Бисембаева Даяна Азаматқызы

7 «Б» сыныбы

Әл-Фараби атындағы № 21 мамандандырылған гимназия

Ақтөбе қаласы

Ақтөбе облысы

Эссе

Заң мен тәртіп сақталу үшін не істеу керек?

Қоғам белгілі бір дәрежеге дейін көтерілу үшін ондағы адамдардың қарым-қатынасы аса маңызды дүние. Егер мемлекетте заң мықты орнаса, азаматтардың құқығы қорғалып, әділеттілік болады. Сондықтан да заң мен тәртіпті сақтау – әр азаматтың басты міндеті әрі ортақ жауапкершілігі.

Заң - мемлекеттің азаматтарының құқығы мен міндеттерін белгілейтін, сондай-ақ олардың әрекеттерін реттейтін негізгі құрал. Сондықтан, заңды сақтау – білім мен санаға байланысты. Әрбір адам құқықтық сауатты болуы керек. Заңды білмей, оны бұзбау мүмкін емес. Мектеп қабырғасынан бастап құқықтық тәрбие беріліп, жастарды әділеттілікке, жауапкершілікке баулу – болашақта заңға бағынатын ұрпақ тәрбиелеудің кепілі.

Екіншіден, әділ және ашық құқықтық жүйе болуы қажет. Сот, полиция, мемлекеттік органдар әділеттілік принциптерін ұстанып, заң алдында бәрі тең деген қағиданы жүзеге асыруы керек. Егер билік өкілдері заңды бұзса, бұл қоғамда сенімсіздік тудырады.

Үшіншіден, азаматтық борышы маңызды. Халық өз құқығын қорғап, заңсыздықтарға бейжай қарамауы керек. Заң бұзушылықты көре тұра үнсіз қалу – сол заңсыздыққа жол беру деген сөз.

Қорытындылай келе, заң мен тәртіптің сақталуы үшін мемлекет те, қоғам да, әрбір азамат та өз рөлін дұрыс атқаруы тиіс. Сонда ғана тату әрі бейбіт, саяси ахуалы берік мемлекет пайда болары хақ.