Эссе "Білімнің басы бейнет"

ШҚО. Шемонаиха қаласы «Ю.А. Гагарин атындағы

№ 3 жалпы білім беретін

орта мектебі»

қазақ тілі мен әдебиеті

пәнінің мұғалімі

Алтыбаева Ажар Куанышбековна

azhar.altybaeva@mail.ru

Мектеп-білім тірегі,

Ұстаз-оның жүрегі

Білімнің басы-бейнет,соңы-зейнет

Адам қанша жыл өмір сүрсе де, қандай іспен айналысса да, өмірдегі ең ұмтылмас сәттер болып мектепте өткізген уақыт қалатын шығар. Мектеп-білім айдынындағы үлкен кеме.Осы кемеде он бір жыл уақытты әр бала өткізеді. Осы тұрғыда қазіргі мұғалім ерінбей еңбек етуі керек. Қазіргі заман талабына сай оқыту, басқа ұлт өкілі балаларымен қатар қаракөз бауырларымыздың балаларын өз ана тіліне үйретуіміз керек. Бұл- бізге жүктелген үлкен міндет. Қазіргі жаңа ақпаратты коммуникативті технологияларды, жаңа техникалық құралдарды, әсіресе, интерактивті тақтаның барлық мүмкіндігін тілді үйретуге шоғырландырып, тиімді пайдалану- мұғалімнің құзырында. Осы мақсатта әр мұғалім талмай еңбек етуде.

Іс-тәжірибемде жиі қолданып отыратын әдіс-тәсілдің бірі-сыни тұрғыдан ойлау. Сыни тұрғыдан ойлау - бақылаудың, тәжірибенің, ойлау мен талқылаудың нәтижесінде алынған ақпаратты ойлауға, бағалауға, талдауға бағытталған пәндік шешім.Сыни тұрғыдан ойлау көбінесе қарсы пікір айтуға, баламалы шешім қабылдауға баулуды білдіреді деген ойға қосыламын.Мен өз іс тәжірибемде көбінесе диалог арқылы, әр түрлі суреттер арқылы, тапсырмалар беру арқылы сыни тұрғыдан ойлауды дамытып отырамын. Оқытуда «Әлемді шарлау», «Жұпта талқылау» стратегияларын қолдану арқылы балалар өз беттерінше тұжырым жасауға, ұқсас құбылыстар арасынан тиімдісін таңдай білуге тырысты. Орыс сыныбы болғандықтан оқушылар қазақша қарсы пікір айтып, оны дәлелдеулері әрине қиын жағдай. Сол себепті оларға жеңіл жағын сабағымда қарастыруға тырыстым. Постер қорғауда сенімділік ұялатса, Стартер стратегиясы арқылы оқушыларды тереңнен, салыстыра ойлануға жетелеп, Блум өлшемдерімен жұмыс арқылы қабілетті оқушылардың жұмыс жасау, бірлесе жұмыс жүргізуге тырыстым. Инсерт картасы, Венн диаграммасы, концептуалдық кесте толтыру стратегиялары арқылы мәтіннен өзіне қажеттісін тауып, қолдана білуге, Венн диаграммасы арқылы салыстыруға, талдау жасай алуға үйретуді мақсат еттім.

Осындай әдіс-тәсілдерді тиімді пайдалана келе оң өзгерістің бар екенін байқадым. Дегенмен ары қарай талмай еңбек ету керек, қиындықтар болары сөзсіз, бірақ сол қиындықтарды әріптестеріммен бірге жеңемін деген ойдамын.