Егер мен Президент болсам...

Әр адам баласының өз арман ойы мен мақсаты бар. Арман – асқақ биік шың. Оған жете алатын да, жете алмайтын да адамдар бар. Оған ешқандай күмән жоқ. Биік-биік белесті бағындырып, арманыңа қол жеткізсең, қандай керемет! Сонда ғана сенімділік, ұшқыр ой пайда болады. Әрине, президент болу үшін талмай еңбек етуің керек. Ең бастысы жетем деген арманың жете білу керек. Біздің Елбасымыз Н.Ә.Назарбаев өзінің бар өмірін еліне жеріне арнап келеді. Жүрегі сүйген еліне адал қызмет етіп, халық алдында антын беріп, азаматтық парызын өтеуі деп ойлаймын. Қазақта керемет бір мақал бар: «Отан үшін отқа түс күймейсің» деген. Мен өзіміздің Елбасымызды қатты сыйлап, ол кісінің Отан алдындағы адал қызметін ешқашан ұмытпаймын да, ұмытпаспын да.

Ал егер мен президент болсам, мен де елім мен жеріме адал қызмет етемін. Ата Заңымызды келе жатқан болашақ ұрпақтарымызға жеткіземін. Еліміздегі сыбайластық пен жемқорлықты жоямын. Ауылдардағы білім беру ісінде кең жолақты интернет желісін қолдануды күшейтер едім. Елімізде қаншама үйсіз - күйсіз жүрген жанұяларды үймен қамтамасыз етер едім. Ел басы болу үшін мен қажымай-талмай білім аламын, ізденемін, көп еңбектенемін.

Мейлі Президент болмасам да, туған еліме сәл де болса өз үлесімді қосар едім.

Аспанымда көк туымыз желбіреген,

Жүрегім менің Отаным деп күмбірлеген.

Елбасымның салған сара жолымен,

Еліме адал қызмет етемін мен.

Мөнекей негізгі орта мектебі

2-сынып оқушысы

Мейрамбек Мансұр