Білімді ұрпақ - Қазақстан болашағы.

Еліміздегі әрбір адам білім алуға міндетті екенін білеміз. Бұл біздің мемлекетіміз үшін өте маңызды, өйткені, ел ертеңі – білімді жастар! Көптеген оқушылар, оқулықтан гөрі, ұялы телефондарына көбірек көңіл бөледі. Әрине, виртуалды әлем, сабақ оқудан қызықты екенін білемін. Бірақ, біз, жастар өз болашағымызды қазірден бастап ойлауымыз керек. Менің ойымша, оқымаған және сауатсыз адам, ересек өмірде табысқа мүлдем жете алмайды. Білімді адам, кез-келген қиын жағдайдан шығатын жолды таба алады, өмірде көп нәрсеге қол жеткізуге шамасы жетеді. Сондай-ақ, ақылды адамдармен қарым-қатынас жасау оңай әрі қызықты, өйткені, олар әртүрлі тақырыптарда әңгімелесе алады. Бұндай адамдардың дүниетанымы кең, сондықтан, сөйлесу барысында сіз олардан көп нәрсе үйренуге мүмкіндігіңіз бар. Адамның тұлға ретінде қалыптасуы, мектеп қабырғаларынан басталатынын білемін. Менің қазіргі мақсатым – мектепті жақсы бағалармен аяқтап, жоғары оқу орнына түсу. Жас кезімізде сапалы білім алсақ, келешекте оның жемісін көреміз деп ойлаймын. Нашар оқитын немесе сабақ оқығысы келмейтін оқушыларды түсінбеймін. Себебі, біздің елімізде білім алу үшін, барлық жағдай жасалған. Қазақстанның болашағы – қазіргі ұрпақтың қолында! Халық жастарға сенім артып отыр, сондықтан, олардың үмітін ақтауға тырысайық!

Т