Ертеңгілік "Жаңа жыл"

Мұғалімнің құттықтау сөзі:

Құрметті ата - аналар, қонақтар және оқушылар. Жаңа 2018 жыл - "ит жылы" бәрімізге құтты болсын. Жаңа жыл тек қана денсаулық, отбасымызға бақыт, жұмыста жаңа жетістіктер мен табыс әкелсін. Елбасымыз аман болып, елімізде тыныштық болсын. Бүгінгі жаңа жылдық кештен жақсы әсер алыңыздар. "Төрлет, құтты Жаңа жыл" атты мерекелік іс - шараны бастауға рұқсат етіңіздер.

Екі жүргізуші ортаға шығады.

1 - жүргізуші: Армысыздар, ардақты ағайын, ұлағатты ұстаздар!

2 - жүргізуші: Бармысыздар, замандас бауырлар, шабытты шәкірттер!

1 - жүргізуші: Айнала қоршап шыршаны, Шашылар шашу жыр әні. Мынау әсем шыршаға, Қош, келдіңдер, балалар! - дей отырып ортаға жаңа жылдық шыршаға келіп отырған бүлдіршіндерді шақырайық.

2 - жүргізуші: Төрлетіңдер, төрлетіңдер, Шырша сәнін көріңдер. Әсем ән мен би билеп Күй - жырларын төгіңдер.

2 - жүргізуші: - Жаңа жылдық шырша мерекесіне қош келдіңдер, балалар!

1 - жүргізуші: - Жасыл шырша мерекесі сендер үшін, балалар!

1 - жүргізуші: Балалар, бүгін сендерді жаңа жылмен құттықтау үшін мектеп басшысы келіп отыр.

2 - жүргізуші: Құрметті халайық бүгінгі жаңа жыл кешіне сәйгүліктерін желдіріп, алтындатқан шанасымен Аяз ата келе жатыр деген хабар алып тұрмыз. Балалар жаңа жыл мерекесінің көркі Аяз ата емес пе! Аяз ата мен Ақшақарсыз жаңа жыл бола ма?

1 - жүргізуші: Дұрыс айтасың ендеше балалармен қосылып Аяз ата мен Ақшақарды ортаға шақырайық. Барлығы: Аяз ата, Ақшақар! 3 - рет

1 - жүргізуші: Қуаныңдар ағайын, тамсаныңдар,

Сүйінішпен маңайға жар салыңдар

Аяз ата келеді Ақшақармен

Қол соғып қошеметпен қарсы алыңдар!

2 - жүргізуші: Айтыспай - ақ ән орындап, әнмен шақырайық.

Ән. Аппақ аппақ жапалақтап (оқушылар бәрі айтады)

Аяз ата: Амансыңдар ма, балалар! Сәлеметсіздер ме қадірлі қонақтар! Жаңа жылдарың құтты болсын Денсаулықтарың мықты болсын Аспандарың ашық, жұлдыздарың жарық болсын Егеменді еліміз көркейе берсін Жаңа жылда жаңа табысқа жетіңдер! Аталарың сендерге Асау желмен алысып Шаршап келді алыстан Ақша қар мен Ескі жыл Олар да жүр қасымда Өздеріңдей балалармен Сағынысып табысқан.

Балалар: Сәлеметсіздер ме,

Аяз ата, Ақша қар! Аяз ата: Ал, балаларым біз Ақша қар екеуіміз алыс жолдан шаршап келдік. Сендер ән айтып, би билеңдер, біз дем алайық.шырша шырша жан

1 - жүргізуші: Аяз ата қаншама жол жүріп келдіңіз. Мына орындыққа отырып дем алыңыз.

Ақша қар:. Ал, босқа тұрмайық, көрсетіңдер өнерді, мен өзім бастап берейін.

Ойын

3-сынып окушысы - …………..

Би)

Аяз ата: Балалар, осы Жаңа жылымыз қайда? Неге шақырмаймыз?

Ақша қар: Барлығымыз қосылып Жаңа жылды ортаға шақырайық.

Барлығы: Жаңа жыл! 3 - рет.

Музыка ойнайды.

Ит кіреді залға.

1 - жүргізуші: Асыға күткен Жаңа жыл! Кел, Жаңа жыл, жаңа жыл! Жаңа заман, жаңа ойлар Кел, Жаңа жыл, Жаңа жыл! Аяз ата: Амансың ба, Жаңа жыл! Балалар биылғы келген жыл - ит жылы. Ал, Жаңа жыл! Келген қадамың құтты болсын! Сән әкелген жыл бақыт жылы болсын! Береке, бірлік, татулық, ырыс жылы болсын! Халықтар достығы нығая берсін! Елбасымыз салған сара жолмен үнемі алға дами берейік!

Ит : Ит жылы жақсылыққа бағыттаған

Итпің мен жаңа жыл

Жаңа жылда барлығыңыз

Жаңа үміт таба біл!

Тауық жылының мерекесін Мерекеге жалғаймын

Елде, жерде, табиғатта,

Бейбіт жолды қолдаймын.

Арым - ұят, жаным - халық Қызметім де соларға.

І жүргізуші: келеді жылдар, келеді айлар ауысып, тауық жылы мен ит жылы да ауысып, Береке бірлік бейбітшіліктің төрінде, Тұрайық әр кез татулықпенен қауышып.

Осы кезде залға мыстан кемпір шығып итті ұрлап кетеді.

Мыстан сөзі:

Болдырмаймын мереке

Болсын бәрі келеке

Ұнатпаймын итті мен

Мысық болса мейлі екен.

І жүргізуші

Аяз ата не істейміз? Мыстан итімізді ұрлап кетті

Тауық : енді қайттік?

Жылды кімге тапсырам?

Аяз ата : саспаңдар достарым ,мен мыстанды тауып аламда қатырып тастайм.

Ал сендер маған мыстанды табуға көмектесіңдер.

Осы кезде екі бала мыстанды тауып әкеледі де Аяз атаға тапсырады

Аяз ата : мыстан сен біздің мерекеміздің шырқын бұздың. Сені жазалаймын сол үшін

Мыстан : кешірші мені Аяз ата ,енді қайталамаймын. Мен мына итті жақсы көріп қалдым. Енді жамандық атауымен жасамаймын.

Қарша қыз : ата ,расындада мыстан ды аяп тұрмын,мүмкін бір жолға кешірерміз?

Мыстанның бізбен бірге жаңа жылды қарсы алса ,жүрегі зұлымдықтан жібімейме?

Мыстан : ия қарша қыз мен енді мейірімді мыстан боламын.

І жүргізуші

Балалар мыстанды кешіремізбе?

Балалалр : ия

Аяз ата : Жарайды онда бір жолға кешіремін бірақ сен екінші рет қайталама!

Ақша қар: - Аяз ата, Ескі жылды шығарып салайық.

Аяз ата: - Дұрыс айтасың,

Ақша қар! Ал, Ескі жыл сен құтты жыл болдың. біз ризамыз саған, Ескі жыл! Ал, сау бол, Ескі жыл!

ИТ: Ал, Ескі жыл, аман бол

Ізбасарың мен болам

Аман болсын деп тіле

Елім, жерім, кең далам.

І жүргізуші: Біздің елде өткен жылы тауық жылы тыныштық

Ал ұмтылдық біз есейдік

Жақсылыққа тырыстық

Ескі жылым тауық жылы Қош аман бол көргенше.

2 - жүргізуші: Ал, достар бізге реніш жоқ шығар.

Құрметпен тауық жылын шығарып салайық.

Барлығы: Сау бол, Ескі жыл! 3 - рет.

1 - жүргізуші: Бүгін сізге жырдан алға тағайын, Шат күлкіге толы болсын маңайың, Көргендер де, көрмегенде арманда Қуанышпен келді той боп жаңа жыл Жаңа жылың құтты болсын ағайын!

Ән: Жаңа жыл. Жанардың орындауында.

2 - жүргізуші: Зеңгір көкте жұлдыз болып жанайын, Ай жүзіндей айшықтанып арайың Жанға шуақ, бойға қуат әкелген, Жаңа жылың құтты болсың ағайың.

Ән: Шырша жыры. 3 - сынып.

1 - жүргізуші: Ей, Жаңа жыл, жаңа бақыт ырысым, Жақсылықтың жаршысы да нұрысың Адамдардың асқақтаған арманы Ақындардың таусылмайтын жырысың.

Би

2 - жүргізуші: Армысың, аманбысың жаңа жылым Жаңа жылым! О, менің Жаңа жырым! Ит жылы келгенде сый ғып тартып Ақтарайық әнменен көңіл сырын.

Ән. 3 - сынып "Шырша жыры".

1 - жүргізуші : Жаңа жыл - жаңа әннің тербелуі, Жаңа жыл ақ арманның өрленуі, Жаңа жыл партадағы лүпілдеген, Кішкентай шәкірттердің ержетуі.

- сынып оқушылар өнерін тамашалау. Ән. "Жасыл шырша жанында"

3 - сынып оқушылар өнерін тамашалау.

: Жаңа жылда жаңа белден асамыз,

Жаңа жылға жырмен шашу шашамыз.

Бейбітшілік ұранымен, жеңіспен,

Жаңа жылда тағы да алға басамыз!

Би.

: 1 - жүргізуші Бүгін бәріміз де өз өнерімізді ортаға саламыз деп келіскенбіз. Олай болса жаңа жылды қарсы алып өз туындысынан шығарған ақын жігіттерімізді шақырайық.

3- Е сынып: Бейбит :

Тоғай да, баулар да

Ақ күміс жамылды.

Дала да, таулар да, Өзіңді сағыңды.

Асылан: Жаңа жылым жол болсын,

Басқан қадам оң болсын,

Төрлет, төрлет Жаңа жыл

Бізге құтты жыл болсын!

Сырым: Ақ қар жапты даланы,

Ақ жамылды айнала.

Жарқыратып шамдарын,

Шырша келді ортаға.

Думан: Жаңа жылға арналады жаңа жыр,

Жаңа жылда шақырады бар өмір

Бақыт болып жаңа жылым келді ғой,

Құтты болсын, құтты болсын жаңа жыл!

Асылан: Кел, жаңа жыл, жаңа жыл,

Қарсы аламыз біз сені.

Ақ көңілмен, ақ пейілмен

Баршамыздың төрінде.

Сырым: Сәлем беріп сіздерге,

Бар өнерді саламыз.

Өнерлі бала бар деп,

Әлемге жар саламыз.

1 - жүргізуші: Келесі кезекте

3 - сынып оқушылары. Ән. "Жас дәуірдің түлегіміз" Орындайтын:

2 - жүргізуші:: Мың бұралған ақ қайыңдай,

Қыздар шықсың ортаға.

Ал, ендеше қол соғайық,

Қошеметпен қарсы алайық.

Би:

Лаура: Жаңа жыл - туындаған жаңа армандар,

Жаңа жыл - шуылдаған жаңа ормандар.

Ал, мынау - мәңгібақи жаңа дүние,

О, сәлем, жаңа жылда жаңарғандар, - дей отырып, ортаға Алдар көсені, сиқыршыны шақырайық.

Алдар – : Мен, Алдармын, Алдармын, Шайтанды да алдармын. Алдау деген түк емес, Сиқыршыны да алдаймын, - деп екі қайтара әндетіп, сахнада жүреді. (сол кезде сахнаға Сиқыршы шығады)

Сиқыршы - - О, Алдеке көңілдісің ғой өзің?!

Алдар : Неге көңілді болмасқа, бүгін бізде жаңа жылдың шырша мерекесі өтіп жатыр. Сен қайдан жүрсің?

Сикыршы : Мен бүгін өз сиқырымды бүлдіршіндерге көрсетіп, көңілдерін көтеруге келдім.

Алдар : Қандай сиқыр көрсетесің? Не арқылы?

Сикыршы : Менде сиқырлы айна бар. Қарашы қандай әдемі! Айнаға қарап тұрып, сиқырлы сөзді айтсаң болды, не көргің келсе соны көруге болады.

Алдар : Өзің білесің Қазақстан - көп ұлтты мемлекет. Әр ұлт өкілдерінің достығы мен ынтымақтастығын жарастырып отырған - өзіміздің Елбасымыз. Сол ұлттар достығының белгісі ретінде әр ұлт өнерін көрсете аласың ба?

сикыршы: Қай елді көргің келеді? Темірлан: (ойланып тұрып) Үнділерді көрсете аласың ба? Асар: Бәлі, сол да сөз болып па? Қазір (айнаға қарап) Айнам, менің айнам, Жаң - жағыңды жайнат. Үнділердің өнерін Осында әкеп сайрат Суф, суф, суф.

Музыка қосылады.

Ажар үнді биін билейді.

Алдар : Тамаша, тамаша. Сенің айнаң шыныңда да сиқырлы екен. Енді түріктің өнерін көрсетші.

Сикыршы : Сөз боп па? Қазір (айнаға қарап) Айнам, менің айнам, Жаң - жағыңды жайнат. Түрік халқының өнерін Осында әкеп сайрат Суф, суф, суф.

3 - сынып ұлдары түрік биін билейді.

Алдар : Ой, ғажап екен. Енді қай халықтың өнерін көрсем болады? Өзіміздің қазақ биін көрсетші.

Сикыршы : Айнам, менің айнам, Жаң - жағыңды жайнат. Қазақ халқының өнерін Осында әкеп сайрат Суф, суф, суф.

билейді (қазақша)

алдар : Ой, ризамын, саған рахмет. Осы сиқырлы айнаңды маған сыйлап кетші.

Сикыршы : Жарайды, сыйладым саған айнамды. Қазақстандағы ұлттар достығы нығая берсін. Мені басқа елдің балалары шырша маңында тосып отыр соларға барайын.

Алдар : Рахмет, саған, сиқыршым. Алыс жолға аттанып барасың, жолың болсын. Шығарып салайын.(екеуі сахнадан шығып кетеді)

1 - жүргізуші: Ал, балалар, сиқыршы мен Алдардың өнеріне ризасыңдар ма? Бәрі: Ризамыз, ризамыз! Рахмет, рахмет. Келесі көрініс:

2 - жүргізуші: Ендігі кезекте кішкентай бүлдіршіндердің өнерін көрсетеді. Аяз атаның балаларға беретін базарлығы бар екен.

Аяз ата: Ал, балалар, біз Ақша қар екеуіміз тамаша дем алдық, ойнадық, би биледік. Біздің баратын жерлеріміз көп. Сендер сияқты талай бүлдіршіндер тағатсыздана тосып отыр.

1 - жүргізуші: Иә, Аяз ата халқымызға бата берер кез келді ғой деймін.

Аяз ата: бата береді. Жаңа жылдарың құтты болсын! Денсаулықтарың мықты болсын! Аспандарың ашық, жұлдыздарың жарық болсын! Егеменді еліміз көркейе берсін! Жаңа жылда жаңа табысқа жетіңдер! Әумин! Ал, балалар біз Ақша қар екеуіміз аттанайық. Сау болыңыздар балалар!

Ақша қар: Сау болыңдар, балалар! Келесі жаңа жылда кездескенше.

Барлығы: Сау болыңыздар, Аяз ата, Ақша қар!

1 - жүргізуші: Бітуге қалды таяп - ай, Не қыласың аяп - ай. Қане, халқым, қол соқшы, Жаңа жылда аямай. Лаура: Жаңа жыл - қой жылы әрбіріңіздің отбасыңызға жаңа нұр, жаңа шуақ, табыс пен берекеғ қуаныш пен мереке алып келсін. Әрдайым жылы жүздеріңізден нұр кетпесін. Жаңа жыл баршамыз үшін берекелі, мерекелі жыл болсын! Барлығы: Жаңа жыл құтты болсын! Лаура: Құттықтау сөз ата - аналарға беріледі. Сау болыңыздар.

Дайындаған 3-е сынып жетекшІсі Байдилдаева Ултуар Қанайбекқызы

Шағымдарың болса айтыңыздар )))))