Мамандық таңдау- маңызды шешім.

Мамандық таңдау өміріміздің бір кірпішін дұрыс қалау. Ең қиын мамандық адам болып қалу.

Мамандық таңдау деген өзің айналысқың келетін жұмысты таңдау ғана емес , өзің араласқың келетін ортаны да таңдау. Мамандық қарапайым өмір сүру көзі болып табылатын және қандай да бір дайындықты,жауапкершілікті талап ететін еңбек қызметінің маңызды бөлігі.

Мамандықты таңдау үшін,адам ең алдымен өзін,өз бейімділігін тануы қажет. Өз-өзіне «Мен кіммін?», «Осы өмірдегі менің орным қандай?», «Қалай өмір сүремін?», « Кім болсам екен?», «Мақсатыма жетуім үшін не істеуім керек?деген сұрақтарды қоюы және оған жауап іздеуі керек деп ойлаймын. Мамандық таңдауда әр адам өзінің қызығушылығына , қабілетіне, талантына,бейімділігіне, қалауына сүйенуі керек.

Менің болашақ мамандығым-ағылшын тілі пәнінің мұғалімі болу. Менің таңдаған мамандығым қазіргі кезде ең маңызды мамандықтардың бірі болып табылады. Мен балаларға білім берүді,алған білімімді арттыру және пысықтау үшін айналамдағы адамдарға үйреткенді ұнатамын. Мұғалім болу -менің бала кезімдегі алға қойған мақсатым.Мақсатыма жету үшін мектепте жақсы оқып,ағылшын тілінен қосымша сабақтарға қатысып,ұстазымның берген тапсырмаларын және айтқан кеңестерін бұлжытпай орындауға әрекет жасап,тіпті дағдыланып та кеттім.Мен болашақта арманым орындалады деп үміттенемін. Менің ойымша,балаларға білім беру,оқыту- ең маңызды және асыл іс. Мұғалімдер тек өз пәнін үйретіп қана қоймай , оқушылардың білімін,ақылын,өмірге деген көзқарасын , мінезін және айналадағы адамдармен ара қатынасын жақсартады. Болашақта сапалы білімді,саналы ұрпақтарды тәрбиелеуде мұғалімдердің қосар үлесі зор.Сондықтан да мен осы мамандықты таңдадым.

Мен ойлаймын,әрбір адам баласы мақсатына жету жолында тынымсыз еңбек етіп,түрлі кедергілер мен қиындықтарды жеңе алса ғана биік шыңдардан көрінеді.