Эссе. "Менің қызығушылығым" 4 сынып

Азыхан Інжу Болатқызы

Менің қызығушылығым

Қызығушылық деген- дүниедегі заттар мен құбылыстарды танып білуге бағытталған, адамның жеке ерекшеліктерінің бір көрінісі. Сүйіп істейтін ісі.

Жер шарында көптеген миллиард адам тұрады. Әр адамның болмысы, мінезі, қызығушылығы әр түрлі болады. Бір адам әнге, бірі биге, ал енді бірі спортқа қызығады. «Мен неге қызығам», менің қызығушығым несімен ерекше?-деген сұрақты өзіме қойдым.

Жауабым осындай болды:

1.Спортпен шұғылданғанды жақсы көремін. Салауатты өмір салтын ұстау, адам деңсаулығын нығайтады. Менің бапкерім маған үйретуден жалықпайды, ал мен үйренуден жалықпаймын.

2.Сурет салуды ұнатамын. Мен сурет үйірмесіне қатыспаймын, бірақ «сурет салудың» видеосабақтарын көру арқылы сурет саламын. Жақындарымның туған күндерінде салған суреттерімді сыйға тартамын.

3.Билеуді ұнатамын. Билегенде бір сергіп, көңіл-күйімді көтеремін.

4.Маған үлкен әпкем көп кітаптар сыйлады. Сол кітаптардың ішінде, «Энциклопедия» кітабы қатты ұнайды. Кітаптта жануарлар мен жәндіктердің қалай пайда болғаны туралы айтылған. Ал, сіздер білесіздер ме? Хамелеон көздерін бірнеше бағытқа бұрып қарай алады.

5.Ауа-райы жаңбырлы болғанда, далада жүгіріп, аспанға қарап, табиғатты тамашалағанды ұнатамын. Пах, шіркін! Неткен керемет көрініс десеңші!

Әр адамның қызығушылығы әр-түрлі болады. Мен өз қызығушылықтарымды атап өттім. Өзіме ерекше болған осы қызығушылықтар. Ал, сіздің қызығушылығыңыз қандай?