Эссе . Тақырыбы: Мамандығым-мақтанышым

Мамандығым мақтанышым
Менің мамандығым тәрбиеші. Мамандығым бойынша балабақшада да істедім. Қазіргі кезде мектепте мектепалды даярлық сыныбында 10 жылдай еңбек етіп келемін. Мен мамандығымды мақтан етемін. Себебі мектеп жасына дейінгі балалармен жұмыс істеу өте қиын да қызықты жұмыс. Әр баланың еліне пайдасы тиер жан-жақты, мықты тұлға болып қалыптасуына осы жас кезі қатты әсер береді.Алғаш мектеп табалдырығын аттап, ақ бантикті, костюм, шалбар киіп сықиып келген сүйкімді балапандарды көргенде алдымен аналық сезімім оянады. Мейірімің төгіледі. Ал өзіңе білімге үйретсін, жақсылыққа тәрбиелесін деп сеніп тапсырған , көп үміт артқан ата-ана алдында ,сол адамдардың сенімін ақтауым керек деген жігер пайда болады. Ана мен ұстаз қызметін қатар алып жүре бастайсың .Француз педагогы Жан Жак Руссо «бала-ақ парақ қағаз сияқты, оны шимайды қалай салсаң солай түседі, бала тәрбиесі де сол сияқты өзің қалай тәрбиелесең бала солай тәрбиеленді» деп баланың жанын дәл суреттеген. Енді осы ақ параққа әдемі қаламмен жазу жазып, әдемі сурет сала білсем бұл менің жетістігім. Яғни әр балаға дұрыс тәрбие бере отырып, жан-жақты, өз пікірін еркін айта алатын, батыл ұрпақ тәрбиелеуге кірістім деген сөз. Тек білім ғана үйретіп қоймай, ертең өскенде еліне тигізетін пайдасы зор ұрпақ тәрбиелеу менің міндетім. «Ел болам десең бесігіңді түзе» -деп қазақ елінің атақты жазушысы М. Әуезов айтқандай өз елін сүйер, еліне пайдасын тигізер патриот ұл-қыз тәрбиелеу, адами құндылықтарды бойын сіңіре отырып, рухани жан-дүниесі кең тұлға өсіру де менің міндетім деп білемін. Ұлы ұстазАхмет Байтұрсынов «білім біліктілікке жеткізер баспалдақ, ал біліктілік сол білімді іске асыру дағдысы» деп дәл қазіргі заманның мектеп келбетін сипаттағандай. Білікті, білімді болсаң алдыңда отырған бүлдіршіндерді де біліміді, әрі саналы, тәрбиелі етіп тәрбиелеп шығасың. Өзі осындай ұстанымды ұстанамын. Және тәрбиеші екеніме ұялмаймын, осы есімммен мақтанамын