Эссе "Бұлақ көрсең-көзін аш".

Өзінің оқыту және оқу тәжірибесіне өзгеріс енгізу туралы рефлексиялық есеп.

"Бұлақ көрсең-көзін аш" деген халық даналығына сүйеніп, ұстаздық қызмет атқарып жүргенімді мақтан тұтамын. Себебі, қазіргі заман талабына сай жұмыс атқаруым қажет. Алдымда отырған әр оқушы шыбық сияқты, қалай исең, солай иіледі. Сондықтан, әр баланың білімін дамыған мемлекеттердің білімімен сай келетіндей,білім алуына жағдай жасауымыз қажет. Білімімді дамыту үшін"Педагогикалық қоғамдастықта мұғалімнің көшбасшылығы" тақырыбында білім алып жатырмын. Біліктілігімді арттыру негізінде бағдарламада алған теориялық білімімізді мектептегі тәжірибемен ұштастыруымыз қажет. Өзім қызмет етіп жүрген жалпы білім беретін орта мектебінде төртінші сынып оқушыларымен қазақ тілі пәнінен сабақ өткізу үшін оқу бағдарламасын басшылыққа ала отырып, орта мерзімді сабақ жоспарын жоспарлап отырмын .Төрт жыл бойы сабақ беріп келе жатқан оқушыларыма осы білімді енгізу негізгі мақсатым. Негізгі мақсат - бағдарламаның жеті модулін сабақта қолдану. Осы жерде,мұғалімге тек бағыттаушы ,бақылаушы, жетелуші болып,оқушыға өз бетімен және өз еркімен білім алуына ықпал етеді.Дәстүрлі оқытуда оқу үдерісінің негізгі ролі мұғалімге жүктелген болатын. Келешекте сабақ өткізуде жеті модуль идеясын енгізе өткіземін. Себебі, жаңа әдіс-тәсілдерді қолдану арқылы оқушыларды сыни тұрғыдан ойлауға жетелеу. Өзімнің мектеп тәжірибемде жеті модульді табысты қолдануыма бағдарлама мен ғалымдар ұсынған нұсқауларды ескеремін. Сындарлы оқытудың мақсаты - оқушының пәнді терең түсіну қабілетін дамыту,алған білімін болашақ өмірде пайдалана білуін қамтамасыз ету. Өзім қызмет ететін мектепте оқытудың жаңа әдіс-тәсілдерін қолданып ,әр түрлі сабақтар мен коучингтер өткізіп жүрген әріптестерім бар.Келешекте,сол әріптестермен бірлесіп жұмыс атқарамын.