Бала-біздің болашағымыз

Бала-өмірдің гүлі,ұлттың үміті,елдің тірегі.Әрбір сәби дүниеге келген сәттен бастап,оның болашағы-біздің қолымызда.Қалай тәрбиелейміз,қандай бағыт береміз,соған қарай қоғамның,мемлекеттің болашағы қалыптасады.Сондықтан «Бала-біздің болашағымыз»деген сөз жәй ұран емес,үлкен жауапкершілік пен сенімді білдіретін терең мағыналы ұғым.

Бүгінгі бала-ертеңгі азамат.Ол-болашақ ұстаз,дәрігер,ғалым,басшы немесе қарапайым еңбек адамы.Сол себепті әр баланың бойындағы қабілетін танып,дұрыс бағыттап,мейіріммен тәрбиелеу-ата-ана мен ұстаздың басты міндеті.Тәрбие-баланың жүрегіне жылу ұялататын ең нәзік өнер.Жақсы сөз,жылы көзқарас,әділ баға-оның тұлға болып қалыптасуына әсер етеді.

Қазіргі заманда баланың жан-жақты дамуына жағдай жасау-қоғамның да борышы.Мектеп пен балабақша тек білім беріп қана қоймай,олардың шығармашылығын,ойлау қабілетін,өмірге деген қызығушылығын арттыруы керек.Әр бала өзін ерекше сезінсе,өз ісіне сенсе-сол сенім оның болашағына жол ашады.

Ұстаз ретінде мен әр баланың жүрегінен өз сәулемді табуға тырысамын.Кейде кішкентай жетістігіне қуанып,кейде бір жылы сөзіне риза боламын.Себебі баланың күлкісі мен қуанышы-ең үлкен марапат.Әр шәкірттің көзіне сенім ұялата алсам,менің еңбегімнің жемісі сол деп білемін.

Бала –біздің болашағымыз ғана емес,бүгінгі бақытымыз.Олардың өміріне махаббат,қамқорлық және мейірім ұялата білсек,еліміздің ертеңі жарқын,қоғамымыз ізгі болмақ.Өйткені әр бала-үміт оты,ал сол оттың сөнбеуі-біздің ортақ міндетіміз.