“Менің курс жайлы ойым”
Жиырма бірінші ғасыр – жоғары технологиялар, жаhанды өзгерістер, білім ғасыры. Осы заман талабына сай, бәсекеге қабілетті болу үшін қандай да салада білімді, жаңалыққа дайын, құзыретті мамандар қажет. Қазақстан Республикасының педагог қызметкерлерінің біліктілігін арттыру үшін осы курс бағдарламасы мұғалімнің оқыту үдерісіне, оқушыға, тіпті мұғалімнің өзінің рөлі мен көзқарасының түбегейлі өзгеруіне бағытталған. Мен осы курстан өзіме көп жаңа мәліметтер алғым келеді. Сабаққа келген кезімде мен жаңа идеяларға толы, білім қорым кеңейген, зерттеуге, іс-әрекетке құштарлығы, қызығушылығы мол мұғалім болып келгім келеді. Осы курс барысында өз тәжірибемде үлкен, айқын өзгерістерге қадам басқым келеді. Менің тәжірибемді ғана емес, көзқарасымды, ұстанымымды, құндылықтарымды, жалпы өзімді өзгертеді деп ойлаймын. Курс барысында біз сонымен қатар, кәсіби қоғамдастық құра отырып, мектептің дамуына кедергі келтіретін проблемаларды анықтауға және осы проблеманы шешу бағытында мектептің даму жоспарына өзгеріс енгізуге көшбасшылық жасауға үйренеміз. Осы курс менің кәсіби дамуыма, оқыту жүйесіне жаңа көзқараспен қарап, өзімнің болашақ бағытымды айқындауыма көмегі зор болады деп ойлаймын. Курстан кейін менің көшбасшы мұғалім ретінде алдыма қойған мақсатым – ұжымдағы басқа мұғалімдердің осы сындарлы оқыту теориясы негізінде диалогтік оқыту мен сыни ойлауды дамыту бағытында мән- жайға қанығып, сол арқылы бүкіл мектеп шеңберінде өзгеріс жүргізілуіне ықпал ету. Елімізде осындай сындарлы оқытудың нәтижесінде біліктілігіміз көтеріліп, сабақтарымызда жаңа тәсілдерді қолданып, оқушыға өз бетінше білім алу, ізденіс жұмыстарын жүргізу, сыни тұрғыда ойланып, пікірлерін еркін жеткізе білуге қолымнан келгенше дағдыландырамын. Білімімді жетілдіргеннен кейін мен сабақты түрлі формада ұйымдастыра білуді, оқушыларды критерий арқылы бағалауды, айналаға сыни көзқараспен қарауды және оқушыға еркіндік бере отырып, пікірлерін тыңдай білуді және өз іс – әрекеттерімді сыни тұрғыда бағалауға үйренемін деп ойымды аяқтағым келеді.
ҚР Білім және Ғылым министірлігінің стандартымен жасалған
06 Ақпан 2019
2218
0 рет жүктелген
