Ертеңгілік "Жасыл шырша жанында" Балабақша

«Шұғыла» балалар бақшасы

«Жасыл шырша жанында» («Күншуақ» ортаңғы тобының мерекелік ертеңгілігі)

Бекітемін:

«Шұғыла» балалар бақшасының

меңгерушісі Қ.С.Бектұрғанова

Келісемін:

«Шұғыла» балалар бақшасының

әдіскері Г.Б.Абиева

Дайындаған: Тойжанова Н.

Шәмші М.

2016-2017 оқу жыл

Кәмпит:(ортаға билеп шығады)

-Сәлеметсіңдер ме,балалар!

Жаңа-жыл келді о, міне,

Далама, қалама, жеріме.

Шаттыққа бөлеп әр үйді,

Шыға ғой менің төріме.

Балалар, мен Аяз-атаның сендерге әкеле жатқан сыйлықтар салынған қабынан түсіп қалдым. Ал аяз –ата сендерге әлі келген жоқ па?

Кәмпит:Балалар, жылда жаңа жыл мерекесінде қонаққа кімдер келеді?

Балалар:Аяз-ата, Ақшақар.

Кәмпит:Дұрыс айтасыңдар, балалар, ендеше алдымен жаңа-жыл мерекесіне келетін Ақшақарды бәріміз шақырайық.

Балалар:Ақшақар (3 рет қайталап айтады).

Кәмпит:Амансың ба, Ақшақар!

Ақшақар:Шыршаларың керемет қой, өзі сондай әдемі екен, бірақ шамдары сөніп тұр ғой. Кәне, бәріміз шыршаға үрлейік. Қаттырақ.

Жүргізуші:Аяз-атасыз біз ешетеңе істей алмаймыз, кәне, телефон соғып аяз атаны шақырайық, атамыз кәрі, мүмкін, ұмытып кеткен шығар. –

Алло, ата «Күншуақ» тобының балалары шыршаның қасында сізді тосып жүр, неге кешігіп жатырсыз? Ұмытып кеттіңіз бе?

Аяз-Ата:Ойбай, кәрілік қой, ұмытып кетіппін, қазір жетемін.

Жүргізуші:-Балалар, Аяз-ата келгенше, біз бір өлең айтайық.

«Жаңа жыл» әні. Хормен

Жүргізуші:-Балалар, Аяз –Ата өзі қандай?

Балалар:Аппақ сақалы, мұрты бар, қызыл шапаны бар, ақ таяқпен жүреді.

Жүргізуші: Өте дұрыс, балалар, олай болса барлығымыз қатты дауыстап Аяз-Атаны шақырайық. Бір, екі, үш: Аяз-Ата (3 рет қайталайды).

Жүргізуші: Аяз-Ата, армысыз, жылдағыдай бармысыз!

Аяз-Ата: Амансыңдар ма,балаларым!Қандай әдемі балаларсыңдар?Шырша неге жанбай тұр. Кәне, шамдарын жағайық.

Қоян кіріп келеді. Жылайды.

Ақшақар: Қоян, сен неге көңілсізсің? Не болып қалды, біз саған көмектесеміз.

Қоян: Орман ішінде өзіме үй салып, тұрып жатқанмын. Қу түлкі қонаққа келіп, мені үйімнен қуып шықты. Мен далада қалдым.

Жүргізуші: Не деген сұм түлкі, қоян, жылама, біз түлкіні қуып шығып, үйіңді алып береміз.

Қоян: Мен түлкіден қорқамын. Оның тістері қандай, көздері қандай! Мінезі жаман!

Жүргізуші: Сен қорықпа, біздің қыздар «Тики так» биін билейді.Түлкі сағаттар дауысын естіп қорқып қашып кетер.Биді бастаңдар, түлкі қорқып қашсын.

«Тики так» биі.

(Мерей,Ардақ Б.,Сезім,Нұрсая,Айару Н.,Ардақ И,.Динара,Айзере)

Түлкі: Мен ешкімнен қорықпаймын.

Жүргізуші: Аяз-Ата, мына, түлкіге не істеуге болады?

Аяз-Ата: Қазір мен ормандағы барлық аңдарды көмекке шақырамын, түлкі олардан қорқып қашып кетер.

Жүргізуші: Ал, аңдар, келіңдер, көмектесіңдер.

«Аңдар» биі.

(Ұлдар билейді)

Түлкі: Мен үйден шықпаймын,

Мен ешкімнен қорықпаймын.

Жүргізуші: Түлкі біздің балалар саған ән айтып береді.Сен мүмкін ойыңды өзгертерсің.

«Жаңа жыл» әні

(Ардақ Б.,Назерке,Әли,Динара,Сезім)

Түлкі: Мен үйден шықпаймын,

Мен ешкімнен қорықпаймын.

Аяз-Ата: Қазір мен саған көрсетейін!

Кәне, борандар соғыңдар!

Шыршалар төмен бүгілсін,

Ормандағы бар нәрсе,

Ақ қарменен жабылсын!

Қазір мен қар жауғызып, түлкіні үсітемін.

«Ақшақарлар» биі.

(Айым,Кәусар А.,Назерке,Кәусар А., Жансая,Динара)

Аяз-Ата түлкі үйіне үрлейді, қармен бірге.

Түлкі: Ойбай, Аяз-Ата, тұмсығымды үсіттің ғой, аясаншы мені. Енді не болдым?

Аяз-Ата: Ал сен қоянды аядың ба, қу түлкі? Балалар, түлкіні кешірейік пе?

Балалар:Ия, бір жолға кешірейік.

Аяз-Ата: Олай болса, қоян, бар сен өз үйіңе барып, тұра бер.

Қоян: рахмет.

Аяз-Ата: Балалар, мен сендердің дауыстарыңды сағындым, кәне, маған бір жақсы ән айтып беріңдерші.

«Бала тілегі» әні.

(Нұрсая,Мерей,Ардақ)

Аяз-Ата: Ой, қандай керемет ән! Бір түрлі қобалжып кеттім.

Жүргізуші: Аяз-Ата, біздің бүлдіршіндеріміз әнмен қоса биді де жақсы билейді. Ал, сіз, шыршаның түбіне отырып тамашалаңыз.

«День рождение» биі

Аяз-Ата:Ой, қандай өнерлі балалар. мен бүгін біраз жасарып қалдым. Сендермен кездескеніме өте қуаныштымын.

Ақшақар: Аяз-Ата, балаларға сыйлықтар әкелдің бе?

Аяз-Ата: Әрине, мен бір қап сыйлық әкелдім. Балалар маған тағы бір ән шырқап берсін, содан кейін мен сыйлықтарын таратамын.

«Шыршаға бардық» әні. Ж.Айару жеке ән

Ойын ата –аналармен

«Мен қазақтың қызымын» Б .Ардақ жеке ән

Аяз-Ата: Ой, қандай керемет ән!Ақшақар қызым сыйлықтарды таратайық.

Аяз-ата сыйлықтар таратады.

Аяз-Ата, Ақшақар: Ал, балалар, біз қайтайық. Бізді басқа балалар да күтіп отыр.

Жаңа жыл құтты болсын,

Жаңа жыл мол табыс әкелсін.

Денсаулықтарын мықты болсын,

Сау болыңдар, балалар!

Жүргізуші: Ал, құрметті қонақтар! «Жасыл шырша жанында» атты ертеңгілігіміз аяқталды. Біздің осындай өнерлі, сүйкімді, ақылды, тәп-тәтті бүлдіршіндеріміздің өнерін тамашалағандарыңызға көп-көп рахмет. Сау-саламат болыңыздар!