қапшық толы сыйлығым ұшты – күйлі жоғалып кетті . Осында келе жатып жоғалтып алдым . Енді не істесем екен ? Осы кезде түлкінің соңынан кеткен екі бала түлкіні алдына салып , қапшық толы сыйлықты алып келеді. Аяз ата : Ә , енді есіме түсті , қу түлкі жолда өлген болып жатып қапшығымды қымқырған екенғой . Түлкінің мұнысы дұрыс па , балалар ?

Балалар : Жоқ .

Түлкі : Қулық - сұмдықты жоямын ,

Өнерге ден қоямын.

Аяз ата мені кешірсе ,

Сыйлығына тоямын .

Жүргізуші : Нұрландырып маңайды и,

Шырша шамы жағылсын .

Жаңа жылдың құрметіне ,

Ақ тілектер ағылсын !

Ал балалар тұрмайық , Аяз ата мен Ақшақарға арналған тақпақтарымызды айтайық. Арайлым : Жасыл желек жамылған,

Асыл моншақ тағылған .

Міне сұлу шыршамыз ,

Көптен күтіп сағынған.

Кел,балалар,келіңдер,

Тамашаны көріңдер . Нұрислам : Тамаша , тамаша !

Шыршамыз тұр жараса,

Басында әсем жұлдызы ,

Көз тоймайды қараса.

Райана: Жаңа-жыл, жаңа-жыл,

Жаңа жылда - жаңа жыр.

Жасыл шырша жанында ,

Жадырап бар бала жүр .

Досжан : Қалып едік сағынып,

Күттік алдық жабылып.

Жолын доңыз жарық қып,

Шыршамызға шам іліп.

Нұржібек : Сноу он зэ граунд,

Сноу он зэ три.

Сноу он зэ хауз,

Сноу он зэ ми.

Жүргізуші : Рахмет балалар !

Ән шырқайық құр қалмай,

Бар баламен қуана.

Жасыл шырша жанында , олай болса балаларымыздың әнін тамашалайық.

Ән : «Шырша жыры»

Жүргізуші : Балаларымыздың кезекті тақпақтарын тамашалайық.

Айли : Аппақ тонға оранып ,

Базарлықты мол алып .

Келді елге сапардан ,

Аяз ата оралып .

Нұрайым : Ақсақалды шал жылына ,

Бірақ рет келіп кетеді .

Қызы мен ұлына ,

Сыйлық алып келеді .

Ақжан : Келді тағы жаңа жыл ,

Қуантумен біздерді .

Аяз ата келеді ,

Құттықтауға біздерді .

Ерасыл : Далада қар борайды ,

Ақ мамыққа орайды .

Мұз болады қатады ,

Жып жылтыр боп жатады .

Жүргізуші : Керемет жарайсындар балалар !

Енді қыздарымыздың биін тамашалайық .

Би: «Ақ ұлпа қарлар»

Жүргізуші : Енді балаларымыздың тақпақтарын тамашалайық .

Айзере : Ақ қырауға малынған ,

Ақша қардай сақалы .

Көптен күтіп сағынған ,

Көрдік Аяз атаны.

Алтынай : Тақпақтарды жаттадық ,

Би биледік көрсін деп .

Аяз ата қуанып ,

Бізге риза болсын деп .

Дегдар : Дети водят хоровод ,

Хлопают в ладони .

Здравствуй , здравствуй .

Новый год ! Ты такой хороший .

Қарақат : Жаңа жылды тойлайық ,

Ойнап асыр салайық .

Атамыздың сиқырлы ,

Қолғабымен ойнайық .

Сезім : Әкелсін жыл ырыс – құт ,

Әлемде болсын тыныштық .

Жаңа жылмен тамаша ,

Ән салайық жаңаша.

Нұрай : Қыс қызығы тамаша ,

Ойнаймыз біз таласа .

Думанымыз жалғассын,

Жаңа жылға тамаша .

Айым : Жаңа жылды қарсы алдық ,

Мініп алып күймеге .

Мен де бүгін ән салдым ,

Араластым биге де.

Жүргізуші : Ән саламыз би билеп ,

Жырдан шашу төгілді .

Бүгін біздің жаңа – жыл ,

Қандай әсем көңілді .

Тауда туып , тауда өскен ,

Шырша келді ортаға .

Қандай әсем шыршамыз ,

Ән шырқаймыз баршамыз .

Ән : «В лесу родилась ёлочка»

Жүргізуші : Керемет балалар , жарайсындар ! Аяз атамыз бен Ақшақарымыз бір марқайып қалдау !

Ой , халайық , халайық ,

Аямайық қол соғайық .

Би билейтін жігіттерді ,

Ортамызға шақырайық . Дей отыра ұлдарымыздың «Мушкетёр» биін тамашалайық.

Аяз ата : Ал , балалар әндерінді тыңдадым , тақпақтарыңды естідім , билеріңді көрдім.

Сендерді қимай тұрмын . Барлығын көнілді , әсем балалар екенсіндер. Енді менің кететін уақытым келді. Біздің әлі де баратын жерлеріміз бар , қош сау болындар , көріскенше күн жақсы !

Ақшақар : Сау болыңдар балалар ! Келесі жылы кездескенше .

Балалар : Сау болыңыздар!

Жүргізуші : Құрметті ата – аналар , балалар ! Осымен ертеңгілігіміз мәресіне жетті , Жаңа жыл сіздер үшін зор жетістікке қол жететін , ой мақсаттар жүзеге асатын , арман тілек ақталатын жыл болсын , жаңа жыл құт береке әкелсін , сау саламатта болыңыздар !