БЕКІТЕМІН

«Балбөбек - 1» бөбекжай балабақшасының

меңгерушісі Ғ.Албаев ___________

«____» «________________» 2017 ж.

Тақырыбы: «Нептун күні»
МАҚСАТЫ: Балаларға су тіршілік көзі екенін үйрету. Сумен ойнайтын ойындардың ережесін сақтай отырып, балалардың қимыл - қозғалысын, икемділігін, шапшаңдығын арттыру. Достыққа және ұйымшылдыққа тәрбиелеу.
КӨРНЕКІЛІГІ: Нептун киім үлгісі, су құятын ыдыстар, сүзгі, су тапаншасы, сабынды көпіршіктер, шелектер, жасанды бассейн.
ЖҮРГІЗУШІ: Күн күлімдеп жел ойнайды,
Толқындар көңілді шулайды
Нептунға қонақтар асыға келеді
Балалармен қыздардың топтары.
ЖҮРГІЗУШІ: Балалар бүгін қандай күн?
БАЛАЛАР: Нептун күні.
ЖҮРГІЗУШІ: Сендер Нептунның кім екенін білесіңдер ме?
БАЛАЛАР: Ол көл патшасы.
ЖҮРГІЗУШІ: Олай болса Нептунды шақырайық.
БӘРІ: Нептун теңіз патшасы
Келе ғой, келе ғой, келе ғой.
НЕПТУН: Сәлеметсіздер ме балалар, құлағыма жетті, бұл мереке менің құрметіме арналған екен. Мен Нептун – көл патшасы, мерекелерің келіп тұрмын.
ЖҮРГІЗУШІ: Көл патшасы, сіздің құрметіңізге балалар тақпақтар айтып береді.
А. АРУЖАН: Су тіршілік негізі
Онсыз өмір сүрмейсің
Гигиена егізі –
Су деп және білгейсің.
САЯЖАН: Жер шары дәу әлем
Қоршалған ауамен
Ауасыз тұншығар
Өмір сүріп тамаша
Қуанайық балаша
РАХМАН: Үйде ванна, душ болса,
Салқын сумен құйынған
Ыстық сумен шомылсаң,
Салқын сумен шайынғын.

НЕПТУН: Жарайсыңдар, балалар. Мен сумен ойындар ойнағанды жақсы көремін. Олай болса ойындарыңызды тамашалап, сендермен бірге ойнайын.
ЖҮРГІЗУШІ: Бүгінгі ойынымызға «Жұлдызша» тобы және «Ақтиін» тобы балалары қатысады.
1 - ОЙЫН: «Су тасушылар». Балалар бос шелегімен мәреге барады. Шелегін суға толтырып, келесі балаға шелегін береді. Келесі бала суды мәредегі ыдысқа төгеді.
2 - ОЙЫН «: Кім жылдам» Қолында сүзгі ыдыстарға суда тіршілік ететін жануар, құстарды өз жәшігін тасиды.
3 - ОЙЫН: «Суқұйғыштар». Қолында кесе толы су мәредегі банканы суға толтырады.
4 – ОЙЫН: «Мергендер». Екі топ су тапаншасынан бір - біріне су шашады.
5 - ОЙЫН: «Суда жүзушілер». Жасанды бассейнде әр топтан 2 баладан суда жүзеді.
ЖҮРГІЗУШІ: Нептун сізге балаларымыздың ойындары ұнады ма?
НЕПТУН: Әріне ұнады. Өте тамаша, қызықты сумен ойындар ойнадыңдар. Менің де сендерге сыйлығым бар. Міне сендерге сабынды көпіршіктер. Сендер сабынды көпіршіктерді үрлеп көңілді көпіршіктерді тамашалаңдар.
БАЛАЛАР: Рахмет, Нептун – көл патшасы.
Балаларды мақтау, рахмет айту.