Эссе "Елі сүйген, елін сүйген Елбасы"

Орындаған: 825 топ студенті Губайдуллина Назерке

Мамандығы: «Әлеуметтік жұмыс»

Топ жетекшісі: Шналиева Майя Урынгалиевна

01.12.2020

«Елі сүйген,елін сүйген Елбасы»

Әр елдің қарқынды дамуы,гүлденуі президентке байланысты.Міне соған орай бүгінде біздің тәуелсіз еліміздің 1-желтоқсан Президент күні де келіпті. Менің елім – Қазақстан! Мен еліммен, туған жеріммен мақтанамын. Өз алдына тәуелсіз мемлекет болып келе жатқанымызға 29 жыл. Өз туған елінде, кіндік қаның тамған жерде еркін дербес болып жүргенге не жетсін! «Басқа елде сұлтан болғанша өз еліңде ұлтан бол» деген осыдан шықса керек. Қазақстан тек бір ұлтты мемлекет емес, онда түрлі ұлт өкілдері тұратын, тілі, діні бір болмаса да барлығымен ынтымақтастығы мол ел болып келе жатырмыз. Қазақстан – ол қонақжай, құшағы бәріне ашық мемлекет. Басына қандай да бір жайт туса да мойымайтын төзе біледі. Жүрегі қазақ деп соғатын, еліміздің тәуелсіздікке қол жеткізуіне елеулі үлес қосқан, Қазақстанның тұңғыш Президенті Нұрсұлтан Әбішұлы Назарбаев – елін сүйген, елі сүйген Елбасы! Қазақ елі үшін оның орны бөлек.

Назарбаев елінің сенімін ақтаған Елбасы. Бұрынғы ата-бабамыз ақ білектің күшімен, ақ найзаның ұшымен жерін қорғап, халқының қамын ойлаған. Сол секілді Елбасы да ата-бабасының артынан ерген, солардың рухын көтерген тұлға. Ата-бабаларымыздың біз үшін, болашақ ұрпақ үшін соғысқан маңдай тері бекерге кетпегені осыдан анық көруге болады. Елбасы Қазақстан Республикасын талай белестерге жеткізіп, артта қалдырмай, заман талабына сай басқа елдерден кем қылған жоқ. Осы аянбай еткен еңбегі үшін біз ол адамға Қазақстан халқы болып алғысымызды айтамыз. Біз қазақ елін көкірегімізді ұрып тұрып мақтанышпен айта алатын деңгейдеміз. Елбасы айтып кеткендей «Жастар – ел бастауы», «Болашақ – жастардан басталады» дегендей біз осы адамға қарап, оны үлгі тұтып, патриот, елін сүйген, елінің көркеюіне бар күш жігерін аянбай салатын, жылдар өтіп біз кетсекте Қазақстан деген мемлекетті естігенде әр халықтың көкейінде қалдыра білетіндей азамат, азаматша болуымыз керек деп ойлаймын. Елдің болашағы біздің қолымызда. Еліміздің тірегі, кепілі – ол біздің халқымыз.