Менің өміріме әсер еткен бағдарлама

Қоғамның ең басты байлығы адам. Ал, адамның өмірін сақтау, денсаулығын нығайту, білім алуын, еңбек етуін жалпы жақсы толыққанды өмір сүруіне жағдай жасау қоғамның басты міндеттерінің бірі. Осы бағдарлама елбасымыз Нұрсұлтан Назарбаевтың жылдағы жолдауында білім, спорт, медицина денсаулық саласына аса зор мән беруде. Жолдау әр адамның жүрегіне жол тауып, болашаққа нық қадам жасауға бағытталған.Дені сау ұрпақ болашақтың жарқын,еліміздің дамыған алдыңғы қатарлы мемлекеті болуының алғы шарттарының бірі. Психологиясы сау адам экономикалық жане әлеуметтік қызметтердің орталық ресурсы болып табылады. Бұл бағытта елімізде көптеген жұмыстар жасалуда.

2015-2020 жылдары Қазақстан Республикасында жасөспірімдер арасындағы суицидтің алдын алу бағдарламасын жүргізу жоспарланған. Бұл білім мен ғылым, денсаулық сақтау, әлеуметтік даму, ішкі істер министрлігінің біріккен бағдарламасы. Отбасы -суицидтің алдын алудағы негізгі қорғаушы фактор. Өйткені біз уақытымыздың көп бөлігін отбасымызбен өткіземіз. Отбасында тұрақты психикалық денсаулық пен салауатты даму негіздері қалыптасады.Ал бұл біздің алдағы уақытта дұрыс дамуымызға жол ашады.

Мектеп салауатты өмір салтын насихаттайтын және түрлі іс-шаралар жүргізу үшін маңызды орын. Бағдарлама психикалық денсаулықты жақсартуға және оқушыларды диструктивті мінез-құлқының алдан-алуға шешім қабылдай алуға қажет болған жағдайда психологиялық көмекке жүгінуге бағытталған. Баланың психологиясын зерттеу көбіне сауалнамалар арқылы жүргізіледі және құпиялылық сақталады. Бұл баланың ашық, еркін жауап беруіне ықпал етеді. Статистика бойынша жылына 100 000 жасөспірім өмірін суицидпен аяқтайтыны далелденген. Көбінесе олар өз әрекеттеріне адам төзгісіз сезімдерге нүкте қою немесе ауыртпалық жағдайдан кету ниетімен барады. Олар өз-өзіне тығылып, қиындықтар шешімін таппайтындай көрінеді. Ал, бұл бағдарлама 3 кезеңге бөлініп, әр жас ерекшелігі есептелінген. Осы бағдарлама аясында жұмыстар, іс-шаралар жүргізілуінің нәтижесінде баланың қауіпті мінез-құлық үлгілері мен психикалық денсаулыққа байланысты проблемалары дер кезінде шешіліп, бала өмірі сақталады.

Мектебіміздегі психолог апайларымыздың еңбегі өте зор. Мен психолог апайымнан көп нарсе үйрендім.Осы бағдарламаның шыққанын және оның қалай іске асырылып жатқанын түсіндім. Мен бұл бағдарламаны толық қолдаймын. Өйткені маған жақындарымның, достарымның өмірі, денсаулығы болашағы қымбат. Мен оларға «Өз өмірінің өз қолыңда, шешімі табылмас мәселе болмайды, қиындығыңды бөлісуге жасқанба, сенің өмірің бәрінен де қымбат, саған көмек қолын созар адам жаныңда жүр!» дегім келеді.

Қызылорда обл

Жаңақорған ауданы

Қаратөбе ауылы

№229 «Абызтөбе» орта мектебі

9 «Б» сынып оқушысы Балтабай Гүлбақыт Бейбітқызы

Психолог: Абуова Мадина Дәндібайқызы